Page Text
________________
[४३] ता कहं ते महत्तग्गे आहितेति वदेज्जा ता एतेसि णं अट्ठावीसाए नक्खत्ताणं अत्थि नक्खत्ते जे णं नव मुहत्ते सत्तावीसं च सत्तट्ठिभागे मुहत्तस्स चंदेण सद्धिं जोयं जोएति अत्थि नक्खत्ता जे णं पन्नरस मुहुत्ते चंदेण सद्धिं जोयं जोएंति अत्थि नक्खत्ता जे णं तीसं मुहुत्ते चंदेणं सद्धिं जोयं जोएंति अत्थि नक्खत्ता जे णं पणयालीसे मुहुत्ते चंदेण सद्धिं जोयं जोएंति ता एतेसि णं अट्ठावीसाए नक्खत्ताणं कयरे नक्खत्ते जे णं नवमुहुत्ते सत्तावीसं च सत्तद्विभाए मुहुत्तस्स चंदेणं सद्धिं जोयं जोएति कयरे नक्खत्ता जे णं पन्नरसमुहत्ते चंदेणं सद्धिं जोयं जोएंति कयरे नक्खत्ता जे णं तीसं मुहत्ते चंदेणं सद्धिं जोयं जोएंति कयरे नक्खत्ता जे णं पणयालीसं महत्ते चंदेण सद्धिं जोयं जोएंति ता एतेसि णं अट्ठावीसाए नक्खत्ताणंतत्थ जेसे नक्खत्ते जे णं नव मुहुत्ते सत्तावीसं च सत्तट्ठिभागे मुहत्तस्स चंदेणं सद्धिं जोयं जोएति से णं एगे अभीई तत्थ जेते नक्खत्ता जे णं पन्नरसमुहुत्ते चंदेणं सद्धिं जोयं जोएंति ते णं छ तं जहा- सतभिसया भरणी अद्दा अस्सेसा साती जेट्ठा तत्थ जेते नक्खत्ता जे णं तीसं मुहत्तं चंदेणं सद्धिं जोयं जोएंति ते णं पन्नरस तं जहा- सवणे धणिट्ठा पुव्वाभद्दवया रेवती अस्सिणी कत्तिया मिगसिरं पुस्सो महा पुव्वाफग्गुणी हत्थो चित्ता अनुराहा मूलो पुव्वासाढा तत्थ जेते नक्खत्ता जे णं पणयालीसं मुहुत्ते चंदेणं सद्धिं जोयं जोएंति ते णं छ तंजहा-उत्तराभद्दपदा रोहिणी पुनव्वसू उत्तराफग्गुणी विसाहा उत्तरासाढा |
[४४] ता एतेसि णं अट्ठावीसाए नक्खत्ताणं अत्थि नक्खत्ते जे णं चत्तारि अहोरत्ते छच्च मुहुत्ते सूरेणंसद्धिंजोयं जोएति अत्थि नक्खत्ताजेणंछ अहोरत्ते एक्कवीसं च मुहुत्ते सूरेणं सद्धिं जोयं जोएंति अत्थि नक्खत्ता जे णं तेरस अहोरत्ते दुवालस य मुहत्ते सूरेणं सद्धिं जोयं जोएंति अत्थिनक्खत्ता जे णं वीसं अहोरत्ते तिण्णि य मुहुत्ते सूरेण सद्धिं ता एतेसि णं अट्ठावीसाए नक्खत्ताणं कयरे नक्खत्ते जे णं चत्तारि अहोरत्ते छच्च मुहुत्ते सूरेणं सद्धिं जोयं जोएति कयरे नक्खत्ता जे णं छ अहोरत्ते एक्कवीसं मुहुत्ते सूरेणं सद्धिं जोयं जोएंति कयरे नक्खत्ता जे णं तेरस अहोरत्ते बारस मुहुत्ते सूरेणं सद्धिं जोयं जोएंति कयरे नक्खत्ता जे णं वीसं अहोरत्ते तिण्णि य मुहुत्ते सूरेण सद्धिं जोयं जोएंति ता एतेसि णं अट्ठावीसाए नक्खत्ताणं तत्थ जेसे नक्खत्ते जे णं चत्तारि अहोरत्ते छच्च मुहुत्ते सूरेणं सद्धिं जोयं जोएति से णं एगे अभीई
जेते पाहुडं-१०, पाहुडपाहुडं-२
तत्थ
नक्खत्ता जे णं छ अहोरत्ते एक्कवीसं च मुहुत्ते सूरेणं सद्धिं जोयं जोएंति ते णं छ, सतभिसया भरणी अद्दा अस्सेसा साती जट्ठा तत्थ जेते नक्खत्ता जे णं तेरस अहोरत्ते दुवालस य मुहुत्ते सूरेणं सद्धिं जोयं जोएंति ते णं पन्नरस सवणो धणिट्ठा पुव्वाभद्दवया रेवती अस्सिणी कत्तिया मिगसिरं पूसो महा पुव्वाफग्गुणी हत्थो चित्ता अनुराहा मूलो पुव्वासाढा तत्थ जेतेनक्खत्ता जे णं वीसं अहोरत्ते तिण्णि य मुहुत्ते सूरेणं सद्धिं जोयं जोएंति ते णं छ, उतराभद्दवया रोहिणी पुणव्वसू उत्तराफग्गुणी विसाहा उत्तरासाढा ।
० दसमे पाहुड़े बीयं पाहुडपाहुडं समत्तं .
। तच्चं पाहुडपाहुडं । [४५] ता कहं ते एवंभागा आहिताति वदेज्जा ता एतेसि णं अट्ठावीसाए नक्खत्ताणं अत्थि नक्खत्ता पुव्वंभागा समक्खेत्ता तीसइमुहुत्ता पन्नत्ता अत्थि नक्खत्ता पच्छंभागा समक्खेत्ता [दीपरत्नसागर संशोधितः]
[25]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |