________________
वास्तुसार-प्रथमप्रकरण दाहिण वाम इगेगं अलिंद जुअलस्स मंडवं पुरओ।
ओवरय मज्झि थंभो तस्स य नामं हवइ सोमं ॥ ८६ पुरओ अलिंद तियगं तिदिसिं इक्किक्क हवइ गुंजारी । थंभय पट्ट समेयं सीधर नामं च तं गेहं ॥ ८७ गुंजारि जुअल तिहुं दिसि दुलिंद मुहे य थंभ परिकलियं । मंडव जालिय सहिया सिरिसिंगारं तयं विति ॥ ८८ तिनि अलिंदा पुरओ तस्सग्गे भदु सेस पुव्वु व्व । तं नाम जुग्गसीधर बहुमंगल रिद्धि-आवासं ॥ ८९ दु अलिंद-मंडवं तह जालिय पिढेग दाहिणे दु गई। भित्तितरि थंभ जुआ उज्जोयं नाम धणनिलयं ॥ ९० उजोअगेह पच्छइ दाहिणए दुगइ भित्ति अंतरए । जइ हुंति दो भमंती विलासनामं हवइ गेहं ॥ ९१ ति अलिंद मुहस्सग्गे मंडवयं सेसं विलासु व्य । . तं गेहं च महंतं कुणइ महड्डिं वसंताणं ॥ ९२ मुहि ति अलिंद समंडव जालिय तिदिसेहि दु दु य गुंजारी । मज्झि वलय गय भित्ती जालिय य पयाववद्धणयं ॥ ९३ पयाववद्धणए जइ थंभय ता हवइ जंगमं सुजसं । इअ सोलस गेहाई सव्वाइं उत्तरमुहाई ॥ ९४ एयाई चिय पुव्वा दाहिण पच्छिम मुहेण बारेण । नामंतरेण अन्नाई तिनि मिलियाणि चउसहि ॥ ९५ संतणमुत्तरबारं तं चिय पुव्वमुह संतदं भणियं । . जम्ममुह वड्डमाणं अवरमुहं कुकुडं तहन्नेसु ॥ ९६ अग्गे अलिंद तियगं इक्किकं वाम दाहिणोवरयं । थंभजुयं च दुसालं तस्स य नामं हवइ सूरं ॥ ९७ वयणे य चउ अलिंदा उभयदिसे इक्कु इक्कु ओवरओ । नामेण वासवं तं जुगअंतं जाव वसइ धुवं ॥ ९८ मुहि ति अलिंद दु पच्छइ दाहिण वामे अ हवइ इक्किक्कं । तं गिह नामं वीयं हियच्छियं चउसु वन्नाणं ॥ ९९ दो पच्छइ दो पुरओ अलिंद तह दाहिणे हवइ इको । कालक्खं तं गेहं अकालि दंडं कुणइ नूणं ॥ १०० ॥
Jain Educationa International
For Personal and Private Use Only
www.jainelibrary.org
