Page Text
________________
जोयं जोएति ततो पच्छा अवरं दिवसं एवं खलु अस्सिणी नक्खत्ते एगं राति एगं च दिवसं चंदेणं सद्धिं जोय जोएति जोएत्ता जोयं अनुपरियट्टति अनुपरियट्टित्ता सायं चंदं भरमीणं समप्पेति ता भरणी खलु नक्खत्ते नत्तंभागे अवड्ढक्खेत्ते पन्नरसमुहुत्ते तप्पढमयाए सायं चंदेण सद्धिं जोयं जोएति नो लभति अवरं दिवसं-एवं खलु भरणी नक्खत्ते एगं रातिं चंदेण सद्धिं जोयं जोएति जोएत्ता जोयं अनुपरियट्टति अनुपरियट्टित्ता पातो चंदं कत्तियाणं समप्पेति ता कत्तिया खलु नक्खत्ते पुव्वंभागे समक्खेत्ते तीसइमहत्ते तप्पढमयाए पातो चंदेण सद्धिं जोयं जोएति ततो पच्छा रातिं-एवं खल कत्तिया नक्खत्ते एगं दिवसं एगं च रातिं चंदेण सद्धिं जोयं जोएति जोएत्ता जोयं अनुपरियट्टति अनुपरियट्टित्ता पातो चंदं रोहिणीणं समप्पेति रोहिणी जहा उत्तरभद्दवया मिगसिरं जहा धणिट्ठा अद्दा जहा सतभिसया पुणव्वसू जहा उत्तरभद्दवया मिगसिरं जहा धणिट्ठा अद्दा जहा सतभिसया पुणव्वसू जहा उत्तरभद्दवया पुस्सो जहा धणिट्ठा अस्सेसा जहा सतभिसया मधा जहा पुव्वाफग्गुणी पुव्वाफग्गुणी जहा पुव्वाभद्दवया उत्तराफग्गुणी जहा उत्तरभद्दवया हत्थो चित्ता य जहा धणिट्ठा साती जहा सतभिसया विसाहा जहा उत्तरभद्दवया अनुराहा जहा धणिट्ठा जेट्ठा जहा सतिभिसया मूलो पुव्वासाढा य जहा पुव्वभद्दवया उत्तरासाढा जहा उत्तरभद्दवया ।
० दसमे पाहुड़े चउत्थं पाहुडपाहुडं समत्तं .
। पंचमं पाहुडपाहुडं ।। [४७] ता कहं ते कुला आहिताति वदेज्जा तत्थ खलु इमे बारस कुला बारस उवकुला चत्तारि कुलोवकुला पन्नत्ता बारस कुला तं जहा- धणिट्ठाकुलं उत्तराभद्दवया कुल अस्सिणी कुलं कत्तिया कुलं संठाणा कुलं पुस्सो कुलं महा कुलं उत्तराफग्गुणी कुलं चित्ता कुलं विसाहा कुलं मूलो कुलं उत्तरासाढा कुलं बारस उवकुला तं जहा- सवणो उवकुलं पुव्वभद्दवया उवकुलं रेवती उवकुलं भरणी उवकुल रोहिणी उवकुलं पुन्नवसू उवकुलं अस्सेसा उवकुलं पुव्वाफग्गुणी उवकुलं हत्थो उवकुलं साती उवकुलं जेटअठा उवकुलं पुव्वासाढा उवकुलं चत्तारि कुलोवकुला तं जहा- अभीई कुलोवकुलं सतभिसया कुलोवकुलं अदा कुलोवकुलं अनुराहा कुलोवकुलं ।।
० दसमे पाहुडे पंचमं पाहुडपाहुडं समत्तं ?
छई पाहुडपाहुडं । [४८] ता कहं ते पुण्णिमासिणी आहितेति वदेज्जा तत्थ खलु इमाओ बारस पुण्णिमासिणीओ बारस अमावासाओ साविट्ठी पोढवली आसोई कत्तिया मग्गसिरी पोसी माही फग्गुणी पाहुडं-१०, पाहुडपाहुडं-६
चेत्त वइसाही जेट्ठामूली आसाढी ता साविद्विणं पुण्णिमासिं कति नक्खत्ता जोएंति ता तिण्णि नक्खत्ता जोएंति तं जहा-अभिई सवणो धणिट्ठा ता पोह्रवतिण्णं पुण्णिमं तिण्णि नक्खत्ता जोएंति सत्तभिसय पुव्वा पोट्ठवया उत्तरा पोढवया ता आसोइण्णं पुण्णिमं दोण्णि नक्खत्ता जोएंति रेवती अस्सिणी य ता कत्तियण्णं पण्णिमं दोण्णि नक्खत्ता जोएंति तं जहा- भरणी कत्तिया य ता मग्गसिरण्णं पण्णिमं दोण्णि नक्खत्ता जोएंति तं जहा- रोहिणी मिगसिरो य ता पोसिण्णं पण्णिमं तिण्णि नक्खत्ता जोएंति तं जहा- अद्दा पुण्णवसू पुरस्सो ता माहिण्णं पुण्णिमं दोण्णि नक्खत्ता जोएंति तं जहा- अस्सेसा महा य ता फगुणिण्णं पुण्णिमं दुण्णि नक्खत्ता जोएंति तं जहा- पुव्वाफग्गुणी उत्तराफग्गुणी य ता चेत्तिण्णं पुण्णिमं दोण्णि नक्खत्ता जोएंति तं जहा- हत्थो चित्ता य ता वइसाहिण्णं पुण्णिमं दोण्णि नक्खत्ता [दीपरत्नसागर संशोधितः]
[27]
[१६-सूरपन्नत्ति]
| SR No. | 003731 |
| Book Title | Agam 16 Surpannatti Pancham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 66 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |