Page Text
________________
o
मुनि दीपरत्नसागरेण संशोधितः सम्पादित्तश्च अट्ठारसमं पाहुडं समत्तं •
[] एगूणवीसइमं पाहुडं
[१२९]ता कति णं चंदिमसूरिया सव्वलोयं ओभासंति उज्जोएंति तवेंति पभासेंति आहितेति वएज्जा तत्थ खलु इमाओ दुवालस पडिवत्तीओ पन्नत्ताओ तत्थेगे एवमाहंसु-ता एगे चंदे एगे सूर सव्वलोयं ओभासति जाव पभासेति - एगे पुण एवमाहंसु-ता तिण्णि चंदा तिण्णि सूरा सव्वलोयं ओभ जाव पभासेंति-एगे पुण एवमाहंसु-ता आहुट्ठि चंदा आहुट्ठि सूरा सव्ववोयं ओभासंति जाव पभासेंति- एगे पुण एवमाहंसु-एतेणं अभिलावेण नेतव्वं सत्तं चंदा सत्त सूरा दस चंदा दस सूरा बारस चंदा बारस सूरा बातालीसं चंदा बातालीसं सूरा बावत्तरिं चंदा बावत्तरिं सूरा बातालीसं चंदसतं बातालीसं सूरसतं बावत्तरं चंदसतं बावत्तरं सूरसतं बातालीसं चंदसहस्सं बातालीसं सूरसहस्सं बावत्तरं चंदसहस्सं बावत्तरं सूरसह सं सव्वलोयं ओभासंति जाव पभासेंति-वयं पुण एवं वदामो-ता अयण्णं जंबुद्दीवे दीवे सव्वदीव सव्वब्भंतराए जाव परिक्खेवेणं पन्नत्ते ता जंबुद्दीवे दीवे दो चंदा पभासेंसु वा पभासेंति वा पभासिस्संति वा दो सूरिया तवइंसु वा तवइंति वा तवइस्संति वा छप्पन्नं नक्खत्ता जोयं जोएंसु वा जोएंति वा जोइस्संति वा छावत्तरिं गहसत्तं चारं चरिंसु वा चरंति वा चरिस्संति वा एगं सयसहस्सं तेत्तीसंच सहस्सा नव यसया पन्नासा तारागणकोडिकोडीणं सोभं सोभेसुं वा सोर्भेति वा सोभिस्संति वा ।
I
[१३०] दो चंदा दो सूरा नक्खत्ता खलु हवंति छप्पण्णा छावत्तरं हसतं जंबुद्दीवे विचारी णं I [१३१] एगं च सयसहस्सं तेत्तीसं खलु भवे सहस्साइं
नव य सया पन्नासा तारागणकोडिकोडीणं ।
[१३२]ता जंबुद्दीवं णं दीवं लवणे नामं समुद्दे वट्टे वलयागारसंठाणसंठिते सव्वतोसमंता संपरिक्खित्ताणं चिट्ठति ता लवणे णं समुद्दे किं समचक्कवालसंठिते विसमचक्कवालसंठिते ता लवणसमुद्दे समचक्कवालसंठिते नो विसमचक्कवालसंठिते ता लवणसमुद्दे केवतियं चक्कवालविक्खंभेणं केवतियं पाहुडं-१९
परिक्खेवेणं आहितेति वदेज्जा ता दो जोयणसतसहस्साइं चक्कवालविक्खंभेणं पन्नरसजोयणसयसहस्साइं एक्कासीइं च सहस्साइं सतं च ऊतालं किंचिविसेसूणं परिक्खेवेणं आहितेति वदेज्जा ता लवणसमुद्दे केवतिया चंदा पभासेंसु वा एवं पुच्छा जाव केवतियाओ तारागणकोडिकोडीओ सोभिंसु वा सोर्भेति वा सोभिस्संति वा ता लवणे णं समुद्दे चत्तारि चंदा पभासेंसु वा पभासेंति वा पभासिस्संति वा चत्तार सूरिया तवइंसु वा तवइंति वा तवइस्संति वा बारस नक्खत्तसतं जोयं जोएंसु वा जोएंति वा जोइस्संति वा तिण्णि बावण्णा महग्गहसता चारं चरिसुं वा चरंति वा चरिस्संति वा दो सतसहस्सा सतट्ठि च सहसा नव य सता तारागणकोडिकोडीणं सोभं सोभिंसु वा सोर्भेति वा सोभिस्संति वा ।
[१३३] पन्नरस सतसहस्सा एक्कासीतं सतं च ऊतालं । किंचिविसेसेणूणो लवणो-दधिणो परिक्खेवो I
[१३४] चत्तारि चेव चंदा चत्तारि य सूरिया लवणतोए । बारस नक्खत्तसयं गहाण तिण्णेव बावण्णा । [१३५] दो चेव सतसहस्सा सत्तट्ठि खलु भवे सहस्साइं ।
[55]
[दीपरत्नसागर संशोधितः]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |