________________
गाहा-२५४
[२५४] तिविहेण वि सुहमठलं जम्हा काम-रइ-विसयसुक्खाणं । बहुसोऽवि समनुभूयं न य तुह तण्हा परिच्छिन्ना ।। [२५५] जा काइ पत्थणाओ कया मए राग-दोसवसएणं । पडिबंधेणं बहुविहा तं निंदे तं च गरिहामि ।। [२५६] हंतूण मोहजालं छित्तूण य अट्ठकम्मसंकलियं ।
जम्मणमरण रहट्ट भित्तूण भवा णु मुच्चिहिसि ।। [२५७] पंच य महव्वयाई तिविहं तिविहेण आरुहेठणं ।
मनवयणकायगुत्तो सज्जो मरणं पडिच्छिज्जा ।। [२५८] कोहं मानं मायं लोहं पिज्जं तहेव दोसं च ।
चइऊण अप्पमत्तो रक्खामि महव्वए पंच ।। [२५९] कलहं अब्भक्खाणं पेसुन्नं पि य परस्स परिवायं ।
परिवज्जिंतो गुत्तो रक्खामि महव्वए पंच ।। [२६०] किण्हा नीला काठ लेसं झाणाणि अप्पसत्थाणि ।
परिवज्जिंतो गुत्तो रक्खामि महव्वए पंच ।। [२६१] तेऊ पम्हं सुक्कं लेसा झाणाणि सुप्पसत्थाणि ।
उवसंपन्नो जूतो रक्खामि महव्वए पंच ।। [२६२] पंचिंदिय संवरणं पंचेव निरंभिऊण कामगुणे ।
अच्चासायण विरओ रक्खामि महव्वए पंच ।। [२६३] सत्तभयविप्पमुक्को चत्तारि निरंभिऊण य कसाए | अट्ठमयट्ठाणजड्ढो रक्खामि महव्वए पंच ।। [२६४] मनसा मनसच्चविऊ वायासच्चेण करणसच्चेण | तिविहेण अप्पमत्तो रक्खामि महव्वए पंच ।। [२६५] एवं तिदंडविरओ तिकरणसुद्धो तिसल्लनिस्सल्लो । तिविहेण अप्पमत्तो रक्खामि महव्वए पंच ।। [२६६] सम्मत्तं समिईओ गुत्तीओ भावनाओ नाणं च ।
उवसंपन्नो जुत्तो रक्खामि महव्वए पंच ।। [२६७] संगं परिजाणामि सल्लंपि य उद्धरामि तिविहेणं ।
गुत्तीओ समिईओ मज्झं ताणं च सरणं च ।। [२६८] जह खुहियचक्कवाले पोयं रयणभरियं समुद्दम्मि | निज्जामया धरिती कयकरणा बुद्धिसंपन्ना ।। [२६९] तवपोयं गुणभरियं परीसहुम्मीहि धणियमाइद्धं ।
तह आराहिंति विऊ उवएसऽवलंबगा धीरा ।। [२७०] जइ ताव ते सुपुरिसा आयारोवियभरा निरवयक्खा | गिरिकुहर-कंदरगया साहंति य अप्पणो अटुं ।।
[दीपरत्नसागर-संशोधितः]
[17]
[३३/१|मरणसमाहित
