Page Text
________________
ता अभीई नक्खत्तो सव्वब्भंतरिल्लं चारं चरति मूले नक्खत्ते सव्वबाहिरिल्लं चार चरइ साती नक्खत्ते सव्वुपरिल्लं चारं चरति भरणी नक्खत्ते सव्वहेट्ठिल्लं चारं चरति |
[१२३]ता चंदविमाणे णं किसंठिते पन्नत्ते ता अद्धकविट्ठगसंठाणसंठिते सव्वफलिहामए अब्भुग्गयमूसियपहसिए विविहमणिरयणभत्तिचित्ते जाव पडिरूवे एवं सूरविमाणे ताराविमाणे ता चंदविमाणे णं केवतियं आयाम-विक्खंभेणं केवतियं परिक्खेवेणं केवतियं बाहल्लेणं पन्नत्ते ता छप्पन्नं एगद्रिभागे जोयणस्स आयाम-विक्खंभेणं तं तिगणं सविसेसं परिरएणं अट्ठवीसं एगट्ठिभागे जोयणस्स बाहल्लेणं पन्नत्ते ता सूरविमाणे णं केवतियं आयाम-विक्खंभेणं पच्छा ता अडयालीसं एगट्ठिभागे जोयणस्स आयाम-विक्खंभेणं तं तिगुणं सविसेसं परिरएणं चउव्वीसं एगट्ठिभागे जोयणस्स बाहल्लेणं पन्नत्ते ता गहविमाणेणं पच्छा ता अद्धजोयणं आयाम-विक्खंभेणं तं तिगुणं सविसेसं परिरएणं कोसं बाहल्लेणं पन्नत्ते ता नक्खत्तविमाणे णं केवतियं पुच्छा ता कोसं आयाम-विक्खंभेणं तं तिगुणं सविसेसं परिरएणं अद्धकोसं बाहल्लेणं पन्नत्ते ता ताराविमाणे णं केवतियं पुच्छा ता अद्धकोसं आयाम-विक्खंभेणं तं तिगुणं सविसेसं परिररएणं पंच धणुसयाइं बाहल्लेणं पन्नत्ते ता चंदविमाणं कति देवसाहस्सीओ परिवहति ता सोलस वसाहस्सीओ परिवहंति तं जहा- पुरत्थिमेणं सीहरूवधारीणं चत्तारि देवसाहस्सीओ दाहिणेणं गयरूवधारीणं चत्तारि देवसाहस्सीओ पच्चत्थिमेणं वसहरूवधारीणं चत्तारि देवसाहस्सीओ उत्तरेणं तुरगरूवधारीणं चत्तारि देवसाहस्सीओ परिवहंति एवं सूरविमाणंपि ता गहविमाणं अट्ठ देवसाहस्सीओ परिवहंति तं जहा- पुरत्थिमेणं सीहरुवधारीणं देवाणं दो देवसाहस्सीओ परिवहति एवं जाव उत्तरेणं तरगरूवधारीणं ता नक्खत्तविमाणं चत्तारि देवसाहस्सीओ परिवहति तं जहा- परत्थिमेणं सीहरूवधारीणं देवाणं एक्का देवसाहस्सी परिवहति एवं जाव उत्तरेणं तुरगरूवधारीणं देवाणं ता ताराविमाणं दो देवसाहस्सीओ परिवहंति तं जहा- पुरत्थिमेणंसीहरूवधारीणं देवाणं पंच देवसता परिवहंति एवं जाव उत्तरेणं तुरगरूवधारीणं । पाहुडं-१८
[१२४] एतेसि णं चंदिम-सूरिय-गहगण-नक्खत्त-तारारूवाणं कयरे कयरेहिंतो सिग्घगती वा मंदगती वा ता चंदेहितो सूरा सिग्घगती सूरेहिंतो गहा सिग्घगती गहेहिंतो नक्खत्ता सिग्घगती नक्खत्तेहिंतो तारा सिग्घगती सव्वप्पगती चंदा सव्वसिग्घगती तारा ता एतेसि णं चंदिम-सूरिय-गहगणनक्खत्ता-तारारूवाणं कयरे कयरेहितो अप्पिड्ढिया वा महिड्ढिया वा ता ताराहिंतो नक्खत्ता महिड्ढिया नक्खत्तेहिंतो गहा महिड्ढिया गहेहिंतो सूरा महिड्ढिया सूरेहिंतो चंदा महिड्ढिया सव्वप्पिड्ढिया तारा सव्वमहिइढिया चंदा ।
[१२५] ता जंबुद्दीवे णं दीवे तारारूवस्स य तारारुवस्स य एस णं केवतिए अबाधाए अंतरे पन्नत्ते ता दुविहे अंतरे पन्नत्ते तं जहा- वाघातिमे य निव्वाघातिमे य तत्थ णं जेसे वाघातिमे से णं जहण्णेणं दोण्णि छावढे जोयणसते उक्कोसेणं बारस जोयणसहस्साइं दोण्णि बाताले जोयणसते तारारूवस्स य अबाधाए अंतरे पन्नत्ते तत्थ णं जेसे निव्वाघातिमे से णं जहण्णेणं पंच धणुतसताइं उक्कोसेणं अद्धजोयणं तारारूवस्स य तारारूवस्स य अबाधाए अंतरे पन्नत्ते ।
[१२६]ता चंदस्स णं जोतिसिंदस्स जोतिसरण्णो कति अग्गमहिसीओ ता चत्तारि अग्गमहिसीओ पन्नत्ताओ तं जहा- चंदप्पभा दोसिणाभा अच्चिमाली पभंकरा तत्थ णं एगमेगाए देवीए चत्तारि-चत्तारि देवीसाहस्सी परिवारो पन्नत्तो पभू णं ताओ एगमेगा देवी अण्णाइं चत्तारि-चत्तारि
[दीपरत्नसागर संशोधितः]
[53]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |