Page Text
________________
ܪ
प्राकृत भारती
सवत्तिमाया सहरसा नियमंदिरपिट्ठदेसे महंतयं कूवयं खणाविऊण किंपि पवंचं मणे भाविऊण तम्मज्झ गयभूमिहरए नियधूयं ठवेइ । अह समागया आरामसोहा सपरियणा, सवत्तिमाया वि तीए पुरो नियमभिप्पायमप्पयडंती किंकरिव्व कज्जाई करिती चिट्ठइ ।
[ ३० अह संजाए पसवसमये सुरकुमराणुकारं सा पस्या कुमार । अन्ना विविसओ दूरट्ठिए परियणे समोवट्टियाए सवत्तिमाया काय - चितानिमित्तं नीया आरामसोहा पच्छिमदुवारं, सावि तत्थ कूवं पलोइऊण भणइ - 'अम्मो ! कया काराविओ ? एस अउव्वो कूवो ।' तओ सा परमपिम्ममिव पयडंती साहइ - 'वच्छे ! तुज्झागमणं नाऊण मए एस कराविओ । मा कया विदूरओ नीरे आणिज्जमाणे विसाइसकमो हुज्जा । तओ सा आरामसोहा कोऊहलेण कूवतलं पलोयंती तोए दुट्ठाए अणुल्लहियाए पल्लिया अहोमुहा चेव पडिया ।
[ ३१ ] तम्मि समए तीए आवयपडियाए सो नागकुमारसुरो सरिओ, तेणावि सुरेण पयडीभूएण करसंपुडेणं अद्धंतराले चेव सा पडिच्छिया । कूवंतरे चैव पायालभवणं विउव्विय ठाविया । आरामो वि तत्थेव देवप्पभावाओ ठिओ सुरोवि बंभणीए उवरि कोवं कुणतो 'मा यत्ति' भणिय तीए उवसामिओ गओ सट्ठाणं ।
[ ३२ ] तओ तीए बंभणीए पमुइयाए तप्पल्लेके णवव्पसूयत्ति नियधूया सुवारिया | खतरे तप्पडिचारियाओ समागयाओ तं अप्पलावण्णं किपि सरिसागारं दट्ठूण धसक्कियहिययाओ जंपन्ति - सामिणी ! संपइ किमनारिसीव भगवई पलोइज्जइ ?'
[ ३३ ] सापि साहरइ - किपि न मुणेमि, परं मह देहो न सत्थावत्थो । तओ ताहि भयभीयाहि तज्जणणीए बंभणीए पुरो निवेश्यं । तओ सावि पडुकूडकवडनाडयनडिया करेहिं हिययं ताडयंती पलविडं लग्गा ! हद्धी, दुट्ठदिव्वेणं मुट्ठा, जं वच्छा अन्नारिसरूवा दीसइ, कहं रण्णो मुहं दक्खविस्सं? तओ रायभएण विसन्नाओ परिचारियाओ चिट्ठति ।
1
[ ३४ ] अह तम्मि समए निवइसमाइट्ठो समागओ मंती । तेणवि भणियं - 'जं देवो आणवेइ - देवीस हियं कुमारं सिग्घमाणेउण मह मेलह' त्ति । तव्वयणसवणाणंतरं कया सयलावि पत्थाणसामग्गी, तम्मि अवसरे परिवारेण पुच्छिया देवो - 'कत्थ आरामो ?' 'अज्जवि नागच्छइ', सा भणइ - ' कुवए नीरपाणट्ठ मए ठाविओ, पच्छा आगमिस्सइ ।'
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |