________________
गाहा - २३७
[२३७] पीयं थणयच्छीरं सागरसलिलाउ बहुयरं हुज्जा । संसारे संसरतो माऊणं अन्नमन्नाणं ||
[२३८] नत्थि किर सो पएसो लोए वालग्गकोडिमेत्तोऽवि । संसारे संसरतो जत्थ न जाओ मओ वाऽवि ।।
[२३९] चुलसीई किर लोए जोणीणं पमुह सयसहस्साइं । इक्किक्कंमि य इत्तो अनंतखुत्तों समुप्पन्नो ||
[२४०] उड्ढमहे तिरियम्मि य मयाणि बालमरणाणिऽनंताणि । तो तानि संभरतो पंडिय-मरणं मरीहामि ||
[२४१] माया मित्ति पिया मे भाया भज्जत्ति पुत्त धूया य । एयाणि चिंतयंतो पंडिय मरणं मरीहामि ||
[२४२] मायापिइबंधूहिं संसारत्थेहिं पूरिओ लोगो । बहुजोणिनिवासीहिं न य ते ताणं च सरणं च ।। [२४३] इक्को जायइ मरइ इक्को अनुहवइ य दुक्कयविवागं । इक्को अनुसरइ जीओ जरमरण चउग्गईगुविलं ।।
[२४४] उव्वेयणयं जम्मण मरणं नरएसु वेयणाओ अ । याणि संभरंतो पंडिय मरणं मरीहामि ||
[२४५] इक्कं पंडियमरणं छिंदइ जाईसयाणि बहुयाणि । तं मरणं मरियव्वं जेण मओ सुम्मओ होइ ।।
[२४६] कइया णु तं सुमरणं पंडियमरणं जिनेहिं पन्नत्तं । सुद्धो उद्धियसल्लो पाओवगमं मरीहामि ।। [२४७] संसारचक्कवाले सव्वेऽवि य पुग्गला मए बहुसो । आहारिया य परिणामिया य न य तेसु तित्तोऽहं ॥ [२४८] आहारनिमित्तेणं मच्छा वच्चंतिऽनुत्तरं नरयं । सच्चित्ताहारविहिं तेण उ मनसाऽवि निच्छामि ।। [२४९] तणकट्ठेण व अग्गी लवणसमुद्दो व नइसहस्सेहिं । न इमो जीवो सक्को तिप्पेठं कामभोगेहिं ।। [२५०] लवणयमुहसामाणो दुप्पूरो धनरओ अपरिमिज्जो | नहु सक्को तिप्पेठं जीवो संसारियसुहेहिं ।। [२५१] कप्पतरुसंभवेसु य देवुत्तरकुरुवंसपसूएसुं । परिभोगेण न तित्तो न य नरविज्जाहरसुरेसुं । [२५२] देविंदचक्कवट्टित्तणाई रज्जाई उत्तम भोगा । पत्ता अनंतखुतो न यऽहं तित्तिं गओ तेहिं । [२५३] पयखीरुच्छुरसेसु य साऊसु महोदहीसु बहुसो वि । उववन्नो न य तण्हा छिन्ना ते सीयलजलेहिं ||
[दीपरत्नसागर-संशोधितः]
[16]
[३३/१| मरणसमाहि]
