Page Text
________________
*६२
प्राकृत भारती [१९] पुणो पुव्वक्कमेण य जाममेत्ताए रयणीए गओ कणगमतीए गेहं ति । ट्ठिा कणगमती सह दासचेडीहिं विमणा किं पि किं पि अफुडक्वरं मन्तयन्ती । उवविठ्ठो य अहं ते ? (ता) सिं समीवे अणुवलक्खिओ। तओ थेववेलाए भणियमेगीए दासचेडीए जहा सामिणि ! कीरउ गमगारंभो, अइक्कमइ वेला रूसिही सो विज्जाहरा हिवती । तओ दीहं णीससिऊण भणियं कणगमतीए जहा-"हला ! कि करेमि ?, मदभाइणी अह तेण विजाहररिन्देण कुमारभावम्मि णेऊण समयं गाहिया जहा-जाव तुम मए णाणुण्णाया ताव तए पुरिसो णाहिल सणीओ। पडिवण्णं च तं मए । जणयाणुरोहेण विवाहो वि अणुमण्णिओ। अणुमया य पिययमस्स। अहपि गुण रूवाखित्तहियया तप्परायणा जाया। जाणिओ य विजाहरवइयरो मह भत्तुणा । ता ण जाणामि 'कि पज्जवसाणमेयं भविस्सइ ?' त्ति सासंक मह हिययं । किं वा एस मह दइओ तम्मि विजाहरकोवजलणम्मि पथं गत्तणं पडिवन्जिस्सइ ? त्ति, उवाउ सो मं चेव वावाइस्सइ ? कि वा अण्णं किं पि भविग्सइ। त्ति । सव्वहा समाउलीया इमेणं देहेणं ण याणामि "किं करेमि ?', दुट्ठो विजाहरो णियबलजत्तो य । दढमणुरत्तो य भत्तारो ण छड्डेइ अणबंध, गरुओ जोवणारंभो बहुपच्चवाओ य गरुयाई जणयससुरघराई, विसमो लोओ, अइकुडिला कज्जगई, ता एयाए चिंताए दढं समाउलीय म्हि"। पुणो तमायण्णिऊण भणियं दासचेडीए-जइ एवं ता अहं चेव तत्थ गच्छामि, साहिस्सामि य जहा-सिरं दुक्खइ त्ति तओ जाणिस्सामो 'किं सो पडिवजिस्सइ ?' त्ति कणगमईए सुइरं चिन्तिऊ ग भणियंएवं होउ त्ति ।
[२०] तयणंतरमेव कणगमतीए विउरुब्वियं विमाणं । मए चिंतियंसोहणं कयमिमीए जंण गय त्ति, अहमेव तत्थ गंतुण अवणेमि विज्जाहरणरिदत्तणं, फेडेमि पेक्खणयसद्ध दूरीकरेमि जियलोयं । ति चिंतयंतो सह तीए दासचेडीए आरूढो विमाणेक्कदेसे। गयं तहेव तं विमाणं तमुद्देसं ।
[२१] जाव य उसहसामिणो ण्हवणं काऊण णट्ट समारद्ध ताव य सा दासचेडी संपत्ता तमुद्देसं । णीसरिऊण विमाणाओ उवविट्ठा एगदेसम्म। पुच्छिया य अवरेणं विजाहरेणं-किमसूरे तुमं समागया ? कहिं च कणगमइ ? त्ति । तओ तीए भणियं-ण सोहणं सरीरं कणगमईए तओ अहं पेसिय त्ति । तं सोऊण भणियं विज्जाहरणरिदेणतुब्भे करेह पेक्खणयं अहं तीए सोहणं सरीरं करिस्सामि । [ त्ति ] जंपिए संखुद्धा चेडी। सजिओ मए परियरो, सणाहीकयं च खग्गरयणं । ताव य उवसंहरिओ
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |