Page Text
________________
[१९०] से अहालहसगं सेज्जासंथारगं गवेसेज्जा जं चक्किया एगेणं हत्थेणं ओगिज्झा जाव एगाहं वा द्याहं वा तियाहं वा चउयाहं वा पंचाहं वा अद्धाणं दूरमवि परिवहित्तए, एस मे वुड्ढावासासु भविस्सइ ।
[१९१] थेराणं थेरभूमिपत्ताणं कप्पइ दंडए वा भंडए वा छत्तए वा मत्तए वा लट्ठिया वा भिसिं वा चेले वा चेलचिलिमिलिया वा चम्मे वा चम्मकोसए वा चम्मपलिच्छेयणए वा अविरहिए ओवासे ठवेत्ता गाहावइकुलं पिंडवायपडियाए पविसित्तए वा निक्खमित्तए वा, कप्पड़ ण्हं संनियट्टचारीणं दोच्चं पि ओग्गहं अणुण्णवेत्ता परिहरित्तए ।
[१९२] नो कप्पइ निग्गंथाण वा निग्गंथीण वा पाडिहारियं वा सागारियसंतियं वा सेज्जासंथारगं दोच्चं पि ओग्गहं . वेत्ता बहिया नीहरित्तए ।
[१९३] कप्पड़ अणुण्णवेत्ता० ।
[नो कप्पड़ निग्गंथाण वा निग्गंथीण वा पाडिहारियं वा सेज्जासंथारगं सव्वप्पणा अप्पिणित्ता दोच्चं पि ओग्गहं अणणुण्णवेत्ता अहिद्वित्तए कप्पइ अणुण्णवेत्ता]
[१९४] नो कप्पड़ निग्गंथाण वा निग्गंथीण वा सागारियसंतियं वा सेज्जासंथारगं दोच्चं पि ओग्गहं अणणुण्णवेत्ता बहिया नीहरित्तए, कप्पइ अणुण्णवेत्ता ।
[१९५] नो कप्पड़ निग्गंथाण वा निग्गंथीण वा सागारियसंतियं वा सेज्जासंथारगं सव्वप्पणा उद्देसो-८
अप्पिणित्ता दोच्चं पि ओग्गहं अणण्ण्णवेत्ता अहिद्वित्तए, कप्पइ अणुण्णवेत्ता |
[१९६] नो कप्पइ निग्गंथाण वा निग्गंथीण वा पुव्वामेव ओग्गहं ओगिण्हित्ता तओ पच्छा अणुण्णवेत्तए |
[१९७] कप्पड़ निग्गंथाण वा निग्गंथीण वा पव्वामेव ओग्गहं अणण्णवेत्ता तओ पच्छा ओगिण्हित्तए, अह पुण एवं जाणेज्जा इह खलु निग्गंथाण वा निग्गंथीण वा नो सुलभे सेज्जासंथारए त्ति कट्ट एवं ण्हं कप्पड़ पुव्वामेव ओग्गहं ओगिण्हित्ता तओ पच्छा अणुण्णवेत्तए मा दुहओ अज्जो ! बिइयं, अनुलोमेणं अनुलोमेयव्वे सिया ।
[१९८] निग्गंथस्स णं गाहावइकुलं पिंडवायपडियाए अनुपविट्ठस्स अन्नयरे अहालहसए उवगरणजाए परिब्भटे सिया तं च केइ साहम्मिए पासेज्जा कप्पड़ से सागारकडं गहाय जत्थेव ते अन्नमन्नं पासेज्जा तत्थेव एवं वएज्जा - इमे भे अज्जो किं परिणाए ? से य वएज्जा - परिणाए, तस्सेव पडिणिज्जाएयव्वे सिया से य वएज्जा - नो परिण्णाए, तं नो अप्पणा परिभुजेज्जा नो अन्नमन्नस्स दावए, एगते बहफासुए पएसे थंडिले परिद्ववेयव्वे सिया ।
[१९९] निग्गंथस्स णं बहिया वियारभूमि वा विहारभूमि वा निक्खंतस्स अन्नयरे अहालहुसए उवगरणजाए परिब्भटे सिया तं च केइ साहम्मिए पासेज्जा कप्पड़ से सागारकडं गहाय जत्थेव अन्नमन्नं तत्थेव एवं वएज्जा - इमे भे अज्जो किं परिणाए ? से य वएज्जा - परिणाए तस्सेव पडिणिज्जाएयव्वे सिया से य वएज्जा - नो परिण्णाए, तं नो अप्पणा परिभुजेज्जा नो अन्नमन्नस्स दावए एगंते बहुफासुए पएसे थंडिले परिद्ववेयव्वे सिया ।
[२००] निग्गंथस्स णं गामाणुगामं दुइज्जमाणस्स अन्नयरे उवगरणजाए परिब्भटे सिया केइ साहम्मिए पासेज्जा, कप्पड़ से सागारकडं गहाय दूरमवि अद्धाणं परिवहित्तए, जत्थेव अन्नमन्नं
दीपरत्नसागर संशोधितः]
[21]
[३६-ववहारो]
Jain Education International
For Private & Personal Use Only
www.jainelibrary.org
| SR No. | 003771 |
| Book Title | Agam 36 Vavaharo Taiyam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 30 |
| Language | Prakrit |
| Classification | Book_Devnagari, Agam, Canon, Agam 36, & agam_vyavahara |
| File Size | 2 MB |