Page Text
________________
तीसइमुहुत्ता पन्नत्ता अत्थि नक्खत्ता नत्तंभागा अवड्ढक्खेत्ता पन्नरसमुहुत्ता पन्नत्ता अत्थि नक्खता उभयंभागा दिवड्ढखेत्ता पणयालीसइमुहुत्ता पन्नत्ता ता एतेसि णं अट्ठावीसाए नक्खत्ताणं कयरे नक्खा पुव्वंभागा समक्खेत्ता तीसइमहुत्ता पन्नत्ता कयरे नक्खत्ता पच्छंभागा समक्खेत्ता तीसउमुहुत्ता पन्नत्ता कयरे नक्खत्ता नत्तंभागा अवड्ढक्खेत्ता पन्नरसमुहुत्ता पन्नत्ता कयरे नक्खत्ता उभयंभागा दिवड्ढक्खेत्ता पणायलीसइमुहुत्ता पन्नत्ता ताएतेसि णं अट्ठावीसाए नक्खत्ताणं तत्थ पुव्वंभागा समक्खेत्ता तीसइमुहुत्ता पन्नत्ता ते णं छ तं जहा- पुव्वापोट्ठवया कत्तिया महा पुव्वाफग्गुणी मूलो पुव्वासाढा तत्थ जेते नक्खत्ता पच्छंभागा समक्खेत्ता तीसइमुहुत्ता पन्नत्ता ते णं दस तं जहा- अभिई सवणो धणिट्ठा रेवती अस्सिणी मिगसिर पूसो हत्थो चित्ता अनुराहा तत्थ जेते नक्खत्ता नत्तंभागा अवड्ढक्खेत्ता पन्नरसमुहुत्ता पन्नत्ता ते णं छ तं जहा- संतभिसया भरणी अद्या अस्सेसा साती जेट्ठा तत्थ जेते नक्खत्ता उभयंभागा दिवड्ढक्खेत्ता पणयालीसइ-मुहुत्ता पन्नत्ता ते णं छतं जहाउत्तराभद्दवया रोहिणी पुनव्वसू उत्तराफग्गुणी विसाहा उत्तरासाढा ।
• दसमे पाहुडे तच्चं पाहुडपाहुडं समत्तं •
[] चउत्थं पाहुडपाहुडं []
[४६] ता कहं ते जोगस्स आदी आहितेति वदेज्जा ता अभीई-सवणा खलु दुवे नक्खत्ता पच्छंभागा समक्खेत्ता सातिरेगऊतालीसइमुहुत्ता तप्पढमयाए सायं चंदेणं सद्धिं जोयं जोएंति ततो पच्छा नवरं सातिरेगं दिवसं-एवं खलु अभीई-सवणा दुवे नक्खत्ता एगं रातिं एगं च सातिरेगं दिवसं चंदेणं सद्धिं जोयं जोएंति जोएत्ता जोयं अनुपरियट्टंति अनुपरियट्टित्ता सायं चंदं धणिट्ठाणं समप्पेंति ता धणिट्ठा खलु नक्खत्ते पच्छंभागे समक्खेत्ते तीसइमुहुत्ते तप्पढमयाए सायं चंदेण सद्धिं जोयं जोएति जोएत्ता तो पच्छा रातिं अवरं च दिवस एवं खलु धणिट्ठा नक्खत्ते एगं रातिं एगं च दिवसं चंदेण सद्धिं जोयं जोएति जोएत्ता जोयं अनुपरियदृति अनुपरियट्टित्ता सायं चंदं सतभिसयाणं समप्पेति ता सतभिसया खलु नक्खत्ते नत्तंभागे अवड्ढक्खेत्ते पन्नरसमुहुत्ते तप्पढमयाए सायं चंदेणं सद्धिं जोयं जोएति नो भ अवरं दिवसं-एवं खलु सतभिसया नक्खत्ते एगं रातिं चंदेणं सद्धिं जोयं जोएति जोएत्ता जोयं अनुपरियदृति अनुपरियट्टित्ता पातो चंदं पुव्वाणं पोट्ठवयाणं सप्पेति ता पुव्वापोट्ठवया खलु नक्खत्ते पुव्वंभागे समक्खेत्ते तीसइमुहुत्ते तप्पढमयाए पातो चंदेणं सद्धिं जोयं जोएति तओ पच्छा अवरं रातिं एवं खलु पुव्वापोट्ठवया
नक्ख
एगं
पाहुडं-१०, पाहुडपाहुडं-४
दिवसं एगं च रातिं चंदेणं सद्धिं जोयं जोएति जोएत्ता जोयं अनुपरियट्टति अनुपरियट्टित्ता पातो चंदं उत्तराणं पोट्ठवयाणं समप्पेति ता उत्तरापोट्ठवया खलु नक्खत्ते उभयंभागे दिवड्ढक्खेत्ते पणयालीसइमुहुत्ते तप्पढमयाए पातो चंदेण सद्धिं जोयं जोएति अवरं च रातिं ततो पच्छा अवरं दिवसं - एवं खलु उत्तरापोट्ठवया नक्खत्ते दो दिवसे एगं च रातिं चंदेणं सद्धिं जोयं जोएति जोएत्ता जोयं अनुपरियदृति अनुपरियट्टित्ता सायं चंदं रेवतीणं समप्पेति ता रेवती खलु नक्खत्ते पच्छंभागे समक्खेत्ते तीसइमुहुत्ते तप्पढमयाए सायं चंदेण सद्धिं जोयं जोएति ततो पच्छा अरं दिवसं - एवं खलु रेवती नक्खत्ते एवं रातिं गं च दिवसं चंदेणं सद्धिं जोयं जोएति जोएत्ता जोयं अनुपरियदृति अनुपरियट्टिता सायं चंदं अस्सी समप्पेति ता अस्सिणी खलु नक्खत्ते पच्छंभागं समक्खेत्ते तीसइमुहुत्ते तप्पढमयाए सायं चंदेण सद्धिं [दीपरत्नसागर संशोधितः ]
[26]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |