________________
६. सिरिकुम्मापुत्तचरिअं* नमिऊण वद्धमाणं असुरिंदसुरिंदपणयपयकमलं । कुम्मापुत्तचरित्तं वोच्छामि अहं समासेणं ॥१॥ रायगिहे वरनयरे नयरेहापत्तसयलपुरिसवरे । गुणसिलए गुणनिलए समोसढो वद्धमाणजिणो ।। २।। देवेहि समोसरणं विहिअं बहुपावकम्मओसरणं । मणिकणयरययसारप्पायारपहापरिप्फुरिअं ॥३॥ तत्थ निविठ्ठो वीरो कणयसरीरो समुद्दगंभीरो। दाणाइचउपयारं कहेइ धम्मं परमरम्मं ।। ४ ॥ दाणतवसीलभावणभेएहि चउव्विहो हवइ धम्मो । सव्वेसु तेसु भावो महप्पभावो मुणेयव्वो ॥५॥ भावो भवुदहितरणी भावो सग्गापवग्गपुरसरणी। भवियाणं मणचितिअअचितचिंतामणी भावो ॥६॥ भावेण कुम्मपुत्तो अवगयतत्तो य अगहियचरित्तो। गिहवासे वि वसंतो संपत्तो केवलं नाणं ।। ७॥ गोयम जं मे पुच्छसि कुम्मापुत्तस्स चरिअमच्छरिअं । एगग्गमणो होउं समग्गमवि तं निसामेसु ॥ ८॥ जंबद्दीवे दीवे भारहखित्तस्स मज्झयारंमि । दुग्गमपुराभिहाणं जगप्पहाणं पुरं अत्थि ॥९॥ तत्थ य दोणनरिंदो पयावलच्छीइ निजिअदिणिदो। णिच्चं अरियणवज्ज पालइ निवकंटयं रज्ज ॥१०॥ तस्स नरिंदस्स दुमा नामेणं पट्टराणिआ अत्थि । संकरदेवस्स उमा रमा जहा वासुदेवस्स ॥११।। दुल्लभणामकुमारो सुकुमारो रम्मरूवजियमारो। तेसिं सुओत्थि गुणमणिभंडारो बहुजणाधारो ।।१२।।
* पाठ-सम्पादन-प्रो० के० वी० अभयंकर, कुम्मापुत्तचरियं, अहमदाबाद,
१९३३ ।
Jain Educationa International
For Personal and Private Use Only
www.jainelibrary.org
