________________
अगडदत्तचरियं
७७.
गयखंधपरिट्ठियओ अह सो भणिओ य दारवालेणं । "हक्कारइ नरनाहो आगच्छसु कुमार रायउलं" ।।७० ॥ रायाएसेण तओ हत्थि खम्भम्मि आगलेऊणं । कुमरो ससङ्कहियओ पत्तो नरनाहपासम्मि ॥ ७१ ।। जाणूकरुत्तमङ्ग महीए विणिहित्तु गरुयविणएणं । जाव न कुणइ पणामं अवगूढो ताव सो रन्ना ॥ ७२ ॥ तम्बोलासणसंमाणदाणपइओ अहियं ।
कुमरो पसन्नहियओ उवविट्ठो रायपासम्मि ।। ७३ ॥ तओ चिन्तियं राइणा "उत्तमपुरिसो एसो । जओ
विणओ मूलं पुरिसत्तणस्स मूलं सिरीए ववसाओ।
धम्मो सुहाण मूलं दप्पो मूलं विणासस्स ।। ७४ ।। अन्नं च--
को चित्तेइ मंऊरं गई च को कुणइ रायहंसाणं । __ को कुवलयाण गन्धं विणय च कुलप्पसूयाणं ।। ७५ ।। अवि य--
साली भरेण तोएण जलहरा फलभरेण तरुसिहरा । विणएण य सप्पुरिसा नमन्ति न हु कस्स वि भएण" ।। ७६ ॥ तो विणयरञ्जिएणं कुसलपउत्तीउ पुच्छिओ कुमरो। रन्ना कलाण गहणं सविसेसं तह य पुठ्ठति ।। ७७ ॥ नियगुणगहण पयडेइ नो य लज्जाए जाव सो ताव । उज्झाएणं भणियं “पहु निउणो एस सव्वत्थ ।। ७८ ।।
Jain Educationa international
For Personal and Private Use Only
www.jainelibrary.org
