Page Text
________________
तवसंजमनिव्विद्वे किं करवाणी तुवट्ठाई
[७१] सो देवकम्मविहिणा खंधावारं नरिंदवयणेणं आवसहभवणकलियं करेइ सव्वं मुहुत्तेणं ।
[७२] करेत्ता पवरपोसहघरं करेइ करेत्ता जेणेव भरहे राया जाव तमाणत्तियं खिप्पमेग पच्चप्पिणइ सेसं तहेव जाव मज्जणघराओ पडिणिक्खणइ पडिणिक्खमित्ता जेणेव बाहिरिया उवट्ठाणसाला जेणेव चाउग्धंटे आसरहे तेणेव उवागच्छइ ।
[७३] तते णं तं धरणितलगमणलहु-ततोव्विद्ध-लक्खणपसत्थं हिमवंत कंतरंतर-निवायसंवद्धिय-चित्त-तिणिसदलियं जंबूणयसुकयकुव्वरं काणयदंडियारं पुलय- वइर - इंदणील-सासग-पवाल-फलिहवररयण-लेडु-मणि-विद्दुमविभूसियं अडयालीसाररइय-तवणिज्जपट्टसंगहिय-जुत्त-तुंबं पघसियपसियनिम्मियनवपट्ट-पुट्ठ-परिणिट्ठियं विसिट्ठलट्ठणवलोहवद्धकम्मं हरिपहरणरयण-सरिसचक्कं कक्केयणइंदणी सासगसुसमाहिय-बद्धजालकंकडं पसत्थविच्छिण्णसम-धुरं पुरवरं व गुत्तं सुकरणतवणिज्जजुत्तकलियं कंकडगणिजुत्तकप्पणं पहरणाणुजायं खेडग कणग- धणु-मंडलग्ग वरसत्ति- कोंति-तोमर- सरसयबत्तीसतोणपरिमंडियं कणगरयणचित्तं जुत्तं हलीमुह-बलाग गयदंत-चंद मोत्तिय तणसोल्लिय- कुंद-कुडय-वरसिं-दुवारकंदल-वरफेणणिगर-हार-कास- प्पगासधवलेहिं अमरमणपवणजइण-चवलसिग्घगामीहिं चउहिं चामराकणगभूसियंगेहिं तुरगेंहि सच्छत्तं सज्झयं सघंटं सपडागं सुकयसंधिकम्मं सुसमाहियसमरकणग-गंभीरतुल्लघोसं वरकुप्परं सुचक्कं वरनेमीमंडलं वरधुरातोंडं वरवइरबद्धतुंबं वरकंचणभूसियं वरायरियणिम्मियं वरतुरगसंपउत्तं
वक्खारो-३
वरसारहिसुसंपग्गहियं वरपुरिसे बरमहारहं दुरुढे आरूढे पवररयणपरिमंडियं कणय - खिंखिणीजालसोभियं अयोज्झं सोयामणि-कणगतविय-पंकय-जासुयण-जलयणजलिय- सुयतोंड-रागं गुंजद्ध-बंधुजीग-रत्त-हंगुलुगणिगर-सिंदूर-रुइलकुंकुम पारेवयचलण-नयणकोइल-दलणा-वरणरइतातिरेग-रत्तासोग- कणग-केसुय-गयतालुसुरिंदगोवग-समप्पभप्पगासं बिंबफल-सिलप्प-वाल-उद्वैत- सूरसरिसंसव्वोउयसुरहिकुसुम-आसत्तमल्लदामं ऊसियसेयज्झयं महामेहरसिय-गंभीर - णिद्धघोसं सत्तुहिययकंपणं पभाए य सस्सिरीयं नामेणं पुहविविजयलंभंति वीसुतं लोगविस्सुतजसो अहतं चाउग्धंटं आसरहं पोसहिए नरवई दुरुढे तए णं से भरहे राया चाउग्धंटं आसरहं दुरुढे समाणे सेसं तहेव दाहिणाभिमुहे वरदामतित्थेणं लवणसमुद्दं ओगाहइ जाव से रहवरस्स कुप्परा उल्ला ते णं से भरहे राया तुरगे निगिण्हई निगिच्छत्ता रहं ठवेइ ठवेत्ता धणुं परामुसइ जाव उसुं निसिरइपरिगरणिगरियमज्झो वाउछुयसोभमाणकोसेज्जो चित्तेणं सोभते धणुवरेण इंदोव्व पच्चक्खं तं चंचलायमाणं पंचमिचंदोवमं महाचावं छज्जइ वामे हत्थे नरवइणो तंमि विजयंमि तए णं से सरे भरहेणं रण्णा निसट्टे समाणे खप्पामेव दुवालस जोयणाइं गंता वरदामतित्थाधिपतिस्स देवस्स भव निवइए तए णं से वरदामतित्थाहिवई देवे भवणंसि सरं निवइयं पासइ पासित्ता आसुरुत्ते रुट्ठे चंडिक्किए कुविए मिसिमिसेमाणे तिवलियं भिउडिं निडाले साहरइ साहरित्ता एवं वयासी-केस णं भो एस अपत्थियपत्थए दुरंतपंतलक्खणे हीणपुन्नचाउद्दसे हिरिसिरिपरिवज्जिए जेणं मम इमाए एयारूवे दिव्वा देवड्ढीए दिवाए देवजुईए दिव्वेणं देवाणुभावेणं लद्धाए पत्ताए अभिसमण्णागयाए उप्पिं उप्पुस्सुए भ सरं निसिर-इत्तिकट्टु सीहासणाओ अब्भुट्ठेइ अब्भुट्ठेत्ता जेणेव से नामाहयके सरे तेणेव उवागच्छइ उवागच्छित्ता तं नामाहयकं सरं गेण्हइ गेण्हित्ता नामकं अनुप्पवाएइ नामकं अनुप्पवाएमाणस्स इमे [दीपरत्नसागर संशोधितः ]
[१८-जंबूद्दीवपन्नत्ति]
[29]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |