________________
रत्नपरीक्षा सूवरदाढे वट्टा घियवन्ना तह य सालफलतुल्ला । चिट्ठति जस्स पासे इंदेण न जिप्पए सोवि ॥ ४४ ॥ सप्पस्स नील निम्मल कंकोलीफलसमाण लच्छिकरा । छल -च्छिद्द - अहि - उवद्दव - विसवाही- विजु नासयरा ॥१५॥ मेहे रवितेयसमा सुराण कीलंत कहव निवडंति । गिण्हंति अंतराले अपत्त धरणीयले देवा ॥ ४६॥ वायं छिज्जइ कोवि हु जलबिंदू जलहरंमि वरिसंते । सु वि मुत्ताह[ल]लच्छी भणंति चिंतामणी विउसा ॥ ४७ ॥ एए हुंति अवेहा अमुल्लया पूयमाण रिद्धिकरा । लोए बहुमाहप्पा लहु बहुमुल्ला य सिप्पिभवा ॥४८॥ रामावलोइ ववरि सिंघलि कंतारि पारसीए य । केसिय देसेसु तहा उवहितडे सिप्पिजा हुंति ॥ ४९॥ सव्वेसु आगरेसु य सिप्पउडे साइरिक्ख जलजोए । जायंति मुत्तियाई सव्वालंकारजणयाइं ॥ ५० ॥ तारं वटै अमलं सुसणिद्ध कोमलं गुरुं छ गुणा । लहु कढिण रुक्ख करडा विवन्न सह बिंदु छह दोसा ॥ ५१ ॥ ससिकिरणसमं सगुणं दीहं इक्कंगि कलुसियं हवइ । तस्स य खडंस हीणं मुल्लं निंबउलिए अद्धं ॥५२॥ अहरूव पंकपूरिय असार विप्फोड मच्छनयणसमं । करयाभं गंठिजुयं गुरुं पि वढं पि लहुमुल्लं ॥ ५३ ॥ पीयड अय? तिहा सखुद्द छटुंसु खरड जह जुग्गं । सदोसे य दसंसं इयराणं दिट्ठए मुल्लं ॥ ५४॥
॥ इति मुत्ताहलपरीक्षा ॥
Jain Educationa International
For Personal and Private Use Only
www.jainelibrary.org
