Page Text
________________
कोडुबियपुरिसे सद्दावेइ सद्दावेत्ता एवं वयासी-खिप्पामेव भो देवणुप्पिया वीणीयं रायहाणिं सब्भिंतरबाहिरियं आसिय-संमज्जिय-सित्त-सुइग-संमट्ठ-रत्यंतरवीहियं मंचाइमंचकलियं नानाविहरागवसण-ऊसियझयपडागाइपडागमंडिय लाउल्लोइयमहियं गोसीससरसरत्तदद्दरदिण्णपंचंगुलितलं उवचियवंदणकलसं वंचणघडसुकयजाव गंधुद्धयाभिरामं सुगंधवरगंधियं गंधवट्टिभूयं करेह कारवेह करेत्ता कारवेत्ता य एयमाणत्तियं पच्चप्पिणह तए णं से कोडुबियपुरिसा भरहेणं रण्णा एवं वुत्ता समाणा हट्ठ जाव एवं सामित्ति आणाए विणएणं वयणं पडिसुणेति पडिसुणेत्ता भरहस्स रण्मो अंतियाओ पडिणिक्खमंति पडिणिक्खमित्ता विणीयं रायहाणिं जाव करेत्ता कारवेत्ता य तमाणत्तियं पच्चप्पिणंति तए णं से भरहे राया जेणेव मज्जणघरे तेणेव उवागच्छड़ उवागच्छित्ता मज्जणधरं अणुपविसइ अनुपविसित्ता समुत्तजालाकुलाभिरामे विचित्तमणिरयण-कुट्टिमतले रमणिज्जे पहाणमंडवंसि नाणामणिरयण-भत्तिचित्तंसि ण्हाणपीढंसि सुहणिसण्णे सुहोदएहिं गंधोदएहिं पुप्फोदएहिं सुद्धोदएहिं य पुन्ने कल्लाणगपवरमज्जणविहीए मज्जिए तत्थ कोउयसएहिं बहुविहेहिं कल्लाणगपवरमज्जणावसाणे पम्हलसुकुमाल-गंधकासाइय-लूहियंगे सरससुरहिगोसीसचंदणा-णुलित्तगत्ते अहयसुमहग्घदूसरयणसुसंवुए सुइमाला-वण्णग-विलेवणे आविद्धमणिसुवण्णे
कप्पिय-हारद्धहार-तिसरय-पालंबपलंगमाण-कडिसुत्तसुकयसोहे पिणद्धगेविज्जगअंगुलिज्जग-ललितंगयल-लियकयाभरणे
ननावक्खारो-३
मणिकडगतुडियथंभियभुए अहियरूव-सस्सिरीए कुंडलउज्जोइयाणणे मउड-दित्तसिरिइ हारोत्थयसुकयरइवच्छे पालंबपलंबमाणसुकयपडउत्तरिज्जे मुद्दियापिंगलंगुलीए नाणामणिकणग-विमल-महरिए निउणोवियमिसिमिसेंत-विरइयसुसिलिट्ठविसिट्ठलट्ठसंठियप-सत्थ-आविद्धवीरलए किं बहुणा कप्प-रुक्खए चेव अलंकियविभूसिए नरिंदे सकोरंट [मल्लदामेणं छत्तेणं धरिज्जमाणेणं] चउचामरवालवीइअंगे मंगलजयसद्दकयालोए अणगगणणायग-दंडनायग-जाव दूय-संधिवालसद्धि संपरिवुडे धवल-महामेहणिग्गए इव [गहगण-दिप्पंत-रिक्ख-तारागणाण मज्] ससिव्व पियदंसणे नरवई धूवपुप्फगंधमल्लहत्तगए मज्जणघराओ पडिणिक्खमइ पडिणिक्खमित्ता जेणेव आउहघरसाला जेणेव चक्करयणे तेणामेव पहारेत्थ गमणाए तए णं तस्स भरहस्स रण्मो बहवे ईसर-जाव पभितओ-अप्पेगइया पउमहत्थगया जाव अप्पेगइया सहस्स-पत्तहत्थगया भरहं रायाणं पिट्ठओ-पिट्ठओ अणुगच्छंति, तए णं तस्स भरहस्स रण्णो बहूओ ।
[५९] खुल्ल चिलाइ वामणि वडभीओ बब्बरी पउसियाओ ।
जोणियपल्हवियाओ ईसिणिय थारुकिणियाओ । [६०] लासिय लउसिय दमिली सिंहलि तह आरबी पुलिंदी य ।
पक्कणि बहलि मुरंडी सबरीओ पारसीओ य । [५९] तेल्ले कोट्ठसमग्गे पत्ते चोए य तगरमेला य ।
हरियाले हिंगुलए मणोसिला सासवसमुग्गे । [६०] अप्पे गइयाओ वंदणकलसहत्थगयाओ भिंगार-आदंस-थाल-पाति-सुपइट्ठग-वायकरगरयण-करंड-पुप्फचंगेरी-मल्ल-वण्ण-चुण्ण-गंधहत्थगयाओ वत्थ-आभरणलोमहत्थय-चंगेरी-पुप्फपडलहत्थगयाओ जाव लोमहत्वपडलहत्थगयाओ अप्पेगइयाओ सीहासणहत्थगयाओ छत्त-चामर-हत्थगयाओ तेल्लसमुग्गयहत्थगयाओ कोट्ठसमुग्गयहत्थगयाओ जाव सासवसमुग्गयहत्थगयाओ अप्पेगइयाओ तालियंटहत्थगयाओ धूवकडुच्छयहत्थगयाओ भरहं रायाणं पिट्ठओ-पिट्ठओ अण्गच्छंति तए णं से भरहे राया सव्विड्ढीए [दीपरत्नसागर संशोधितः]
[24]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |