Page Text
________________
[२५३] सव्वब्भंतराओ णं भंते सूरमंडलाओ केवइयं अबाहाए सव्वाबाहिरए सूरमंडले पन्नत्ते गोयमा पंचदसुत्तरे जोयणसए अबाहाए सव्वबाहिरए सूरमंडले पन्नत्ते ।
[२५४] सूरमंडलस्स णं भंते सूरमंडलस्स य केवइयं अबाहाए अंतरे पन्नत्ते गोयमा दो-दो जोयणाई अबाहाए अंतरे पन्नत्ते ।।
[२५५] सूरमंडले णं भंते केवइयं आयाम-विक्खंभेणं केवइयं परिक्खेवेणं केवइयं बाहल्लेणं पन्नत्ते गोयमा अडयालीसं एगसद्विभाए जोयणस्स आयाम-विक्खंभेणं
सविसेसं परिक्खेवेणं चठवीसं एगसट्ठियाए जोयणस्स बाहल्लेणं पन्नत्ते ।
[२५६] जंबुद्दीवे णं भंते दीवे मंदरस्स पव्वयस्स केवइयं अबाहाए सव्वब्भंतरे सूरमंडले पन्नत्ते गोयमा चोयालीसं जोयणसहस्साइं अट्ठ य वीसे जोयणसए अबाहाए सव्वब्भंतरे सूरमंडले पन्नत्ते जंबुद्दीवे णं भंते दीवे मंदरस्स पव्वयस्स केवइयं अबाहाए अब्भंतराणंतरे सूरमंडले पन्नत्ते गोयमा चोयालीसं वक्खारो-७
जोयणसहस्साइं अट्ठ य बावीसे जोयणसए अडयालीसं च एगसहिभागे जोयणस्स अबाहाए अब्भतराणंतरे सूरमंडले पन्नत्ते जंबुद्दीवे णं भंते दीवे मंदरस्स पव्वयस्स केवइयं अबाहाए अब्भंतरतच्चे सूरमंडले पन्नत्ते गोयमा चोयालीसं जोयणसहस्साइं अट्ठ य पणवीसे जोयणसए पणतीसं च एगसट्ठिभागे जोयणस्स अबाहा अब्भंतरतच्चे सूरमंडले पन्नत्ते एवं खल एएणं उवाणं निक्खममाणे सूरिए तयणंतराओ मंडलाओ तयणंतरं मंडलं संकममाणे-संकममाणे दो-दो जोयणाई अडयालीसं च एगसद्विभाए जोयणस्स एगमेगे मंडले अबाहावुढिं अभिवड्ढेमाणे-अभिवड्ढेमाणे सव्वबाहिरं मंडलं उवसंकमित्ता चारं चरइ जबुद्दीवे णं भंते दीवे मंदरस्स पव्वयस्स केवइयं अबाहाए सव्वबाहिरे सूरमंडले पन्नत्ते गोयमा पणयालीसं जोयणसहस्साई तिण्णि य तीसे जोयणसए अबाहाए सव्वबाहिरे सूरमंडले पन्नत्ते जंबुद्दीवे णं भंते दीवे मंदरस्स पव्वयस्स केवइयं अबाहाए बाहिराणंतरे सूरमंडले पन्नत्ते गोयमा पणयालीसं जोयणसहस्साइं तिण्णि य सत्तावीसे जोयणसए तेरस य एगसहिभाए जोयणस्स अबाहाए बाहिराणंतरे सूरमंडले पन्नत्ते जंबुद्दीवे णं भंते दीवे मंदरस्स पव्वयस्स केवइयं अबाहाए बाहिरतच्चे सूरमंडले पन्नत्ते गोयमा पणयालीसं जोयणसहस्साइं तिण्णि य चउवीसे जोयणसए छव्वीसं च एगसट्ठिभाए जोयणस्स अबाहाए बाहिरतच्चे सूरमंडले पन्नत्ते एवं खलु एएणं उवाएणं पविसमाणे सूरिए तयणंतराओ मंडलाओ तयणंतरं मंडलं संकममाणे-संकममाणे दो-दो जोयणाई अडयालीसं च एगसद्विभाए जोयणस्स अबाहाए बाहिरतच्चे सूरमंडले पन्नत्ते एवं खलु एएणं उवाएणं पविसमाणे सूरिए तयणंतराओ मंडलाओ तयणंतरं मंडलं संकममाणे-संकममाणे दो-दो जोयणाई अडयालीसं च एगसद्विभाए जोयणस्स एगमेगे मंडले अबाहावुदि निवड्ढेमाणे-निवड्ढेमाणे सब्भंतरं मंडलं उवसंकमित्ता चारं चरइ ।
_[२५७] जंबुद्दीवे दीवे सव्वब्भंतरे णं भंते सूरमंडले केवइयं आयाम-विक्खंभेणं केवइयं परिक्खेवेणं पन्नत्ते गोयमा नवणउइं जोयणसहस्साई छच्च चत्ताले जोयणसए आयाम-विक्खंभेणं तिण्णि य जोयणसयसहस्साइं पन्नरस य जोयणसहस्साइं एगूणणउइं च जोयणाइं किंचिविसेसाहियाइं परिक्खेवेणं अब्भंतराणंतरे णं भंते सूरमंडले केवइयं आयाम-विक्खंभेणं केवइयं परिक्खेवेणं पन्नत्ते गोयमा नवणउई जोयणसहस्साइं छच्च पणयाले जोयणसए पणतीसं च एगसद्विभाए जोयणस्स आयाम-विक्खंभेमं तिण्णि य जोयणसयसहस्साइं पन्नरस य जोयणसहस्साइं एगं च सत्तुत्तरं जोयणसयं परिक्खेवेणं पन्नत्ते [दीपरत्नसागर संशोधितः]
[100]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |