Agam 39 Mahanisiham Chattham Cheyasuttam Mulam PDF File

SR No.: 003777
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 153
Language: Prakrit
Classification: Book_Devnagari, Agam, Canon, Agam 39, & agam_mahanishith
File Size: 3 MB

Page 141

अज्झयणं-८ / चूलिका-२
समारद्धे । तत्थ केइ वयंति जहा एस धम्मो पवरो । अन्ने भणंति जहा एस धम्मो पवरो जाव णं सव्वेहिं पमाणीकया गोयमा ! सा जातीसरा माहणि त्ति | ताहे तीए य संपवक्खायमहिंसोवक्खियमसंदिद्धं खंताइदस-विहं समण-धम्म दिद्वंत-देऊहिं च परमपच्चयं विनीयं तेसिं तु । तओ य ते तं माहणि सव्वण्णूमिति काऊणं सुरइय-कर-कमलंजलिणो सम्मं पणमिऊणं गोयमा ! तीए माहणीए सद्धिं अदीनमानसे बहवे नरनारि-गणा चेच्चाणं सुहिय-जन-मित्त-बंधु-परिवग्ग-गिह-विहव-सोक्खमप्प-कालियं निक्खंते सासय-सोक्खसुहाहिलासिणो सुनिच्छियमानसे समणत्तेण सयल-गुणोह-धारिणो चोद्दस-पुव्वधरस्स चरिम-सरीरस्स णं गुणधर-थविरस्स णं सयासे त्ति । एवं च ते गोयमा ! अच्चंत-घोर-वीर-तव-संजमानुट्ठाण-सज्झाय-झाणाईसुं णं असेस-कम्मक्खयं काऊणं तीए माहणीए सम्म विह्य-रय-मले सिद्धे गोविंदमाहणादओ नर-नारिगणे सव्वे वी महायसे, त्ति बेमि |
__ [१४९८] से भयवं ! किं पुण काऊणं एरिसा सुलह-बोही जाया सा सुगहियनामधेज्जा माहणी जीए एयावइयाणं भव्व-सत्ताणं अनंत-संसार-घोर-दुक्ख-संतत्ताणं सद्धम्म-देसणाईहिं तु सासय-सुहपयाणपुव्वगमब्भुद्धरणं कयं? ति | गोयमा! जं पुट्विं सव्व-भाव-भावंतरंतरेहिं णं नीसल्ले आजम्मालोयणं दाऊणं सुद्धभावाए जहोवइटुं पायच्छित्तं कयं पायच्छित्तसमत्तीए य समाहिए य कालं काऊणं सोहम्मे कप्पे सुरिंदग्गमहिसी जाया तमनु-भावेणं ।
से भयवं ! किं से णं माहणी जीवे तब्भवंतरंमि समणी निग्गंथी अहेसि ? जे णं नीसल्लमालोएत्ता णं जहोवइटुं पायच्छित्तं कयं? ति | गोयमा! जे णं से माहणी जीवे से णं तज्जम्मे बहुलद्धिसिद्धी जुए महिड्ढीयत्ते सयलगुणाहारभूए उत्तम-सीलाहिट्ठिय-तनू महातवस्सी जुगप्पहाणे समणे अनगारे गच्छाहिवई अहेसि नो णं समणी ।
से भयवं ता कयरेणं कम्म-विवागेणं तेणं गच्छाहिवइणा होऊणं पुणो इत्थित्तं समज्जियं ति ? गोयमा ! माया पच्चएणं | से भयवं ! कयरेणं से माया पच्चए जे णं पयणू-कय-संसारे वि सयलपावाययणा विबुह-जन-निदिए सुरहि-बहु-दव्व-घय-खंड-चुण्ण-सुसंकरिय-समभाव-पमाण-पाग-निप्फन्नमोयग-मल्लगे-इव-सव्वस्स भक्खे सयल-दुक्ख-केसाणिमालए सयल-सुह-साहणस्स परमपवित्तुमस्स णं अहिंसा-लक्खण-समण-धम्मस्स विग्घे, सग्गलानिरयदार-भूए सयल-अयस-अकित्ती-कलंक-कलि-कलहवेराइ-पाव-निहाणे, निम्मल-कुलस्स णं दुद्धरिस-अकज्ज-कज्जल-कण्हमसी-खंपणे, ते णं गच्छाहिवइणा इत्थीभावे निव्वत्तिए त्ति ।
__गोयमा! नो तेणं गच्छाहिवइत्ते अनुमवि माया कया, से णं तया पुहईवई चक्कहरे भवित्ताणं परलोग-भीरूए निविण्ण-काम-भोगे तणमिव परिचिच्चाणं तं तारिसं चोद्दस-रयण-नवनिहीतो, चोसट्ठी सहस्से वरजुवईणं बत्तीसं साहस्सीओ अणावइ वि वर-नरिंद-छन्नउई गाम-कोडिओ जाव णं छ खंड-भरहवासस्स णं देविंदोवमं महाराय-लच्छीत्तीयं बहुपुन्न-चोइए नीसंगे पव्वइए य थेवेणेव कालेणं सयल-गुणोहधारी महातवस्सी सुयहरे जाए | जोग्गे नाऊणं सगुरुहिं गच्छाहिवई समणुण्णाए, तहिं च गोयमा! ते णं सुदिट्ठ-सुग्गई-पहेणं जहोवइडं समण-धम्म समनुढेमाणेणं उग्गाभिग्गह-विहारत्ताए घोरपरिसहोवसग्गाहियासणेणं राग-द्दोस-कसाय-विवज्जणेणं आगमानसारेणं त विहीए गणपरिवालणेणं, आजम्म समणी-कप्प-परिभोग-वज्जणेणं, छक्काय समारंभ विवज्जणेणं, इसि पि दिव्वोरालिय-मेहुण-परिणामविप्पमुक्केणं इह-परलोगा-संसाइणियाण-मायाइ-सल्लविप्पमुक्केणं नीसल्लालोयण-निंदण-गरहणेणं [दीपरत्नसागर संशोधितः]
[140]
[३९-महानिसीह