________________
० दसमे पाहुडे एगणवीसइमं पाहुडपाहुडं समत्तं .
। वीसइमं पाहुडपाहुडं । [७९] ता कति णं संवच्छरा आहिताति वदेज्जा ता पंच संवच्छरा आहिताति वदेज्जा तं जहा- नक्खत्तसंवच्छरे जुगसंवच्छरे पमाणसंवच्छरे लक्खणसंवच्छरे सणिच्छरसंवच्छरे ।
[८०] ता नक्खत्तसंवच्छरे णं दुवालसविहे पन्नत्ते तं जहा- सावणे भद्दवए जाव आसाढे जं वा बहस्सतीमहग्गहे पहिं संवच्छरेहिंसव्वं नक्खत्त-मंडलं समाणेति ।
[८१] ता जुगसंवच्छरे णं पंचविहे पन्नत्ते तं जहा- चंदे चंदे अभिवढिए चंदे अभिवढिए चेव ता पढमस्स णं चंदसंवच्छरस्स चउव्वीसं पव्व पन्नत्ता दोच्चस्स णं चंदसंवच्छरस्स चउव्वीसं पव्वा पन्नत्ता तच्चस्स णं अभिवढियसंच्छरस्स छव्वीसं पव्वा पन्नत्ता चउत्थस्स णं चंदसंवच्छरस्स चउव्वीसं पव्वा पन्नत्ता पंचमस्स णं अभिवड्ढिय संवच्छरस्स छव्वीसं पव्वा पन्नत्ता एवामेव सपुव्वावरेणं पंचसंवच्छरिए जुगे एगे चउवीसे पव्वसते भवतीति मक्खायं ।
[८२] ता पमाणसंवच्छरे णं पंचविहे नक्खत्ते चंद उडू आइच्चे अभिवढिते ।
[८३] ता लक्खणसंवच्छरे णं पंचविहे पन्नत्ते तं जहा- नक्खत्ते चंदे उडू आइच्चे अभिवढिते ता नक्खत्तसंवच्छरे पंचविहे पन्नत्ते [तं जहा] ।
[८४] समगं नक्खत्ता जोयं जोएंति समगं उडू परिणमंति
नच्चुण्हं नातिसीते बहूदओ होति नक्खत्ते । [८५] ससि समग पुन्निमासिं जोएंति विसमचारिणक्खत्ता ।
कडुओ बहूदओ य तमाएं संवच्छरं चंदं । [८६] विसमं पवालिणो परिणमंति अनुसु दिति पुप्फफलं ।
वासं न सम्म वासति तमाहूं संवच्छरं कम्मं । [८७] पुढविदगाणं चर रसं पुप्फफलाणं च देइ आइच्चे ।
अप्पेणवि वासेणं सम्म निप्फज्जए सस्सं । [८८] आइच्चतेयतविया खणलवदिवसा उडू परिणमंति ।
पूरेति निण्णथलए तमाह अभिवड्ढिय जाण । [८९] ता सणिच्छरसंवच्छरे णं अट्ठावीसइविहे पन्नत्ते तं जहा- अभीई सवणे जाव उत्तरासाढा जं वा सणिच्छरे महग्गहे तीसाए संवच्छरेहिं सव्वं नक्खत्तमंडलं समाणेइ ।
दसमे पाहुड़े वीसइमं पाहुइपाहुई समत्तं .
। एक्कवीसइमं पाहुडपाहुडं । [९०] ता कहं ते जोतिसस्स दारा आहिताति वदेज्जा तत्थ खलु इमाओ पंच पडिवत्तीओ पाहुडं-१०, पाहुडपाहुडं-२१
पन्नत्ताओ तत्थेगे एवमाहंसु-ता कत्तियादिया णं सत्त नक्खत्ता पुव्वादारिया पन्नत्ते-एगे पुण एवमाहंसुता महादिया णं सत्त नक्खत्ता पुव्वदारिया पन्नत्ता-एगे पुण एवमाहंसु-ता धणिहादिया णं सत्त नक्खत्ता पुव्वदाहिया पन्नत्ता-एगे पुण एवमाहंसुत्ता अस्सिणीयादिया णं सत्त नक्खत्ता पुव्वदारिया
[दीपरत्नसागर संशोधितः]
[35]
[१७-चंदपन्नत्ति
