________________
गाहा-६९६
उसिणे दवस्स दोन्नि उ तिन्नि व सेसा उ भत्तस्स [६९५] एगो दवस्स भागो उवट्ठितो भोयणस्स दो भागा । वड्ढंति व हायंति व दो दो भागा उ एक्केक्के
[६९६] तत्थ उ तइयचउत्था दोन्नि य अणवट्ठिया भवे भागा । पंचमछट्टो पढमो बिइओ वि अवट्ठिया भागा [६९७] तं होइ सइंगालं जं आहारेइ मुच्छिओ संतो । तं पुण होइ सधूमं जं आहारेइ निंदतो [६९८] अंगारत्तमपत्तं जलमाणं इंधणं सधूमं तु । अंगारत्ति पवुच्चइ तं चिय दड्ढं गए धूमे [६९९] रागग्गिसंपलित्तो भुंजतो फासुयंपि आहारं । निड्ढंगालनिभं करेइ चरणिंधणं खिप्पं [७००] दोसग्गीवि जलंतो अप्पत्तियधूमधूमियं चरणं । अंगारमित्तसरिसं जा न हवइ निद्दही ताव
[७०१] रागेण सइंगालं दोसेण सधूमगं मुणेयव्वं । छायालीसं दोसा बोद्धव्वा भोयणविहीए
[७०२] आहारंति तवस्सी विगइंगालं च विगयधूमं च । झाणज्झयणनिमित्तं एसुवएसो पवयणस्स
[७०३] छहिं कारणेहिं साधू आहारिंतो वि आयरइ धम्मं । छहिं चेव कारणेहिं निज्जूहिंतो वि आयरइ
[७०४] वेयण वेयावच्चे इरियट्ठाए य संजमट्ठाए । तह पाणवत्तियाए छट्टं पुण धम्मचिंत
[७०५] नत्थि छुहाए सरिसा वियणा भुंजेज्ज तप्पसमणट्ठा । छाओ वेयावच्चं न तरइ काउं अओ भुंजे [७०६] इरिअं नवि सोहेई पेहाईअं च संजमं काउं । छाओ वा परिहाइ गुणणुप्पेहासु अ असत्तो [७०७] अहव ण कुज्जाहारं छहिं ठाणेहिं संजए । पच्छा पच्छिमकालंमि काउं अप्पक्खमं खमं [७०८] आयंके उवसग्गे तितिक्खया बंभचेरगुत्तीसु । पाणिदया तवहेउं सरीरवोच्छेयणट्ठाए
[७०९] आयंको जरमाई रायासन्नायगाइ उवसग्गो । बंभवयपालणट्ठा पाणिदया वासमहियाई
[७१०] तवहेउ चउत्थाई जाव उ छम्मासिओ तवो होइ । छट्टं सरीरवोच्छेयणट्ठया हो अणाहारो
[७११] सोलस उग्गमदोसा सोलस उप्पायणाए दोसा उ ।
[43]
[ दीपरत्नसागर संशोधितः ]
||
||
||
||
||
||
||
||
||
||
||
||
||
||
||
||
||
[४१-पिंडनिज्जुत्ति]
