Agam 36 Vavaharo Taiyam Cheyasuttam Mulam PDF File

SR No.: 003771
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 30
Language: Prakrit
Classification: Book_Devnagari, Agam, Canon, Agam 36, & agam_vyavahara
File Size: 2 MB

Page 11

उद्देसो-३
स्सामि त्ति अहिज्जेज्जा, एवं से कप्पड़ आयरिय उवज्झायत्ताए उद्दिसित्तए, से य त्ति" नो अहिज्जेज्जा एवं से नो कप्पड़ आयरिय उवज्झायत्ताए उद्दिसित्तिए ।
[७६] निग्गंथस्स णं नवडहरतरुणस्स आयरिय उवज्झाए वीसुंभेज्जा, नो से कप्पइ अणायरियउवज्झायस्स होत्तए, कप्पड़ से पुव्वं आयरियं उद्दिसावेत्ता तओ पच्छा उवज्झायं, से किमाहु भंते !?, दुसंगहिए समणे निग्गंथे, तं जहा-आयरिएण उवज्झाएण य ।
[७७] निग्गंथीए णं नवडहरतरुणीए आयरिय-उवज्झाए पवत्तणी य वीसुंभेज्जा नो से कप्पइ अणायरियउवज्झाइयाए अपवत्तणीए य होत्तए कप्पड़ से पुव्विं आयरियं उद्दिसावेत्ता तओ पच्छा उवज्झायं०, तओ पच्छा पवत्तिणि०, से किमाहु भंते !?, तिसंगहिया समणी निग्गंथी तं जहा-आयरिएणं उवज्झाएणं पवत्तिणी य
[७८] भिक्खू य गणाओ अवक्कम्म मेहुणधम्मं पडिसेवेज्जा तिन्नि संवच्छराणि तस्स तप्पत्तियं नो कप्पड़ आयरियत्तं वा [उवज्झायत्तं वा पवत्तित्तं वा थेरत्तं वा गणित्तं वा गणावच्छेइयत्तं वा उद्दिसित्तए वा धारेत्तए वा, तिहिं संवच्छरेहिं वीइक्कंतेहिं चउत्थगंसि संवच्छरंसि पट्ठियंसि ठियस्स उवसंतस्स उवरयस्स [पडिविरयस्स निव्विगारस्स] एवं से कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा ।
“अहिज्जिस्सामि
[७९] गणावच्छेइए गणावच्छेइयत्तं अनिक्खिवित्ता मेहुणधम्मं पडिसेवेज्जा जावज्जीव तस्स तप्पत्तियं नो कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा । [८०] गणावच्छेइए गणावच्छेइयत्तं निक्खिवित्ता मेहुणधम्मं पडिसेवेज्जा तिन्नि संवच्छराणि तस्स तप्पत्तियं नो कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा, तिहिं संवच्छरेहिं वीइक्कंतेहिं चउत्थगंसि संवच्छरंसि पट्ठियंसि ठियस्स उवसंतस्स जाव निव्विगारस्स एवं से कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा ।
[८१] आयरिय-उवज्झाए आयरिय-उवज्झायत्तं अनिक्खिवित्ता मेहुणधम्मं पडिसेवेज्जा जावज्जीवाए तस्स तप्पत्तियं नो कप्पड़ आयरियत्तं जाव गणावच्छेइयत्तं वा उद्दिसित्तए वा धरेतए वा । [८२] आयरिय-उवज्झाए आयरिय-उवज्झायत्तं निक्खिवित्ता मेहुणधम्मं पडिसेवेज्जा तिन्नि संवच्छाराणि तस्स तप्पत्तियं नो कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा तिहिं संवच्छरेहिं वीइक्कंतेहिं चउत्थगंसि संवच्छरंसि पट्ठियंसि ठियस्स उवसंतस्स उवरयस्स पडिविरयस्स निव्विगारस्स एवं से कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्त वा ।
[दीपरत्नसागर संशोधितः]
[८३] भिक्खू य गणाओ अवक्कम्म ओहायइ तिन्नि संवच्छ्राणि तस्स तप्पत्तियं नो कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा तिहिं संवच्छरेहिं विइक्कंतेहिं चउत्थगंसि संवच्छरंसि पट्ठियंसि ठियस्स उवसंतस्स उवरयस्स पडिविरयस्स निव्विगारस्स एवं से कप्पड़ आयरियत्तं वा जाव गणावच्छेइयत्तं वा उद्दिसित्तए वा धारेत्तए वा ।
[८४] गणावच्छेइए गणावच्छेइयत्तं निक्खिवित्ता ओहाएज्जा जावज्जीवाए तस्स तप्पत्तियं नो कप्पड़ आयरियत्तं वा जाव गणावच्छेयत्तं वा उद्दिसित्तए वा धारेत्तए वा ।
[10]
]
[३६-ववहारो]