Page Text
________________
नवमं जोणी पयं
[३५६] कतिविहा णं भंते जोणी पन्नत्ता गोयमा तिविहा जोणी पन्नत्ता तं जहासीताजोणी उसिणाजोणी सीतोसिणाजोणी ।
[३५७] नेरइयाणं भंते किं सीताजोणी उसिणाजोणी सोतोसिणाजोणी गोयमा सीता वि जोणी उसिणा वि जोणी नो सीतोसिणा जोणी, असुरकुमाराणं पुच्छा गोयमा नो सीता नो उसिणा सीतोसणा जोणी एवं जाव थणियकुमाराणं पुढविकाइयाणं पुच्छा गोयमा सीता वि जोणी उसिणा वि जोणी सीतोसिणा वि जोणी, एवं आउ वाउ वणस्सति- बेइंदिय-तेइंदिय - चउरिंदियाण वि पत्तेयं भाणियव्वं, तेउक्काइयाणं नो सीता उसिणा नो सीतोसिणा, पंचेंदियतिरिक्खजोणियाणं पुच्छा गोयमा सीता वि जोणी उसणा वि जोणी सीतोसिणा वि जोणी, सम्मुच्छिमपंचेंदियतिरिक्खजोणियाणं एवं चेव, गब्भवक्कंतियपंचेंदियतिरिक्खजोणियाणं पुच्छा गोयमा नो सीता जोणी नो उसिणा जोणी सीतोसिणा जोणी, मणुस्साणं पुच्छा गोयमा सीता वि जोणी उसिणा वि जोणी सीतोसिणा वि जोणी, सम्मुच्छिममणुस्साणं पुच्छा गोयमा तिविहा वि जोणी, गब्भवक्कंतियमणुस्साणं पुच्छा गोयमा नो सीताजोणी नो उसिणा सीतोसिणाजोणी, वाणमंतरदेवाणं पुच्छा गोयमा नो सीता नो उसिणा सीतोसिणा नो उसिणा सीतोसिणाजोणी, वाणमंतरदेवाणं पुच्छा गोयमा नो सीता नो उसिणा सीतोसिणा जोणी, जोइसिय-वेमाणियाण वि एवं चेव, एतेसि णं भंते जीवाणं सीतजोणियाणं उसिणजोणियाणं अजोणियाणं यकतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा जीवा सीतोसिणजोणिया, उसिणजोणिया असंखेज्जगुणा अजोणियअनंतगुणा सीतजोणिया अनंतगुणा ।
[३५८] कतिविहा णं भंते जोणी पन्नत्ता गोयमा तिविहा जोणी पन्नत्ता तं जहा- सचित्ता अचित्ता मीसिया नेरइयाणं भंते किं सचित्ता जोणी अचित्ता जोणी मीसिया जोणी गोयमा नो सचित्ता जोणि अचित्ताजोणी नो मीसियाजोणी, असुरकुमाराणं पुच्छा गोयमा नो सचित्ताजोणी अचित्ताजोणी नो मीसियाजोणी एवं जाव थणियकुमाराणं, पुढविकाइयाणं पुच्छा गोयमा सचित्ता वि जोणी अचित्ता वि जोणी सिया वि जोणी एवं जाव चरिंदियाणं
सम्मुच्छिमपंचेंदियतिरिक्खजोणियाणं
सम्मुच्छिममणुस्साण य
पय-९
एवं चेव, गब्भवक्कंतियपंचेंदियतिरिक्खजोणियाणं गब्भव-क्कंतियमणुस्साण य नो सचित्ता नो अचित्ता मीसियाजोणी, वाणमंतर - जोइसिय-वेमाणियाणं जहा - असुरकुमाराणं एतेसि णं भंते जीवाणं सचित्तजोणीणं अचित्तजोणीणं मीसजोणीणं अजोणीण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा जीवा मीसजोणया, अचित्तजोणियाअसंखेज्जगुणा अजोणियाअनंतगुणा सचित्तजोणियाअनंतगुणा ।
[३५९] कतिविहा णं भंते जोणी पन्नत्ता गोयमा तिविहा जोणी पन्नत्ता तं जहासंवुडाजोणी वियडाजोणी संवुडवियडाजोणी, नेरइयाणं भंते किं संवुडाजोणी वियडाजोणी संवुडवियडाजोणी गोयमा संवुडा जोणी नो विडया जोणी नो संवुडवियडा जोणी एवं जाव वणस्सइकाइयाणं, बेइंदियाणं पुच्छा गोयमा नो संवुडो वियडाजोणी नो संवुडवियडाजोणी एवं जाव चाउरिंदियाणं
[दीपरत्नसागर संशोधितः]
[92]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |