________________
७६
प्राकृत भारती
तुट्रपयबन्धरज्जू संचुण्णियभवणहटदेवउलो । खगमेत्तेण पयण्डो सो पत्तो कुमरपुरओ त्ति ॥५५।। तं तारिसरूवधरं कुमरं दळूण नायरजणेहिं । गहिरसरेणं भणिओ ओसर ओसर करिपहाओ ॥५६॥ कुमरेण वि नियतुरयं परिचइऊणं सुदक्खगइगमणं । हक्कारिओ गइन्दो इन्दगइन्दस सारिच्छो ।। ५७ ॥ सुणिउ कुमारसदं दन्ती पज्झरियमयजलपवाहो । तुरिओ पहाविओ सो कुद्धो कालो व्व कुमरस्स ।। ५८ ॥ कुमरेण य पाउरणं संवेल्लेऊण हिट्टचित्तेणं । धावन्तवारणस्सा सोण्डापुरओ उ पक्खित्तं ।। ५९ ॥ कोवेण धमधमेन्तो दन्तच्छोभे य नेइ सो तम्मि । कुमरो वि पिट्ठभाए पहणइ दढमुट्ठिपहरेणं ।। ६० ।। ता ओधावइ धावइ चलइ खलइ परिणओ तहा होइ।। परिभमइ चक्कभमण रोसेण धमधमेन्तो सो ।। ६१ ॥ अइव महन्तं वेलं खेल्लावऊण तं गयं पवरं ।। निययवसे काऊणं आरूढो ताव खन्धम्मि ॥ ६२ ।। अह तं गइन्दखेडं मणोहरं सयलनयरलोयस्स । अन्तेउरसरिसेणं पलोइयं नरवरिन्देणं ।। ६३ ।। दछु कुमरं गयखन्धसंठियं सुरवई व सो राया । पुच्छइ नियभिच्चयणं को एसो गुणनिहि बालो ।। ६४ ॥ तेएणं अहिमयरो सोमत्तणएण तह य निसिनाहो । सव्वकलागमकुसलो वाई सुरो सुरूवो य ।। ६५ ॥ एक्केण तओ भणियं “कलयायरियस्स मन्दिरे एसो! कलपरिसमं कुणन्तो दिट्ठो मे तत्थ नरनाह" ।। ६६ ।। तो सो कलयायरिओ नरवइणा पुच्छिओ हरिसिएणं । को एसो वरपुरिसो गयवरसिक्खाए अइकुसलो ।। ६७ ॥ अभयं परिमग्गेउ कलयायरिएण कुमरवुत्तन्तो। सविसेसं परिकहिओ नरवइणो बहुजणजयस्स ।। ६८॥ तं निसुणिऊण राया नियहियए गरुयतोसमावन्नो। संपेसइ पडिहार आणे हि त्तममं पासं ।। ६९ ॥
Jain Educationa International
For Personal and Private Use Only
www.jainelibrary.org
