Page Text
________________
केवतिकालस्स आणमंति वा जाव नीससंति वा गोयमा जहण्णेणं मुहत्तपुहत्तस्स उक्कोसेण वि मुहुत्तपुहत्तस्स० ।
वेमाणिया णं भंते केवतिकालस्स आणमंति वा जाव नीससंति वा गोयमा जहन्नेणं मुहुत्तपुहत्तस्स उक्कोसेणं तेत्तीसाएपक्खाणं० सोहम्मगदेवा णं भंते केवतिकालस्स आणमंति वाजाव नीससंति वा गोयमा जहण्णेणं मुहत्तपुहत्तस्स उक्कोसेणं दोण्हं पक्खाणं० ईसाणगदेवा णं भंते केवइकालस्स आणमंति वा जाव नीससंति वा गोयमा जहण्णेणं सातिरगेस्स मुहत्तपुहत्तस्स उक्कोसेणं सातिरेगाणं दोण्हंपक्खाणं० सणंकुमारदेवा णं भंते केवतिकालस्स आणमंति वा जाव नीससंति वा गोयमा जहण्णेणं दोण्हं पक्खाणं उक्कोसेणं सत्तण्हं पक्खाणं० माहिंदगदेवा णं भंते केवतिकालस्स आणमंति वा जाव नीससंति वा गोयमा जहण्णेणं सातिरेगाणं दोण्हंपक्खाणं० उक्कोसेण सातिरेगाणं सत्तण्हंपक्खाणं० बंभलोगदेवा णं भंते केवतिकालस्स आणमंति वा जाव नीससंति वा गोयमा जहण्णेणं सत्तण्हं पक्खाणं० उक्कोसेणं दसण्हंपक्खाणं० लंतगदेवा णं भंते केवतिकालस्स आणमंति वा जाव नीससंति वा गोयमा जहण्णेणं दसण्हं पक्खाणं० उक्कोसेणं चोद्दसण्हपक्खाणं० महासुक्कदेवा णं भंते केवतिकालस्स आणमंति वाजाव नीससंति वा गोयमा जहण्णेणं चोद्दसण्हपक्खाणं० उक्कोसेणं सत्तरसण्हपक्खाणं० सहस्सारगदेवा णं भंते केवतिकालस्स आणमंति वा जाव नीससंति वा गोयमा जहण्णेणं सत्तरसण्हं पक्खाणं० वा उक्कोसेणं अट्ठारसण्हंपक्खाणं० आणयदेवा णं भंते केवतिकालस्स जाव नीससंति वा गोयमा जहण्णेणं अट्ठारसण्हपक्खाणं उक्कोसेणं एगुणवीसाए पक्खाणं० पाणयदेवा णं भंते केवतिकालस्स जाव नीससंति वा गोयमा जहण्णेणं एगूणवीसाएपक्खाणं० उक्कोसेणं वीसाएपक्खाणं० आरणदेवा णं भंते केवतिकालस्स जाव नीससंति वा गोयमा जहण्णेणं वीसाएपक्खाणं उक्कोसेणं एगवीसाएपक्खाणं० अच्चुयदेवा णं भंते केवतिकालस्स जाव नीससंति वा गोयमा जहण्णेणं एक्कवीसाएपक्खाणं उक्कोसेणं बावीसाएपक्खाणं० ।
पय-७
हेट्ठिमहेट्ठिमगेवेज्जगा देवा णं भंते केवतिकालस्स जाव नीससंति वा गोयमा जहण्णेणं बावीसाएपक्खाणं उक्कोसेणं तेवीसाएपक्खाणं० हेद्विममज्झिमगेवेज्जगा देवा णं भंते केवतिकालस्स जाव नीससंति वा गोयमा जहण्णेणं तेवीसाए पक्खाणं उक्कोसेणं चउवीसाएपक्खाणं० हेद्विमउवरिमगेवेज्जगा देवा णं भंते केवतिकालस्स जाव नीससंति वा गोयमा जहण्णेणं चउवीसाएपक्खाणं उक्कोसेणं पणवीसाएपक्खाणं मज्झिमहेट्ठिमगेवेज्जगा देवा णं भंते केवतिकालस्स जाव नीससंति वा?
गोयमा! जहण्णेणं पणुवीसाएपक्खाणं उक्कोसेणं छव्वीसाएपक्खाणं मज्झिम-मज्झिम गेवेज्जगा देवा णं भंते केवतिकालस्स जाव नीससंति वा गोयमा जहण्णेणं छव्वीसाएपक्खाण उक्कोसेणं सत्तावीसाए पक्खाणं मज्झिमउवरिमगेवेज्जगा देवा णं भंते केवतिकालस्स जाव नीससंति वा गोयमा जहण्णेणं सत्तावीसाएपक्खाणं उक्कोसेणं अद्वावीसाएपक्खाणं उवरिमहेद्विमगेवेज्जगा देवा णं भंते केवतिकालस्स जाव नीससंति वा गोयमा जहन्नेणं अट्ठावीसाएपक्खाणं उक्कोसेणं एगूणतीसाएपक्खाणं उवरिममज्झिमगेवेज्जगा देवा णं भंते केवतिकालस्स जाव नीससंति वा गोयमा जहन्नेणं एगणतीसाएपक्खाणं उक्कोसेणं तीसाएपक्खाणं० उवरिमउवरिमगेवेज्जगा देवा णं भंते केवतिकालस्स जाव नीससंति वा गोयमा जहन्नेणं तीसाएपक्खाणं उक्कोसेणं एक्कतीसाएपक्खाणं०
दीपरत्नसागर संशोधितः]
[90]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |