Page Text
________________
[९१३] जे भिक्खू सचित्तपट्ठियं अंबं भुंजति भुजंतं वा सातिज्जति । [९१४] जे भिक्खू सचित्तपइट्ठियं अंबं विडसति विडसंतं वा सातिज्जति । [९१५] जे भिक्खू सचित्तपइट्ठियं अंबं वा जाव भुंजति भुंजंतं वा सातिज्जति । [९१६] जे भिक्खू सचित्तपइट्ठियं अंबं वा जाव विडसति विडसंतं वा सातिज्जति । [ ९१७] जे भिक्खू अन्नउत्थिएण वा गारत्थिएण वा अप्पणो पाए आमज्जावेज्ज वा पमज्जावेज्ज वा आमज्जावेंतं वा पमज्जावेंतं वा सातिज्जति ।
[९१८] जे भिक्खू अन्नउत्थिएण वा गारत्थिएण वा अप्पणो पाए संवाहावेज्ज वा पलिमद्दावेज्ज वा संवाहावेंतं वा पलिमद्दावेंतं वा सातिज्जति ।
[९१९] जे भिक्खू अन्नउत्थिएण वा गारत्थिएण वा अप्पणो पाए तेल्लेण वा घएण वा वसाए वा नवनीएण वा अब्भंगावेज्ज वा मक्खावेज्ज वा अब्भंगावेंतं वा मक्खावेंतं वा सातिज्जति । [९२०] जे भिक्खू अन्नउत्थिएण वा गारत्थिएण वा अप्पणो पाए लोद्धेण वा कक्केण वा चुण्णेण वा वण्णेण वा उल्लोलावेज्ज वा उव्वट्टावेज्ज वा उल्लोलावेंतं वा उव्वट्टावेंतं वा सातिज्जति । [९२१] जे भिक्खू अन्नउत्थिएण वा गारत्थिएण वा अप्पणो पाए सीओदग-वियडेण वा उसिणोदग-वियडेण वा उल्लोलावेज्ज वा उच्छोलावेज्ज वा पधोवावेज्ज वा उच्छोलावेंतं वा पधोवावेंतं वा सातिज्जति ।
[९२२] जे भिक्खू अन्नउत्थिएण वा गारत्थिएण वा अप्पणो पाए फुमावेज्ज वा राज्ज वाफुमावतं वा रयावेंतं वा सातिज्जति ।
[९२३] जे भिक्खू अन्नउत्थिएण वा गारत्थिएण वा अप्पणो कायं आमज्जावेज वा पमज्जावेज्ज वा आमज्जावेंतं वा पमज्जावेंतं वा सातिज्जति ।
[९२४] जे भिक्खू अन्नउत्थिएण वा गारत्थिएण वा अप्पणो कायं संवाहावेज्ज वा पलिमद्दावेज्ज वा संवाहावेंतं वा पलिमद्दावेंतं वा सातिज्जति ।
[९२५] जे भिक्खू अन्नउत्थिएण वा गारत्थिएण वा अप्पणो कायं तेल्लेण वा घएण वा वसा वा नवनीएण वा अब्भंगावेज्ज वा मक्खावेज्ज वा अब्भंगावेतं वा मक्खावेंतं वा सातिज्जति । [ ९२६] जे भिक्खू अन्नउत्थिएण वा गारत्थिएण वा अप्पणो कायं लोद्धेण वा कक्केण वा चुण्णेण वा वण्णेण वा उल्लोलावेज्ज वा उव्वट्टावेज्ज वा उल्लोलावेंतं वा उव्वट्टावेतं वा सातिज्जति । [९२७] जे भिक्खू अन्नउत्थिएण वा गारत्थिएण वा अप्पणो कायं सीओदग-वियडेण वा उसिणोदग-वियडेण वा उच्छोलावेज्ज वा पधोवावेज्ज वा उच्छोलावेंतं वा पधोवावेंतं वा सातिज्जति । [९२८] जे भिक्खू अन्नउत्थिएण वा गारत्थिएण वा अप्पणो कायं फुमावेज्ज वा रयावेज्ज वा फुमार्वेतं वा रयावेंतं वा सातिज्जति ।
[९२९] जे भिक्खू अन्नउत्थिएण वा गारत्थिएण वा अप्पणो कायंसि वणं आमज्जावेज्ज वा पमज्जावेज्ज वा आमज्जावेंतं वा पमज्जावेंतं वा सातिज्जति ।
[९३०] जे भिक्खू अन्नउत्थिएण वा गारत्थिएण वा अप्पणो कार्यसि वणं संवाहावेज्ज वा
उद्देसो- १५
पलिमद्दावेज्ज वा संवाहावेंतं वा पलिमद्दावेंतं वा सातिज्जति ।
[दीपरत्नसागर संशोधितः]
Jain Education International
[54]
For Private & Personal Use Only
[३४- निसीह]
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |