Page Text
________________
नक्खत्ते नत्तंभागे अवड्ढक्खेत्ते पन्नरसमुहुत्ते तप्पढमयाए सायं चंदेण सद्धिं जोयं जोएति नो लभति अवरं दिवसं-एवं खलु भरणी नक्खत्ते एगं रातिं चंदेण सद्धिं जोयं जोएति जोएत्ता जोयं अनुपरियट्टति अनुपरियट्टित्ता पातो चंदं कत्तियाणं समप्पेति ता कत्तिया खलु नक्खत्ते पुव्वंभागे समक्खेत्ते तीसइमहत्ते तप्पढमयाए पातो चंदेण सद्धिं जोयं जोएति ततो पच्छा रातिं-एवं खलु कत्तिया नक्खत्ते एगं दिवसं एगं च रातिं चंदेण सद्धिं जोयं जोएति जोएत्ता जोयं अनुपरियदृति अनुपरियट्टित्ता पातो चंद रोहिणीणं समप्पेति रोहिणी जहा उत्तरभद्दवया मिगसिरं जहा धणिट्ठा अद्दा जहा सतभिसया पुणव्वसू जहा उत्तरभद्दवया मिगसिरं जहा धणिट्ठा अद्दा जहा सतभिसया पुणव्वसू जहा उत्तरभद्दवया पुस्सो जहा धणिट्ठा अस्सेसा जहा सतभिसया मधा जहा पव्वाफग्गणी पव्वाफग्गणी जहा पव्वाभद्दवया उत्तराफग्गणी जहा उत्तरभद्दवया हत्थो चित्ता य जहा धणिट्ठा साती जहा सतभिसया विसाहा जहा उत्तरभद्दवया अनुराहा जहा धणिट्ठा जेट्ठा जहा सतिभिसया मूलो पुव्वासाढा य जहा पुव्वभद्दवया उत्तरासाढा जहा उत्तरभद्दवया ।
० दसमे पाहुडे चउत्थं पाहुडपाहुडं समत्तं .
॥ पंचमं पाहुडपाहुडं । [५१] ता कहं ते कुला आहिताति वदेज्जा तत्थ खलु इमे बारस कुला बारस उवकुला चत्तारि कुलोवकुला पन्नत्ता बारस कुला तं जहा- धणिट्ठाकुलं उत्तराभद्दवया कुल अस्सिणी कुलं कत्तिया कुलं संठाणा कुलं पुस्सो कुलं महा कुलं उत्तराफग्गुणी कुलं चित्ता कुलं विसाहा कुलं मूलो कुलं उत्तरासाढा कुलं बारस उवकुला तं जहा- सवणो उवकुलं पुव्वभद्दवया उवकुलं रेवती उवकुलं भरणी उवकुल रोहिणी उवकुलं पुन्नवसू उवकुलं अस्सेसा उवकुलं पुव्वाफग्गुणी उवकुलं हत्थो उवकुलं साती उवकुलं जेटअठा उवकुलं पुव्वासाढा उवकुलं चत्तारि कुलोवकुला तं जहा- अभीई कुलोवकुलं सतभिसया कुलोवकुलं अद्दा कुलोवकुलं अनुराहा कुलोवकुलं । ।
• दसमे पाहुड़े पंचमं पाहुडपाहुई समत्तं .
छठं पाहुडपाहुडं । [१२] ता कहं ते पुण्णिमासिणी आहितेति वदेज्जा तत्थ खलु इमाओ बारस पुण्णिमासिणीओ बारस अमावासाओ साविट्ठी पोट्ठवली आसोई कत्तिया मग्गसिरी पोसी माही फग्गुणी पाहुडं-१०, पाहुडपाहुडं-६
चेत्त वइसाही जेट्ठामूली आसाढी ता साविट्ठिणं पुण्णिमासिं कति नक्खत्ता जोएंति ता तिण्णि नक्खत्ता जोएंति तं जहा-अभिई सवणो धणिट्ठा ता पोह्रवतिण्णं पुण्णिमं तिण्णि नक्खत्ता जोएंति सत्तभिसय पुव्वा पोद्ववया उत्तरा पोद्ववया ता आसोइण्णं पुण्णिमं दोण्णि नक्खत्ता जोएंति रेवती अस्सिणी य ता कत्तियण्णं पुण्णिमं दोण्णि नक्खत्ता जोएंति तं जहा- भरणी कत्तिया य ता मग्गसिरणं पुण्णिम दोण्णि नक्खत्ता जोएंति तं जहा- रोहिणी मिगसिरो य ता पोसिण्णं पुण्णिमं तिणि नक्खत्ता जोएंति तं जहा- अद्दा पुण्णवसू पुरस्सो ता माहिण्णं पुण्णिमं दोण्णि नक्खत्ता जोएंति तं जहा- अस्सेसा महा य ता फग्गुणिण्णं पुण्णिमं दुण्णि नक्खत्ता जोएंति तं जहा- पुव्वाफग्गुणी उत्तराफग्गुणी य ता चेत्तिण्णं पुण्णिमं दोण्णि नक्खत्ता जोएंति तं जहा- हत्थो चित्ता य ता वइसाहिण्णं पुण्णिमं दोण्णि नक्खत्ता जोएंति तं जहा- साती विसाहा य ता जेट्टामलिण्णं पुण्णिमासिणिं तिण्णि नक्खत्ता ओएंति तं जहाअनुराहा जेट्ठा मूलो ता आसढिण्णं पुण्णिमं दो नक्खत्ता जोएंति तं जहा- पुव्वासाढा उत्तरासाढा |
दीपरत्नसागर संशोधितः]
[27]
[१७-चंदपन्नत्ति
| SR No. | 003733 |
| Book Title | Agam 17 Chandpannatti Chattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 17, & agam_chandrapragnapti |
| File Size | 2 MB |