Agam 34 Nisiham Padhamam Cheyasuttam Mulam PDF File

SR No.: 003767
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 85
Language: Prakrit
Classification: Book_Devnagari, Agam, Canon, Agam 34, & agam_nishith
File Size: 3 MB

Page 54

[८९१] जे भिक्खू कुलियंसि वा भित्तिसि वा सिलसि वा लेखंसि वा अन्नयरंसि वा तहप्पगारंसि अंतरिक्खजायंसि दुब्बद्धे जाव आयावेंतं वा पयावेंतं वा सातिज्जति |
[८९२] जे भिक्खू खंधंसि वा फलिहंसि वा मंचंसि वा मडंबंसि वा मालंसि वा पासायंसि वा हम्मतलंसि वा अन्नयरंसि वा तहप्पगारंसि अंतरिक्खजायंसि दुब्बद्धे दुन्निक्खित्ते अनिकंपे चलाचले पडिग्गहं आयावेज्ज वा पयावेज्ज वा आयातं वा पयावेंतं वा सातिज्जति ।
[८९३] जे भिक्खू पडिग्गहाओ पुढवीकार्य नीहरति नीहरावेति नीहरियं आह९ देज्जमाणं पडिग्गाहेति पडिग्गाहेंतं वा सातिज्जति ।
[८९४] जे भिक्खू पडिग्गहाओ आउकायं नीहरति जाव सातिज्जति । [८९५] जे भिक्खू पडिग्गहाओ तेउक्कायं नीहरति जाव सातिज्जति |
[८९६] जे भिक्खू पडिग्गहाओ कंदाणि वा मूलाणि वा पत्ताणि वा पुप्फाणि वा फलाणि वा बीजाणि वा नीहरति नीहरावेति नीहरियं आहट्ट देज्जमाणं पडिग्गाहेति पडिग्गाहेंतं वा सातिज्जति ।
[८९७] जे भिक्खू पडिग्गहाओ ओसहिबीयाइं नीहरति जाव सातिज्जति । [८९८] जे भिक्खू पडिग्गहाओ तसपाणजातिं नीहरति जाव सातिज्जति ।
[८९९] जे भिक्खू पडिग्गहगं निक्कोरेति निक्कोरावेति निक्कोरियं आहट्ट देज्जमाणं पडिग्गाहेति पडिग्गाहेंतं वा सातिज्जति ।
१९००] जे भिक्ख नायगं वा अनायगं वा उवासगं वा अनवासगं वा गामंतरंसि वा गामपहंतरंसि वापडिग्गहगं ओभासिय-ओभासिय जायति जायंतं वा सातिज्जति ।
[९०१] जे भिक्खू नायगं वा [अनायगं वा उवासगं वा ] अनुवासगं वा परिसामज्झाओ उद्ववेत्ता पडिग्गहगं ओभासिय-ओभासिय जायति जायंतं वा सातिज्जति ।।
[९०२] जे भिक्खू पडिग्गहनीसाए उडुबद्धं वसति वसंतं वा सातिज्जति । [९०३] जे भिक्खू पडिग्गहनीसाए वासावासं वसति वसंतं वा सातिज्जति । [९०४] तं सेवमाणे आवज्जइ चाउम्मासियं परिहारट्ठाणं उग्घातियं ।
० चउदसमो उद्देसो समत्तो .
• पन्नरसमो-उद्देसो . [९०५] जे भिक्खू भिक्खूणं आगाढं वदति वदंतं वा सातिज्जति । [९०६] जे भिक्खू भिक्खूणं फरुसं वदति वदंतं वा सातिज्जति । [९०७] जे भिक्खू भिक्खूणं आगाढं फरुसं वदति वदंतं वा सातिज्जति । [९०८] जे भिक्खू भिक्खूणं अन्नयरीए अच्चासायणाए अच्चासाएति अच्चासाएंतं वा सा० | [९०९] जे भिक्खू सचित्तं अंबं भुजति भुजंतं वा सातिज्जति । [९१०] जे भिक्खू सचित्तं अंबं विडसति विडसंतं वा सातिज्जति ।
[९११] जे भिक्खू सचित्तं अंबं वा अंबपेसि वा अंबभित्तं वा अंबसालगं वा अंबडगलं वा उद्देसो-१५
अंबचोयगं वा भुंजति भुंजतं वा सातिज्जति ।
[९१२] जे भिक्खू सचित्तं अंबं वा जाव अंबचोयगं वा विडसति विडसंतं वा सातिज्जति ।
[दीपरत्नसागर संशोधितः]
[53]
[३४-निसीह