Page Text
________________
विजय-वेजयंत-जयंत-अपराजितविमाणेसु णं भंते देवा केवतिकालस्स जाव नीससंति वा गोयमा जहण्णेणं एक्कतीसाएपक्खाणं उक्कोसेणं तेत्तीसाएपक्खाणं० सव्वदसिद्धगदेवा णं भंते केवतिकालस्स जाव नीससंति वा गोयमा अजहण्णमणुक्कोसेणं तेत्तीसाएपक्खाणं । मुनि दीपरत्नसागरेण संसोधितः संपादितश्च सत्तमं पयं समत्तं
॥ अहमं सण्णापयं । [३५४] कति णं भंते सण्णाओ गोयमा दस सण्णाओ पन्नत्ताओ तं जहा- आहारसण्णा भयसण्णा परिग्गहसण्णा कोहसण्णा मानसण्णा मायासण्णा लोभसण्णा लोगसण्णा ओघसण्णा, नेरइयाणं भंते कति सण्णाओ गोयमा दस सण्णाओ पन्नत्ताओ तं जहा- आहारसण्णा जाव ओघसण्णा असुरकुमाराणं भंते कति सण्णाओ गोयमा दस सण्णाओ पन्नत्ताओ तं जहा- आहारसण्णा जाव ओघसण्णा एवं जाव थणियकुमाराणं एवं पुढविकाइयाणं वेमाणियावसाणाणं नेतव्वं ।।
[३५५] नेरइया णं भंते किं आहारसण्णोवउत्ता भयसण्णोवउत्ता मेहुणसण्णोवउत्ता परिग्गहसण्णवउत्ता गोयमा ओसण्णकारणं पडुच्च भयसण्णोवउत्ता संतइभावं पडुच्च आहारसण्णोवउत्ता वि जाव परिग्गहसण्णोवउत्ता वि, एतेसि णं भंते नेरइयाणं आहारसण्णोवउत्ताणं जाव परिग्गहसण्णोवउत्ताण य कतरेकतरेहिंतो अप्पा वा बहया वा तुल्ला वा विसेसाहिया वा
गोयमा सव्वत्थोवानेरइया, मेहुणसण्णोवउत्ता आहारसण्णोवउत्ता संखेज्जगुणा परिग्गहसण्णोवउत्ता संखेज्जगुणा भयसण्णोवउत्ता संखेज्जगुणा, तिरिक्खजोणिया णं पुच्छा गोयमा ओसण्णकारणं पडुच्च आहारसण्णोवउत्ता संतइभावं पडुच्च आहारसण्णोवउत्ता वि जाव परिग्गहसण्णोवउत्ता वि एतेसि णं भंते तिरिक्खजोणियाणं आहारसण्णोवउत्ताणं जाव परिग्गहसण्णोवउत्ताण य कतरे कतरेहिंतो अप्पा वा जाव विसेसाहिया वा गोयमा सव्वत्थोवा तिरिक्खजोणिया, परिग्गहसण्णोवउत्ता मेहुणसण्णोवउत्ता संखेज्जगुणा भयसण्णोवउत्ता संखेज्ज-गुणा आहार- सण्णोवुत्ता संखेज्जगुणा, पय-८
मणुस्सा णं पुच्छा गोयमा ओसण्णकारणं पडुच्च मेहणसण्णोवउत्ता संततिभावं पडुच्च आहार सण्णोवउत्ता वि जाव परिग्गहसण्णोवउत्ता वि एतेसि णं भंते मणुस्साणं आहारसण्णोवउत्ताणं जाव परिग्गह सण्णोवउत्ताणं य कतरे कतरेहिंतो अप्पा वा जाव विसेसाहिया वा? गोयमा! सव्वत्थोवा मणुस्सा, भय- सण्णोवउत्ता आहारसण्णोवउत्ता संखेज्जगणा परिग्गहसण्णोवउत्ता संखेज्जगणा मेहणसण्णोउत्ता संखेज्जगुणा
देवा णं पुच्छा गोयमा ओसण्णकारणं पडुच्च परिग्गहसण्णोवउत्ता संततिभावं पडुच्च आहार सण्णोवउत्ता वि जाव परिग्गहसण्णोवउत्ता वि एतेसि णं भंते देवाणं आहारसण्णोवउत्ताणं जाव परिग्गह सण्णोवउत्ताण य कतरे कतरेहिंतो अप्पा व जाव विसेसाहिया वा
गोयमा सव्वत्थोवा देवा आहारसण्णोवउत्ता, भयसण्णोवउत्ता संखेज्जगुणा मेहुणसण्णोवउत्ता संखेजज्गुणा परिग्गहसण्णोवउत्ता संखेज्जगुणा ।
मुनि दीपरत्नसागरेण संसोधितः संपादितश्च अट्ठमं पयं समत्तं
दीपरत्नसागर संशोधितः]
[91]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |