Page Text
________________
[९३१] जे भिक्खू अन्नउत्थिएण वा गारत्थिएण वा अप्पणो कायंसि वणं तेल्लेण वा घएण
वा वसाए वा नवनीएण वा अब्भंगावेज्ज वा मक्खावेज्ज वा अब्भंगावेंतं वा मक्खावेंतं वा सातिज्जति । [९३२] जे भिक्खू अन्नउत्थिएण वा गारत्थिएण वा अप्पणो कायंसि वणं लोण वा कक्केण वा चुण्णेण वा वण्णेण उल्लोलावेज्ज वा उव्वट्टावेज्ज वा उल्लोलावेंतं वा उव्वट्टावेंतं वा सातिज्जति ।
[९३३] जे भिक्खू अन्नउत्थिएण वा गारत्थिएण वा अप्पणो कायंसि वणं सीओदागवियडेण वा उसिणोदग वियडेण वा उच्छोलावेज्ज वा पधोवावेज्ज वा उच्छोलावेंतं वा पधोवावेंतं वा सातिज्जति ।
[९३४] जे भिक्खू अन्नउत्थिएण वा गारत्थिएण वा अप्पणो कायंसि वणं फुमवेज्ज रयावेज्ज वा फुमावेंतं वा रयावेंतं वा सातिज्जति ।
[९३५] जे भिक्खू अन्नउत्थिएण वा गारत्थिएण वा अप्पणो कायंसि गंडं वा पिडयं वा अरइयं वा असियं वा भगंदलं वा अन्नयरेण तिक्खेणं सत्थजाएणं अच्छिंदावेज्ज वा विच्छिंदावेज्ज वा अच्छिंदावेंतं वा विच्छिंदावेतं वा सातिज्जति ।
[९३६] जे भिक्खू अन्नउत्थिएण वा जाव विच्छिंदावित्ता वा पूयं वा सोणियं वा नीहरावेज्ज वा विसोहावेज्ज वा नीहरावेंतं वा विसोहावेंतं वा सातिज्जति ।
[९३७] जे भिक्खू अन्नउत्थिएण वा जाव विसोहावेत्ता वा सीओदग - वियडेण वा उसिणोदगवियडेण वा उच्छोलावेज्ज वा पधोवावेज्ज वा उच्छोलावेंतं वा पधोवावेंतं वा सातिज्जति । [९३८] जे भिक्खू अन्नउत्थिएण वा जाव पधोवावेत्ता वा अन्नयरेणं आलेवणजाएणं आलिंपावेज्ज वा विलिंपावेज्ज वा आलिंपावेंतं वा विलिंपावेंतं वा सातिज्जति ।
[९३९] जे भिक्खू अन्नउत्थिएण वा जाव पधोवावेत्ता वा अन्नयरेणं आलेवणजाएणं आलिंपावेत्ता वा विलिंपावेत्ता वा तेल्लेण वा घएण वा वसाए वा नवनीएण वा अब्भंगावेज्ज वा मक्खावेज्ज वा अब्भंगावेंतं वा मक्खावेंतं वा सातिज्जति ।
[९४०] जे भिक्खू अन्नउत्थिएण वा पधोवावेत्ता वा अन्नयरेणं आलेवणजाएणं आलिंपावेत्ता वा विलिंपावेत्ता वा तेल्लेण वा घएण वा वसाए वा नवनीएण वा अब्भंगावेत्ता वा मक्खावेत्ता वा अन्नयरेणं धूवणजाएणं धूवावेज्ज वा पधूवावेज्ज वा धूवावेंतं वा पधूवावेंतं वा सातिज्जति ।
[९४१] जे भिक्खू अन्नउत्थिएण वा गारत्थिएण वा अप्पणो पालुकिमियं वा कुच्छिकिमियं वा अंगुलीए निवेसाविय-निवेसाविय नीहरावेति नीहरावेंतं वा सातिज्जति ।
[९४२] जे भिक्खू अन्नउत्थिएण वा गारत्थिएण वा अप्पणो दीहाओ नह-सिहाओ कप्पा वेज्ज वा संठवावेज्ज वा कप्पावेंतं वा संठवावेंतं वा सातिज्जति ।
[९४३] जे भिक्खू अन्नउत्थिएण वा गारत्थिएण वा अप्पणो दीहाइं जंघ - रोमाई कप्पावेज्ज
वा संठवावेज्ज वा कप्पावेंतं वा संठवावेंतं वा सातिज्जति ।
[९४४] जे भिक्खू अन्नउत्थिएण वा गारत्थिएण वा अप्पणो दीहाई वत्थि-रोमाई कप्पावेज्ज वा संठवावेज्ज वा कप्पावेंतं वा संठवावेतं वा सातिज्जति ।
उद्देसो- १५
[दीपरत्नसागर संशोधितः]
Jain Education International
[55]
For Private & Personal Use Only
[३४- निसीह]
www.jainelibrary.org
| SR No. | 003767 |
| Book Title | Agam 34 Nisiham Padhamam Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 34, & agam_nishith |
| File Size | 3 MB |