Page Text
________________
पासेज्जा तत्थेव एवं वएज्जा इमे भे अज्जो ! किं परिण्णाए ? से य वएज्जा परिण्णाए, तस्सेव पडिणिज्जाएयव्वे सिया, से य वएज्जा नो परिण्णाए, तं नो अप्पणा परिभुंजेज्जा, नो अन्नमन्नस्स दावए, एगंते बहुफासु पसे थंडिले परिद्ववेयव्वे सिया ।
[२०१] कप्पइ निग्गंथाण वा निग्गंथीण वा अइरेगपडिग्गहं अन्नमन्नस्स अट्ठाए दूरमवि अद्धाणं परिवहित्तए वा धारेत्तए वा परिग्गहित्तए वा सो वा णं धारेस्सइ अहं वा णं धारेस्सामि अन्नो वा णं धारेस्सइ, नो से कप्पइ ते अनापुच्छिय अनामंतिय अन्नमन्नेसिं दारं वा अनुप्पदाउं वा, कप्पड़ से ते आपुच्छिय आमंतिय अन्नमन्नेसिं दारं वा अनुप्पदाउं वा ।
[२०२] अट्ठ कुक्कुडिअंडगप्पमाणमेत्ते कवले आहारं आहारेमाणे समणे निग्गंथे अप्पाहारे, दुवाल कुक्कुडिअंडगप्पमाणमेत्ते कवले आहारं आहारेमाणे समणे निग्गंथे अवड्ढोमोयरिए, सोलस कुक्कुडिअंडगप्पमाणमेत्ते कवले आहारं आहारेमाणे समणे निग्गंथे दुभागपत्ते, चउवीसं कुक्कुडिअंडगप्पमाणमेत्ते कवले आहारं आहारेमाणे समणे निग्गंथे ओमोयरिए, एगतीसं कुक्कुडिअंडगप्पमाणमेत्ते कवले आहारं आहारेमाणे समणे निग्गंथे किंचूणोमोयरिए, बत्तीसं कुक्कुडिअंडगप्पमाणमेत्ते कवले आहारं आहारेमाणे समणे निग्गंथे पमाणपत्ते, एत्तो एगेण वि घासेणं ऊणगं आहारं आहारेमाणे समणे निग्गंथे नो पकामभोइत्ति वत्तव्वं सिया ।
उद्देसो- ९
-
• नवमो - उद्देसो ०
[२०३] सागारियस्स आएसे अंतो वगडाए भुंजइ निट्ठिए निसट्ठे पाडिहारिए तम्हा दावए, नो से कप्पइ पडिगाहेत्तए ।
• अमो उद्देसो समत्तो •
[२०४] सागारियस्स आएसे अंतो वगडाए भुंज निट्ठिए निसट्टे अपाडिहारिए तम्हा दावए, एवं से कप्पइ पडिगाहेत्तए ।
[२०५] सागारियस्स आएसे बाहिं वगडाए भुंज निट्ठिए निसट्ठे पाडिहारिए तम्हा दावए नो से कप्पड़ पडिगाहेत्तए ।
[२०६] सागारियस्स आएसे बाहिं वगडाए भुंजइ निट्ठिए निसट्ठे अपाडिहारिए तम्हा दाव, एवं से कप्पइ पडिगाहेत्तए ।
[२०७] सागारियस्स दासेइ वा पेसेइ वा वा भयए वा अंतो वगडाए भुंजइ निट्ठिए निसट्टे पाडिहारिए तम्हा दावए, नो से कप्पड़ पडिगाहेत्तए ।
[२०८] सागारियस्स दासेइ वा पेसेइ वा, भयए इ वा अंतो वगडाए भुंजइ निट्ठिए निसट्टे अपाडिहारिए तम्हा दावए, एवं से कप्पड़ पडिगाहेत्तए ।
[२०९] सागारियस्स दासेइ वा जाव बाहिं वगडाए भुंजइ निट्ठिए निसट्ठे पाडिहारिए म्हा दावए, नो से कप्पइ पडिगाहेत्तए ।
[दीपरत्नसागर संशोधितः]
[२१०] सागारियस्स दासेइ वा जाव बाहिं वगडाए भुंजइ निट्ठिए निसट्ठे अपाडिहारिए तम्हा दावए, एवं से कप्पड़ पडिगाहेत्तए ।
Jain Education International
[22]
For Private & Personal Use Only
[३६-ववहारो]
www.jainelibrary.org
| SR No. | 003771 |
| Book Title | Agam 36 Vavaharo Taiyam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 30 |
| Language | Prakrit |
| Classification | Book_Devnagari, Agam, Canon, Agam 36, & agam_vyavahara |
| File Size | 2 MB |