Page Text
________________
पवयणस्स णं अन्नयरे द्वाणे वइमित्तेणं पि अनायारं असमायारी परूवेमाणे वा अनुमन्नेमाणे वा, पवयणमासाएज्जा | से णं बोहिं पि नो पावे किमंगं आयरियपयलंभं ? से भयवं किं अभव्वे मिच्छादिट्ठी आयरिए भवेज्जा ? गोयमा ! भवेज्जा । एत्थं च णं इंगालमद्दगाई नेए |
से भयवं ! किं मिच्छादिट्ठी निक्खमेज्जा ? गोयमा ! निक्खमेज्जा |
से भयवं! कयरेणं लिंगेणं से णं वियाणेज्जा जहा णं धवमेस मिच्छादिद्वी ? गोयमा ! जे णं कय-सामाइए सव्व-संग-विमुत्ते भवित्ताणं अफासु-पानगं परिभुज्जेजा, जे णं अनगार-धम्म पडिवज्जित्ताणमसई सोइरियं वा पुरोइरियं वा तेउकायं सेवेज्ज वा सेवावेज्ज वा तेउकायं सेविज्जमाणं अन्नेसिं समणुजाणेज्ज वा, तहा नवण्हं बंभचेर-गुत्तीणं जे केई साहू वा साहूणी वा एक्कमवि खंडेज्ज वा विराहेज्ज वा खंडिज्जमाणं वा विराहिज्जमाणं वा बंभचेर-गुत्ती परेसिं समणुजाणेज्जा वा, मणेण वा वायाए वा काएण वा से णं मिच्छाद्दिहि, न केवलं मिच्छादिट्ठी अभिग्गहियमिच्छादिट्ठी वियाणेज्जा ।
[८३७] से भयवं ! जे णं केई आयरिए इ वा मयहरए इ वा असई कहिंचि कयाई तहाविहं संविहाणगमासज्ज इणमो निग्गंथं पवयणमन्नहा पन्नवेज्जा से णं किं पावेज्जा ? गोयमा ! जं सावज्जायरिएणं पावियं ।
से भयवं! कयरे णं से सावज्जयरिए किं वा तेणं पावियं ? ति | गोयमा ! णं इओ य उसभादि-तित्थंकर-चउवीसिगाए अनंतेणं कालेणं जा अतीता अन्ना चउवीसिगा तीए जारिसो अहयं तारिसो चेव सत्त-रयणी-पमाणेणं जगच्छरय-भूयो देविंद-विंदवंदिओ पवर-वर-धम्मसिरी नाम चरम-धम्मतित्थंकरो अहेसि । तस्स य- तित्थे सत्त अच्छेरगे पभूए, अहण्णया परिनिव्वुडस्स णं तस्स तित्थंकरस्स कालक्कमेणं असंजयाणं सक्कार-कारवणे नाम अच्छरेगे वहिउमारद्धे, तत्थ णं लोगानुवत्तीए मिच्छत्तवइयं असंजय-पूयानुरयं बहु-जन-समूहं ति वियाणिऊणं तेणं कालेणं तेणं समएणं अणिय-समय-सब्भावेहि ति-गारव-मइरा-मोहिएहिं नाम-मेत्त-आयरियमयहरेहिं सड्ढाईणं सयासाओ दविण-जायं पडिग्गहिय-थंभसहस्सूसिए सक-सके ममत्तिए चेइयालगे काराविऊणं ते चेव दुरंत-पंत-लक्खणाहमाहमेहिं आसईए ते चेव चेइयालगे मासीय गोविऊणं च बल-वीरिय-पुरिसक्कार-परक्कमे संते बले संते वीरिए संते पुरिसक्कारपरक्कमे चइऊण उग्गाभिग्गहे अनियय-विहारं नीयावासमासइत्ता णं सिढिलिहोऊणं संजमाइसुट्ठिए पच्छा अज्झयणं-५, उद्देसो
परिचिच्चाणं इहलोग-परलोगावायं अंगीकाऊणं य सुदीह-संसारं तेसुं चेव मढ-देवलेसुं अच्चत्थं गढिरे मुच्चिरे ममीकाराहंकारेहि णं अभिभूए सयमेव विचित्तमल्ल दामाईहिं णं देवच्चणं काठमब्भुज्जए, जं पुण समय-सारं परं-इमं सव्वन्न-वयणं तं दर-सदरयरेणं उज्झियति । तं जहा-सव्वे जीवा सव्वे पाणा सव्वे भूया सव्वे सत्ता न हंतव्वा न अज्जावेयव्वा न
न किलामेयव्वा न उद्दवेयव्वा, जे केई सहमा जे केई बायरा जे केई तसा जे केई थावरा, जे केई पज्जत्ता जे केई अपज्जत्ता, जे केई एगेंदिया जे केइ बेइंदिया जे केई तेइंदिया जे केई चउरिंदिया जे केई पंचेंदिया, तिविहं तिविहेणं मणेणं वायाए काएणं, जं पण गोयमा ! मेहणं तं एगंतेणं निच्छयओ बाढं तहा आउ-तेउ-समारंभं च सव्वहा सव्वपयारेहिं णं सययं विवज्जेज्जा मुनीति | एस धम्मे धुवे सासए नीरए समेच्च लोगं खेयण्णूहि पवेइयं ति |
[८३८] से भयवं! जे णं केई साहू वा साहुणी वा निग्गंथे अनगारे दव्वत्थयं कुज्जा से णं किमालावेज्जा ? गोयमा ! जे णं केई साहू वा साहूणी वा निग्गंथे अनगारे दव्वत्थयं कुज्जा से णं अजये दीपरत्नसागर संशोधितः]
[84]
[३९-महानिसीह
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |