Page Text
________________
भवियव्वं नो णं पमत्तेणं, जे उण पमादी भवेज्जा से णं दुरंत-पंत-लक्खणे अदट्ठव्वे महा-पावे । जईणं सबीए हवेज्जा ता णं नियय - दुच्चरियं जहावत्तं स - पर सीस - गणाणं पक्खाविय जहा दुरंत-पंत- लक्खणे अदट्ठव्वे महा-पाव-कम्मकारी समग्ग-पणासओ अहयं ति । एवं निंदित्ताणं गरहित्ताणं आलोइत्ताणं च जहा-भणियं पायच्छित्तमनुचरेज्जा । स णं किंचुद्देसेणं आराहगे भवेज्जा, जइ णं नीसल्ले नियडीविप्पमुक्के न पुणो संमग्गाओ परिभंसेज्जा, अहा णं परिभस्से तओ नाराहेइ ।
[८२१] से भयवं ! केरिस - गुणजुत्तस्स णं गुरुणो गच्छ-निक्खेवं कायव्वं ? गोयमा ! जे णं सुव्वए जेणं सुसीले जे णं दढ-व्वए जे णं दढ चारित्ते जे णं अनिंदियंगे जे णं अरहे जे णं गयरागे जे णं गय-दोसे जे णं निट्ठिय-मोह-मिच्छत्त-मल-कलंके जे णं उवसंते जे णं सुविण्णाय जग-द्वितीए जेणं सुमहा-वेरग्गमग्गमल्लीणे जे णं इत्थि कहा- पडिनीए जे णं भत्त-कहा- पडिनीए जे णं तेण - कहा पडनी जे णं रायकहा पडिनीए जे णं जनवय-कहा- पडिनीए, जेणं अच्चतमनुकंप-सीले जे णं परलोग-पच्चवाय-भीरू जे णं कुसील-पडिनीए जे णं विण्णाय-समय सब्भावे जे णं गहिय-समय-पेयाले जे णं अहण्णिसानुसमयं ठिए खंतादि-अहिंसा-लक्खण- दस - विहे समण-धम्मे जे णं उज्जुत्ते अहण्णिसानु - समयं दुवालस-विहे तवोकम्मे, जे णं सुओवउत्ते समयं पंचसमितीसु जे णं सुगुत्ते सययं तीस गुत्तीसुं, जे णं आराहगे स- सत्त अट्ठारसण्हं सीलंग-सहस्साणं जे णं अविराहगे एगंतणं स- सत्तीए सत्तरस - विहस्स णं संजमस्स, जेणं उस्सग्ग- रूई जे णं तत्त- रूई, जेणं सम-सत्तु-मित्त-पक्खे,
जे णं सत्त-भय-ट्ठाण-विप्पमुक्के जे णं अट्ठ मय-द्वाण विप्पजढे जे णं नवहं बंभरगुत्तीणं विराहणा-भीरू, जे णं बहु-सूए जेणं आरिय- कुलुप्पन्ने, जेणं अदीने जे णं अकिविणे जे अनालसिए, जेणं संजई-वग्गस्स पडिवक्खे, जे णं सययं धम्मोवएस-दायगे जे णं सययं ओहसामायारीपरूवगे जे णं मेरावट्ठिए, जे णं असामायारी-भीरू जे णं आलोयणारिहे जे णं पायच्छित्त-दाम-पयच्छअज्झयणं-५, उद्देसो
णक्खमे, जेणं वंदन - मंडलि-विराहण जाणगे जे णं सज्झाय मंडलि- विराहण - जाणगे जे णं वक्खाण मंडलिविराहण-जाणगे जे णं आलोयणा- मंडलि- विराहण - जाणगे जे णं उद्देस - मंडलि-विराहण जाणगे जे णं समुद्देसमंडलि-विराहण-जाणगे, जे णं पव्वज्जा - विराहण जाणगे जे णं उवट्ठावणा- विराहणा-जाणगे जे णं उद्देससमुद्देसाणुण्णा-विराहण-जाणगे,
जेणं काल-खेत्त - दव्व-भाव-भावंतरंतर-वियाणगे,
जे णं काल-खेत्त-दव्व-भावालंबन - विप्पमुक्के, जेणं स- बाल - वुड्ढ - गिलाण-सेह-सिक्खगसाहम्मिय-अज्झावट्ठावण-कुसले, जे णं परुवगे नाण- दंसण-चारित्त तवो गुणाणं, जे णं चरए धरए पभावगे नाण-दंसण-चरित्त-तवो गुणाणं जे णं दढ सम्मत्ते, जेणं सययं अपररिसाईं जे णं धीइमा जे णं गंभीरे जे णं सुलोमलेसे जे णं दिनयरमिव अनभिभवणीए तवतेएणं, जे णं सरीरोवरमे वि छक्काय-समारंभविवज्जी, जेणं सील-तव- दान - भावनामय - चउव्विह-धम्मंतरायं-भीरू, जे णं सव्वासायणा भीरू जेणं इड्ढिरस-सायगारव-रोद्दट्टज्झाण-विप्पमुक्के, जे णं सव्वावस्सगमुज्जुत्ते, जे णं सविसेस-लद्धि जुत्ते, जे णं आवडिय-पेल्लियामंतिओ वि नायरेज्जा अयज्जं, जेणं नो बहु निद्दो जे णं नो बहु भोइ, जेणं सव्वावस्सग-सज्झाण-पडिमाभिग्गह-घोर-परीसहोवसग्गेसु जिय- परीसमे, जे णं सुपत्त-संगह-सीले, जे णं अपत्त-परिट्ठावणविहिण्णू, जेणं अनुद्धय- बोंदी जे णं परसमय- ससमय सम्मं वियाणे जे णं कोह- मान-माया
[दीपरत्नसागर संशोधितः ]
[79]
[३९-महानिसीहं]
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |