________________
गाहा - २७१
[२७१] जइ ताव सावयाकुलगिरिकंदर विसम दुग्ग मग्गेसु । धिइधणियबद्धकच्छा साहंति य उत्तमं अट्ठ ।। [२७२] किं पुन अनगारसहायगेण वेरग्ग-संगह-बलेणं । परलोएण न सक्का संसार महोदहिं तरिउं [२७३] जिनवयणमप्पमेयं महुरं कन्नामयं सुणंताणं । सक्का हु साहुमज्झा साहेउं अप्पणो अट्ठ ।। [२७४] धीरपुरिस पन्नत्तं सप्पुरिस निसेवियं परमघोरं । धन्ना सिलातलगया साहिंती अप्पणो अठ्ठे ।। [२७५] बाहेइ इंदियाइं पुव्वमकारिय पइट्ठचारिस्स । अकयपरिकम्म कीवं मरणेसु अ संपत्तंमि || [२७६] पुव्वमकारियजोगो समाहिकामो वि मरणकालम्मि | न भवइ परीसहसहो विसयसुह पराइओ जीवो || [२७७] पुव्विं कारियजोगो समाहिकामो य मरणकालम् । होइ उ परीसहसहो विसयसुह निवारिओ जीवो || [२७८] पुव्विं कारियजोगो अनियाणो ईहिऊण सुहभावो । ताहे मलियकसाओ सज्जो मरणं पडिच्छिज्जा ।। [२७९] पावाणं पावाणं कम्माणं अप्पणो सम्माणं । सक्का पलाइ जे तवेण सम्मं पठत्तेणं ।।
[२८०] इक्कं पंडियमरणं पडिवज्जइ सुपुरिसो असंभंतो । खिप्पं सो मरणाणं काहिइ अंतं अनंताणं ।।
[ २८१] कि तं पंडियमरणं ? कानि व आलंबणाणि भणियामि एयाइं नाऊणं किं आयरिया पसंसंति
[२८२] अनसन पाठवगमनं आलंबन झाण भावनाओ य । एयाइं नाऊणं पंडिय मरणं पसंसंति ।।
[२८३] इंदियसुहसाउलओ घोरपरीसह पराइय परज्झो । अकयपरिकम्म कीवो मुज्झइ आराहणाकाले ।।
[२८४] लज्जाइ गारवेणं बहुस्सुयमएण वा वि दुच्चरियं । जेन कहिंति गुरूणं न हु ते आराहगा हुंति ।। [२८५] सुज्झइ दुक्करकारी जाणइ मग्गंति पाव कित्तिं । विनिगूहिंतो निंदं तम्हा आलोयणा सेया ।।
[ २८६] अग्गिम्मि य उदयम्मि य पाणेसु य पाणबीयहरिएसुं । होइ मओ संथारो पडिवज्जइ जइ असंभंतो || [२८७] नवि कारणं तणमओ संथारो नवि य फासुया मूमी । अप्पा खलु संथारो होइ विसुद्धो मरंतस्स ।।
[दीपरत्नसागर-संशोधितः]
[18]
? ।।
? ।।
? |
[३३ / १ | मरणसमाहि]
