Page Text
________________
अट्ठारस सूरे अद्धएकोणवीसं चंदे ओएकोणवीसं सूरे अद्धवीसं चंदे वीसं सूरे अद्धएक्कवीसं चंदे एक्कवीसं सूरे अद्धबावीसं चंद बावीसं सूरे अद्धतेवीसं चंदे तेवीसं सूरे अद्धचउवीसं चंदे चउवीसं सूरे अद्धपणवीसं चंदे एगे पुण एवमाहंसु-ता पणवीसं जोयमसहस्साइं सूरे उड्ढं उच्चत्तेणं अद्धछव्वीसं चंदे-वयं पुण एवं वदामो-ता इमीसे रयणप्पभाए पुढवीए बहुसमरमणिज्जाओ भूमिभागओ [सत्तणउते जोयणसते अबाहाए हिढिल्ले तारारूवे चारं चरति अट्ठजोयणसए अबाहाए सूरविमाणे चारं चरति अट्ठअसीते जोयणसते अबाहाए चंदविमाणे चारं चरति नवजोयणसएअबाहए उवरिल्ले तारारूवे चारं चरति ता हेट्ठिलातो णं तारारूवाओ दस जोयणे अबाहाए सूरविमाणे चारं चरति तता णं असीतेजोयणे अबाहाए चंदविमाणे चारं चरति एवं जहेव जीवाभिगमे तहेव नेयव्वं-सव्वब्भंतरिल्लं चारं संठाणं पमाणं वहति सिहगति इढि तारंतरं अग्गमहिसी ठिति अप्पाबयं जाव तारातो संखेज्जगुणातो पा०] सत्तणउतिजोयणसतेउड्ढं उप्पइत्ता हेहिल्ले ताराविमाणे चारं चरति अट्ठजोयणसते उड्ढं उप्पइत्ता सूरविमाणे चारं चरति अट्ठअसीए जोयणसए उड्ढे उप्पइत्ता चंदविमाणे चारं चरति नव जोयणसयाई उड्ढं उप्पइत्ता उवरिल्ले ताराविमाणे चारं चरति हेडिल्लाओ ताराविमाणाओ दसजोयणाई उड्ढे उप्पइत्ता सूरविमाणे चारं चरति नउतिं जोयणाई उड्ढं उप्पइत्ता चंदविमाणे चारं चरति दसोत्तरं जोयणसयं उड्ढं उप्पइत्ता उवरिल्ले तारारूवे चारं चरति ता सूरविमाणाओ असीतिं जोयणाइं उड्ढं उप्पइत्ता चंदविमाणे चारं चरति जोयणसयं उड्ढं उप्पइत्ता उवरिल्ले तारारूवे चारं चरति ता चंदविमाणाओ णं वीसं जोयणाइं उड़ढं उप्पइत्ता उवरिल्ले तारारूवे चारं चरति एवामेव सपुव्वावरेणं दसुत्तरजोयणसयं बाहल्ले तिरियमसंखेज्जे जोतिसविसए जोतिसं चारं चरति आहितेति वदेज्जा ।
[११८]ता अत्थि णं चंदिमसूरियाणं देवाणं हिटुंपि तारारूवा अनुपि तुल्लावि समंपि तार
पाहुडं-१८
रूवा अनुपि तुल्लावि उप्पिंपि तारारूवा अणुंपि तुल्लावि ता अत्थि ता कहं ते चंदिमसूरियाणं देवाणं हिटुंपितारारूवा अणुंपि तुल्लावि समंपि तारारूवा अणुंपि तुल्लावि उप्पिंपि तारारूवा अणुंपि तुल्लावि ता जहा- जहा णं तेसि णं देवाणं तव-नियम-बंभचेराई उस्सियाइं भवंति तहा-तहा णं तेसि देवाणं एवं भवति तं जहा- अनुत्ते वा तुल्लत्ते वा ता एवं खलु चंदिमसूरियाणं देवाणं हिट्ठपि तारारूवा अणुंपि तुल्लावि तहेव।
[११९] ता एगमेगस्स णं चंदस्स देवस्स केवतिया गहा परिवारो पन्नत्तो केवतिया नक्खत्ता परिवारो पन्नत्तो केवतिया तारा परिवारो पन्नत्तो ता एगमगस्स णं चंदस्स देवस्स अट्ठासीति गहा परिवारो पन्नत्तो अट्ठावीसं नक्खत्ता परिवारो पन्नत्तो |
[१२०] छावढिं सहस्साइं नव चेव सताइं पंचसत्तराई ।
एगससी परिवारो तारागणकोडिकोडीण [परिवरो पन्नत्तो] । [१२१]ता मंदरस्स णं पव्वयस्सकेवतियं अबाहए जोतिसेचारं चरति ता एक्कारस एक्कवीसेजोयणसते अंबाहाए जोतिसे चारं चरति ता लोयंताओ णं केवतियं अबाहाए जोतिसे पन्नत्ते ता एक्कारस एक्कारे जोयणसते अबाहाए जोतिसे पन्नत्ते ।
___ [१२२]ता जंबुद्दीवे णं दीवे कतरे नक्खत्ते सव्वब्भंतरिल्लं चार चरति कतरे नक्खत्ते सव्वबाहिरिल्लं चारं चरति कतरे नक्खत्ते सव्वुपरिल्लं चारं चरति कतरे नक्खत्ते सव्वहिडिल्लं चारंचरति
दीपरत्नसागर संशोधितः]
[52]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |