Page Text
________________
विणट्ठजम्मज-रामरणाणं सरीरगाइं सीयाओ आरुहेंति आरुहेत्ता चियगए ठवेंति तए णं से सक्के देविंदे देवराया अग्गिकुमारे देवे सद्दावेइ सद्दावेत्ता एवं वयासी-खिप्पामेव भो देवाणुप्पिया तित्थगरचियगाए [गणहर-चियगाए] अणगारचियगाए अगणिकायं विउव्वह विउव्वित्ता एयमाणत्तियं पच्चप्पिणह तए णं ते अग्गि-कुमारा देवा विमणा निराणंदा अंसुपुन्ननयणा तित्थगरचियगाए [गणहरचियगाए] अणगारचियगाए य वाउक्कायं विउव्वह विउव्वि विउव्वह विउव्वित्ता अगणिकायं उज्जालेह तित्थगरसरीरगं गणहरसरीरगाई अमगारसरीरगाइं च झामेह तए णं ते वाउकुमारा देवा विमणा जाव वाउक्कायं विउव्वंति अगणिकायं उज्जालेति तित्थगरसरीरगं [गणहरसरीरगाइं] अमगारसरीरगाणि य झामंति तए णं से सक्के देविंदे देवराया ते बहवे भवणवइ-वाणमंतर-जोइस]- वेमाणिए देवे एवं वयासी-खिप्पामेव भो देवाणुप्पिया तित्थगरचियगाए [गणहरचियगाए] अणगारचियगाए य अगुरु-तुरुक्क-घय-मधं च कुंभग्गसो य साहरह तए णं ते भवणवइ-जाव भारग्गसो य साहरंति तए णं से सक्के देविंदे देवराया मेहकुमारे देवे सद्दावेइ वक्खारो-२
सद्दावेत्ता एवं वयासी-खिप्पमावे भो देवाणुप्पिया तित्थगरचियगं [गणहरचियगं] अमगारचियगं च खीरोदगेणं निव्वावेह तए णं ते मेहकुमारा देवा तित्थगरचियगं जाव निव्वाति तए णं से सक्के देविंदे देवराया भगवओ तित्थगरस्स उवरिल्लं दाहिणं सकहं गेण्हइ ईसाणे देविंदे देवराया उवरिल्लं वामं सकहं गेण्हइ चमरे असुरिंदे असुरराया हेडिल्लं दाहिणं सकहं गेण्हइ बली वइरोयणिंदे वइरोयणराया हेडिल्लं वाम सकहं गेण्हइ अवसेसा भवणवइ-वाणमंतर-जोइस]-वेमाणिया देवा जहारिहं अवसेसाइं अंगमंगाई-केड़ जिणभत्तीए केइ जीयमेयंतिकट्ट केइ धम्मोत्तिकट्ट-गेण्हंति तए णं से सक्के देविंदे देवराया बहवे भवणवइ-वाणमंतर-जोइस]-वेमाणिए देवे एवं वयासी-खिप्पामेव भो देवाणुप्पिया सव्वरयणामे महइमहालए तओ चेइयथूभे करेह-एगं भगवओ तित्थगरस्स चियगए जाव अमगाराणं चियगाए तए णं ते बहवे जाव एवं करेंति तए णं ते बहवे भवणवइ-वाणमंतर-जोइस]-वेमाणिया देवा तित्थगरस्स परिणिव्वाणमहिम फरेंति करेत्ता जेणेव नंदीसरवरे दीवे तेणेव उवागच्छंति तए णं से सक्के देविंदे देवराया पुरथिमिल्ले अंजणगपव्वए अट्ठाहियं महामहिमं करेंति तए णं सक्कस्स देविंदस्स देवरण्णो चत्तारि लोगपाला चउस् दहिमुहपव्वएस अट्ठाहियं महामहिमं करेंति ईसाणे देविंदे देवराया उत्तरिल्ले अंजणगे अट्ठाहियं तस्स लोगपाला चउस् दहिमहेस् अट्ठाहियं चमरो य दाहिणिल्ले अंजणगे तस्स लोगपाला दहिमहपव्वएस बली पच्चत्थिमिल्ले अंजणगे तस्स लोगपाला दहिमुहेसु तए णं बहवे देवा अट्ठाहियाओ महामहिमो करेंति करेत्ता जेणेव साइं-साइं विमाणाई जेणेव साओ-साओ सभाओ सुहम्माओ जेणेव सगा-सगा माणवगा चेइयखंभा तेणेव उवागच्छंति उवागच्छित्ता वइरामएस गोलवट्टसमुग्गएसु जिण-सकहाओ पक्खिवंति पक्खिवित्ता अग्गेहिं वरेहिं मल्लेहि य गंधेहि य अच्चेंति अच्चुत्ता विउलाइं भोगभोगाइं भुंजमाणा विहरंति
[४७] तीसे णं समाए दोहिं सागरोवमकोडाकोडीहिं काले वीइक्कंते अनंतेहि वण्णपज्जवेहि जाव परिहायमाणे-परिहायमाण एत्थ णं दूसमसुसमाणामं समा काले पडिवज्जिंसु समणाउसो तीसे णं भंते समाए भरहस्स वासस्स केरिसए आगारभावपडोयारे पन्नत्ते गोयमा बहसमरमणिज्जे भूमिभागे पन्नत्ते से जहानामए आलिंगपुक्खरेइ वा जाव नानाविहपंचवण्णेहिं मणीहिं तणेहि य उवसोभिए तं जहा- कत्तिमेहिं चेव अकत्तिमेहिं चेव तीसे णं भंते समाए भरहे वासे मणुयाणं केरिसए आगारभावपडोयारे पन्नत्ते गोयमा तेसिं मणुयाणं छव्विहेसंघयणे छव्विहे संठाणे बहूई धणूइं उड्ढे उच्चत्तेमं जहण्णेणं जहण्णेणं अंतोमुहुत्तं [दीपरत्नसागर संशोधितः]
[18]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |