Agam 39 Mahanisiham Chattham Cheyasuttam Mulam PDF File

SR No.: 003777
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 153
Language: Prakrit
Classification: Book_Devnagari, Agam, Canon, Agam 39, & agam_mahanishith
File Size: 3 MB

Page 143

अज्झयणं-८ / चूलिका-२
अहो! अदिट्ठपरलोग-पच्चवाययालोगस्स अहो एक्कजम्माभिनिविट्ठचित्तया, अहो! अविण्णाय कज्जाकज्जया अहो! निम्मेरया अहो! निरप्परिहासया अहो! परिच्त्त-लज्जया हा हा हा ! न जुत्तमम्हाणं खणमवि विलंबिउं एत्थं एरिसे सुदिन्निवाराऽसज्ज-पावगमे देसे । हा हा हा ! घट्ठारिए अहन्ने णं कम्मट्ठरासी जं सुईरियं पईए रायकुल-बालियाए इमेणं कुट्ठ-पाव-सरीर-रूव-परिदंसणेणं नयनेसं रागाहिलासे | परिचेच्चाणं इमे विसए तओ गेण्हामि पवज्जं ति चिंतिऊणं भणियं गोयमा ! तेणं कुमारवरेणं जहा णं खंतमरिसियं नीसल्लं तिविहं तिविहेणं तिगरण-सुद्धीए सव्वस्स अत्थाण-मंडव-रायकल-पुर-जनस्से ति भणिऊणं विनिग्गओ रायउलाओ पत्तो य निययावासं |
तत्थ णं गहियं पच्छयणं दो खंडीकाऊणं च सियं फेणावलीतरंगमउयं सुकुमालवत्थं परिहिएणं अद्धफलगे गहिएणं दाहिणहत्थेणं सुयण-जन-हियए इव सरलवेत्तलय-खंडे | तओ काऊणं तियमेक्कगुरूणं अरहंताणं भगवंताणं जगप्पवराणं धम्मं तित्थंकराणं जहुत्तविहिणाभिसंथवणं भाववंदनं से णं चलचवलगई पत्ते णं गोयमा ! दूरं देसंतरं से कुमारे जाव णं हिरण्णुक्करूडी नाम रायहाणी ।
तीए रायहाणीए धम्मायरियाणं गुणविसिट्ठाणं पउत्तिं अन्नेसमाणे चिंति पयत्ते से कुमारे जहा णं जाव णं न केइ गुणविसिट्टे धम्मायरिए मए समुवलद्धे ता विहइं चेव महिं वि चिट्ठियव्वं, ता गयाणि कइवयाणि दियहाणि, भयामि णं एस बहु-देस-विक्खाय-कित्ती-नरवरिंदे । एवं च मंतिऊण जाव णं दिट्ठो राया, कयं च कायव्वं सम्माणियाओ य नरनाहेणं पडिच्छिया सेवा ।
__ अन्नया लद्धावसरणे पुट्ठो सो कुमारो गोयमा ! तेणं नरवइणा जहा णं भो भो महासत्ता कस्स नामालंकिए एस तुज्झं हत्थम्मि विरायए मुद्दारयणे, को वा ते सेविओ एवइयं कालं ? के वा अवमाने पकए तुह सामिणि? त्ति कुमारेणं भणियं जहा णं जस्स नामालंकिएणं इमे मुद्दारयणे से णं मए सेविए एवइयं कालं, जे णं मए सेविए एवइयं कालं तस्स नामालंकिएणं इमे मुद्दारयणे ! तओ नरवडणा भणियं-जहा णं किं तस्स सद्दकरणं? ति ! कुमारेणं भणियं नाहमजिमिएणं तस्स चक्खुकुसीलाहम्मस्स णं सद्दकरणं समुच्चारेमि । तओ रण्णा भणियं जहा णं-भो भो महासत्ता ! केरिसो उण सो चक्खु-कुसीलो ? भण्णे, किं वा णं अजिमिएहिं तस्स सद्दकरणं नो समुच्चारियए ? कुमारेणं भणियं जहा णं चक्खुकुसीलो तिसहिए ठाणंतरेहिंतो जइ कहाइ इह तं दिट्ठ-पच्चयं होही, तो पुण वीसत्थो साहीहामि ।
___ जं पुण तस्स अजिमिएहिं सद्द-करणं एतेणं न समुच्चारीए जहा णं जइ कहाइ अजिमिएहिं चेव तस्स चक्खकसीलाहमस्स नामग्गहणं कीरए, ता णं नत्थि तम्मि दियहे संपत्ति पानभोयणस्स त्ति | ताहे गोयमा! परमविम्हिइएणं रण्णा कोउहल्लेणं लहुं हक्काराविया रसवई, उवविट्ठो य भोयणमंडवे राया सह कुमारेणं असेस-परियणेणं च आणावियं अट्ठारस-खंड-खज्जय वियप्पं नानाविहं आहारं एयावसरम्मि भणियं नरवइणा जहा णं भो भो महासत्त ! भणसु नीसंको तुम संपयं तस्स णं चक्खुकुसीलस्स णं सद्दकरणं | कुमारेण भणियं जहा णं नरनाह ! भणिहामि णं भुत्तुत्तुरकालेणं, नरवइणा भणियं-जहा णं ।
भो महासत्त ! दाहिण-कर-धरिएणं कवलेणं संपयं चेव भणसु, जेणं खु जइ एयाए कोडीए संठियाणं के विग्घे हवेज्जा ताणमम्हे वि सदिद्वपच्चए संतेउर-परस्सरे तज्झाणत्तीए अ समनुचिट्ठामो । तओ णं गोयमा ! भणियं तेणं कुमारेणं जहा णं एयं एयं अमुगं सद्दकरणं तस्स चक्खुकुसीलाहमस्स णं दुरंत-पंतलक्खण-अदद्वव्व-दुज्जाय-जम्मस्स त्ति | ता गोयमा ! जाव णं चेव इयं समुल्लवे से णं कुमारवरे ताव णं अनोहिय-पवित्तिएण एव समुद्घसियं तक्खणा परचक्केणं तं रायहाणी [दीपरत्नसागर संशोधितः]
[142]
[३९-महानिसीह