Page Text
________________
देवीसहस्साइं परिवारं विउव्वित्तए एवामेव सपुव्वावरेणं सोलस देवीसहस्सा सेत्तं तुडिए ता पभू णं चंदे जोतिसिंदे जोतिसराया चंदवडिंसए विमाणे सभाए सुहम्माए तुडएणं सद्धिं दिव्वाइं भोगभोगाई भुंज विहरित्तए नो इणट्ठे समट्ठे ता कहं ते पुच्छा चंदस्स णं जोतिसिंदस्स जोतदिसरण्णो चंदवडिंसए विमा सभाए सुधम्माए माणवए चेतियखंभे वइरामएस गोलवट्टसमुग्गएसु बहवे जिणसकधा सण्णिक्खित्ता चिट्ठेति ताओ णं चंदस्स जोतिसिंदस्स जोतिसरण्णो अण्णेसिं च बहूणं जोतिसियाणं देवाण य देवीण य अच्चणिज्जाओ वंदणिज्जाओ पूयणिज्जाओ सक्कारणिज्जओ सम्माणणिज्जाओ कल्लाणं मंगलं देवयं चेइयं पज्जुवासणिज्जाओ एवं खलु नो पभू चंदे जोतिसिंदे जोतिसराया चंदवडिंसए विमाणे सभा सुधम्माए तुडिएणं सद्धिं दिव्वाइं भोगभोगाई भुंजमाणे विहरित्तए, पभू णं चंदे जोतिसिंदे जोतिसरायाचंदवडिंसए विमाणे सभाए सुहम्माए चंदंसि सीहासणंसि चउहिं सामाणियसाहस्सीहिं चउहिं अग्गमहिसीहिं सपरिवाराहिं तिहिं परिसाहिं सत्तहिं अणिएहिं सत्तहिं अणियाहिवईहिं सोलसहिं आयरक्खदेवसाहस्सीहिं अण्णेहिं य बहूहिं जोतिसिएहिंदेवेहिं देवीहि य सद्धिं महयाहयनट्ट- गीय-वाइय-तंती-तल-ताल-तुडिय-धणमुइंग-पडुप्पवाइयरेवणं दिव्वाइं भोगभोगाई भुंजमाणे विहरित्तए केवलं परियारणिड्ढीए नो चेव णं मेहुणवत्तियं ता सूरस्स णं जोतिसिंदस्स जोतिसरण्णो चत्तारि अग्गमहिसीओ पन्नत्ताओ तं जहासूरप्पभा आतवा अच्चिमाली पभंकरा सेसं जहा चंदस्स नवरं सूरवडेंसए विमाणे जावनो चेव णं मेहुणवत्तया ।
[१२७] जोतिसिया णं देवाणं केवतियं कालं ठिती पन्नत्ता ता जहण्णेणं अट्ठभागपलिओवमं उक्कोसेणं पलिओवमं वाससतसहस्समब्भहियं ता जोतिसिणीणं देवीणं केवतियं कालं ठिती पन्नत्ता ता जहणेणं अट्ठभागपलिओवमं उक्कोसेणं अद्धपलिओवमं पन्नासाए वाससहस्सेहिं अब्भहियं ता चंदविमाणे णं देवाणं केवतियं कालं ठिती पन्नत्ता ता जहण्णेणं चउब्भागपलिओवमं उक्कोसेणं पलिओवमं वाससयसहस्समब्भहियं ता चंदविमाणे णं देवीणं केवतयं कालं ठिती पन्नत्ता ता जहण्णेणं चउब्भागपलिओवमं उक्कोसेणं अद्धपलिओवमं पन्नासाए वाससहस्सेहिं अब्भहियं ता सूरविमाणे णं देवाणं केवतियं कालं ठिती पाहुडं - १८
पन्नत्ता ता जहण्णेणं चउब्भागपलिओवमं उक्कोसेणं पलिओवम वाससहस्समब्भहियं ता सूरविमाणे णं देवीणं केवतियं कालं ठिती पन्नत्ता ता जहण्णेणं चउब्भागपलिओवमं उक्कोसेणं अद्धपलिओवमं पंचहिं वाससएहिं अब्भहियं ता गहविमाणे णं देवाणं केवतियं कालं ठिती पन्नत्ता ता जहणेणं चउब्भागपलिओवमं उक्कोसेणं पलिओवमं ता गहविमाणे णं देवीणं केवतियं कालं ठिती पन्नत्ता ता जहण्णेणं चउब्भागपलिओवमं उक्कोसेणं अद्धपलिओवमं ता नक्खत्तविमाणे णंदेवाणं केवतियं कालं ठिती पन्नत्ता ता जहण्णेणं चउब्भागपलिओवमं उक्कोसेणं अद्धपलिओवमं ता नक्खत्तविमाणे णं देवीणं
वतियं कालं ठिती पन्नत्ता ता जहण्णेणं अट्ठभागपलिओवमं उक्कोसेणं चउब्भागपलिओवमं ता ताराविमाण णं देवाणं पुच्छा ता जहण्णेणं अट्ठभागपलपिओवमं उक्कोसेणं चउब्भागपलिओ मंत ताराविमाणे णं देवीणं पुच्छा ता जहण्णेणं अट्ठभागपलिओवमं उक्कोसेणं साइरेगअट्ठभागपलिओवमं । [१२८]ता एएसि णं चंदिम-सूरिय-गह- नक्खत्त- ताराराणं कतरे कतरेहिंतो अप्पा वा बहुया वा तुल्ला वा विसेसाहिया वा ता चंदा य सूरा य - एते णं दोवि तुल्ला सव्वत्थोवा नक्खत्ता संखेज्जगुणा गा संखेज्जगुणा तारा संखेज्जगुणा ।
[दीपरत्नसागर संशोधितः]
[54]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |