Page Text
________________
लोगवित्थरभावना, धम्मं सुयक्खायं सुपन्नत्तं तित्थयरेहिं ति भावना, तत्तचिंता भावना, बोहि-सुदुल्लभाजम्मंतर-कोडीहिं वि त्ति भावणा । एवमादि-थाणंतरेसुं जे पमायं कुज्जा, से णं चारित्त-कुसिले नेए । [६४५] तहा तव-कुसीले दुविहे नेए, बज्झ-तव-कुसीले, अब्भिंतरतवकुसीले य तत्थ जे केई विचित्त-अनसन, ऊनोदरिया, वित्ती- संखेवण, रस-परिच्चाय, कायकिलेस, संलीणयाए त्ति छट्ठाणेसुं न उज्जमेज्जा से णं बज्झ-तव-कुसीले । तहा जे केइ विचित्तपच्छित्त-विनय-वेयावच्च-सज्झाय-झाणउसग्गम्मि चेएसुं छट्ठाणेसुं न उज्जमेज्जा से णं अब्भिंतर-तव-कुसीले ।
[६४६] तह पडिमाओ बारस तं जहा :
[६४७] मासादी सत्तंता एग दुग ति-सत्तराइ दिना नि
अहराति एगराती भिक्खू परिमाणं बारसगं ।।
[६४८] तह अभिग्गहा दव्वओ खेत्तओ कालओ भावओ । तत्थ दव्वे कुम्मासाइयं दव्वं अज्झयणं-३, उद्देसो
गहेयव्वं, खेत्तओ गामे बहिं वा गामस्स, कालओ पढमपोरिसिमाईसु, भावओ कोहमाइसंपन्नो जं देहि इमं गहिस्सामि । एवं उत्तर- गुणा संखेवओ सम्मत्ता । सम्मत्तो य संखेवेणं चरित्तायारो । तवायारो वि संखेवेणेहंतर-गओ । तहा विरियायारो । एएस चेव जा अहाणी, एएसुं पंचसु आयाराइयारेसुं जं आउट्टियाए दप्पओ पमायओ कप्पेण वा अजयणाए वा जयणाए वा पडिसेवियं, तं तहेवालोइत्ताणं जं मग्ग- विउ-गुरुउवइसंति तं तहा पायच्छित्तं नानुचरेइ । एवं अट्ठारसण्हं सीलंग - सहस्साणं जं जत्थ पए पमत्ते भवेज्जा, से णं तेणं तेणं पमाय-दोसेणं कुसीले नेए ।
[६४९] तहा ओसन्नेसु जाणे नित्थं लिहीज्झइ । पासत्थे नाणमादिणं सच्छंदे उस्सुत्तुमग्गगामी सबले नेत्थं लिहिज्जंति गंथ - वित्थरभयाओ । भगवया उण एत्थं पत्थावे कुसीलादी महया पबंधेणं पन्नविए एत्थं च जा जा कत्थइ अन्नन्नवायणा, सा सुमुणिय- समय-सारेहिंतो पओसेयव्वा जओ मूलादरिसे चेव बहुं गंथं विप्पणट्टं । तहिं च जत्थ संबंधानुलग्गं गंथं संबज्झइ तत्थ तत्थ बहुएहिं सुयहरेहिं सम्मिलिऊणं संगोवंग दुवालसंगाओ सुय-समुद्दाओ अन्न- मन्न- अंग-उवंग-सुयक्खंधअज्झयणुद्देसगाण समुच्चिणिऊणं किंचि किंचि संबज्झमाणं एत्थं लिहियं, न उण सकव्वं कयं ति ।
[६५०] पंचेए सुमहा-पावे जे न वज्जेज्ज गोयमा
! |
संलावादीहिं कुसीलादी भमिही सो सुमती जहा ।। [६५१] भव-काय-ट्ठितीए संसारे घोर - दुक्ख समोत्थओ अलभंतो दसविहे धम्मे बोहिमहिंसाइ - लक्खणे || [६५२] एत्थं तु किर-दिट्ठतं संसग्गी-गुण-दोसओ
रिसि - भिल्ला समवासे णं निप्फन्नं गोयमा [६५३] तम्हा कुसीलसंसग्गी सव्वोवाएहिं गोयमा वज्जेज्जा य हियाकंखी अंडज - दिट्ठत-जाणगे ।। • तइयं अज्झयणं समत्तं •
चउत्थमज्झयणं - कुसीलसंसग्गी •
[दीपरत्नसागर संशोधितः ]
०
[57]
|
I
! |
! |
[३९-महानिसीहं]
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |