Page Text
________________
हिरण्णकोडीओ बत्तीसं सुवण्णकोडीओ बत्तीसं नंदाई बत्तीसं भद्दाइं सुभगे सोभग्ग-रूव-जोव्वण-गुणलावण्णे य भगवओ तित्थयरस्स जम्मणभवणंसि साहराहि साहरित्ता एयमाणत्तियं पच्चप्पिणाहिं तए णं से वेसमणे देवे सक्केणं जाव विणएणं वयणं पडिसुणेइ पडिसुणेत्ता भए देवे सद्दावेइ सद्दावेत्ता एवं वयासी-खिप्पामेव भो देवाणुप्पिया बत्तीसं हिरण्णकोडीओ जाव भगवओ तित्थयरस्स जम्मणभवणंसि साहरह साहरित्ता एयमाणत्तियं पच्चप्पिणह तए णं ते जंभगा देवा वेसमणेणं देवेणं एवं वुत्ता समाणा हद्वतुट्ठचित्तमाणंदिया वक्खारो-५
जाव खिप्पामेव बत्तीसं हिरण्णकोडीओ जाव सोभग्ग-रूव-जोव्वण-गुण-लावण्णे य भगवओ तित्थगरस्स जम्मणभवणंसि साहरंति साहरित्ता जेणेव वेसमणे देवे जाव तमाणत्तियं पच्चण्णिंति तए णं से वेसमणे देवे जेणेव सक्के देविंदे देवराया जाव तए णं से सक्के देविंदे देवराया आभिओगे देवे सद्दावेइ सद्दावेत्ता एवं वयासी-खिप्पामेव भो देवाणप्पिया भगवओ तित्थयरस्स जम्मणनयरंसि सिंघाडग-जाव पहेस महयामहया सद्देणं उग्घोसेमाणा-उग्घोसेमाणा एवं वदह-हंदि सुणंतु भवंतो भहवे भवणवइ-वाणमंतर-जोइसवेमाणिया देवा य देवीओ य जे णं देवाणुप्पिया तित्थयरस्स तित्थयरमाऊए वा असुभं मणं पधारेइ तस्स णं अज्जगमंजरिका इव सतहा मुद्धाणं फुट्टउत्ति कट्ट घोसणं घोसेह घोसेत्ता एयमाणत्तियं पच्चप्पिणह तए णं ते आभिओगा देवा जाव एवं देवोत्ति आणाए विणएणं वयणं पडिसुणंति पडिसुणित्ता सक्कस्स देविंदस्स देवरण्णो अंतियाओ पडिणिक्खमंति पडिणिक्खमित्ता खिप्पामेव भगवओ तित्थगरस्स जम्मणनगरंसि सिंधाडग-जाव सुणंतु भवंतो बहवे भवणवइ-जाव जे णं देवाणुप्पिया तित्थयरस्स जाव फुट्टिहीतिकट्ट घोसणं घोसेंति घोसेत्ता एयमाणत्तियं पच्चप्पिणंति तए णं ते बहवे भवणवइ-वाणमंतरजोइस-वेमाणिया देवा भगवओ तित्थगरस्स जम्मणमहिमं करेंति करेत्ता जेणेव नंदिस्सरे दीवे तेणेव उवागच्छति उवागच्छित्ता अट्ठाहियाओ महामहिमाओ करेंति करेत्ता जामेव दिसिं पाउब्भूया तामेव दिसिं पडिगया ।
. पंचमो वक्खारो समत्तो ० ० मुनि दीपरत्नसागरेण संशोधितः सम्पादित्तश्च पंचमो वक्खारो समत्तो ०
[] छट्ठो-वक्खारो । [२४५] जंबुद्दीवस्स णं भंते दीवस्स पएसा लवणं समुदं पुट्ठा हंता पुट्ठा ते णं भंते किं जंबुद्दीवे दीवे लवणे समुद्दे ते णं जंबुद्दीवे दीवे नो खलु लवणे समुद्दे एवं लवणसमुदस्सवि पएसा जंबुद्दीवे दीवे पुट्ठा भाणियव्वा जंबुद्दीवे णं भंते दीवे जीवा उद्दाइत्ता-उद्दाइत्ता लवणे समुद्दे पच्चायंति अत्थेगइया पच्चायति अत्थेगइया नो पच्चायंति एवं लवणसमुदस्सवि जंबुद्दीवे दीवे नेयव्वं ।
[२४६] खंडा जोयण वासा पव्वय कूडा य तित्थ सेढीओ ।
विजय दह सलिलाओ य पिंडए होइ संगहणी । [२४७] जंबुद्दीवे णं भंते दीवे भरहप्पमाणमेत्तेहिं खंडेहिं केवइयं खंडगणिएणं० नउयं खंडसयं खंडगणिएणं पन्नत्ते, जंबुद्दीवे णं भंते दीवे केवइयं जोयणगणिएणं० ।
[२४८] सत्तेव य कोडिसया नउया छप्पन्न सयसहस्साइं ।
दीपरत्नसागर संशोधितः]
[97]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |