Page Text
________________
तिभागतिभाग-तिभागावसेसाउया परभवियाउयं पकरेंति आउ-तेउ-वाउ-वणस्सकाइयाणं बेइंदिय-तेइंदियचरिंदियाणं वि एवं चेव, पंचेंदियतिरिक्खजोणिया णं भंते पुच्छा गोयमा पंचेंदियतिरिक्खजोणिया दुविहा पन्नत्ता तं जहा- संखेज्जवासाउया य असंखेज्जवासाउया य तत्थ णं जेते असंखेज्जवासाउया ते नियमा छम्मासावसेसाउया परभवियाउयं पकरेंति तत्थ णं जेते संखेज्जवासाउया ते दुविहा पन्नत्ता तं जहासोवक्कमाउया य निरुवक्क-माउया य तत्थ णं जेते निरुवक्कमाउया ते नियमा तिभागावसेसाउया परभवियाउयं पकरेंति तत्थ णं जेते सोवक्कमाउया ते णं सिय तिभागे परभवियाउयं पकरेंति सिय तिभागतिभागे य परमभवियाउयं पकरेंति सिय तिभागतिभागतिभागावसेसाउया परभवियाउं पकरेंति एवं मणुस्सावि वाणमंतर-जोइसिय-वेमाणिया जहा- नेरइया ।
। अहमं आगरिस दारं । [३५२] कतिविधे णं भंते आउयबंधे पन्नत्ते गोयमा छव्विधे आउयबंधे पन्नत्ते तं जहाजातिनामनिहत्ताउए गइनामनिहत्ताउए ठितीनामनिहत्ताउए ओगाहणानामनिहत्ताउए पदेसनामनिहत्ताउए अनुभावनामनिहत्ताउए, नेरइयाणं भंते कतिविहे आउयबंधे पन्नत्ते गोयमा छव्विहे आउयबंधे पन्नत्ते तं जहा- जातिनामनिहत्ताउए जाव अनुभावनामनिहत्ताउए एवं जाव वेमाणियाणं, जीवा णं भंते जातिनामनिहत्ताउयं कतिहिं आगरिसेहिं पकरेंति गोयमा जहण्णेणं एक्केणं वा दोहिं वा तीहिं वा उक्कोसेणं अट्ठहिं, नेरइया णं भंते जाइनामनिहत्ताउयं कतिहिं आगरिसेहिं पकरेंति गोयमा जहन्नेणं एक्केण वा दोहिं वा तीहं वा उक्कोसेणं अट्ठहिं एवं जाव वेमाणिया एवं गतिनामनिहत्ताउए वि ठितीनामनिहत्ताउए वि ओगाहणानामनिहत्ताउए वि पदेसनामनिहत्ताउए वि अनभावणामनिहत्ताउए वि एतेसि णं भंते जीवाणं जातिनामनिहत्ताउयं जहण्णेणं वा दोहिं वा तीहिं वा उक्कोसेणं अहिं आगरिसेहिं पकरेमाणाणं
कतरे पय-६
कतरेहिंतो अप्पा वा बह्या वा तुल्ला वा विसेसाहिया वा गोयमा सव्वत्थोवा जीवा जातिणामणिहत्ताउयं अट्ठहिं आगरिसेहिं पकरेमामा सत्तहिं आगरिसेहिं पकरेमाणा संखेज्जगुणा छहिं आगरिसेहिं पकरेमाणा संखेज्जगुणा एवं पंचहिं संखेज्जगुणा चउहिं संखेज्जगुणा तिहिं संखेज्जगुणा दोहिं संखेज्जगुणा एगेणं आगरिसेणं पगरेमाणा संखेज्जगुणा एवं एतेणं अभिलावेणं जाव अनुभावनिहत्ताउयं एवं एते छप्पि य | जीवादीया भाणियव्वा ।
. १-८ दाराणि समत्तानि • छद्रं पयं समत्तं . मुनि दीपरत्नसागरेण संसोधितः संपादितश्च छ8 पयं समत्तं
॥ सत्तमं उस्सासपयं । [३५३] नेरइया णं भंते केवतिकालस्स आणमंति वा पाणमंति वा ऊससंति वा नीससंति वा गोयमा सततं संतयामेव आणमंति वा जाव नीससंति वा असुरकुमारा णं भंते केवतिकालस्स आणमंति वा जाव नीससंति वा गोयमा जहण्णेणं सत्तण्हं थोवाणं उक्कोसेणं सातिरेगस्स पक्खस्स आणमंति वा जाव नीससंति वा नागकुमारा णं भंते केवतिकालस्स आणमंति वा जाव नीससंति वा गोयमा जहण्णेणं सत्तण्हं थोवाणं उक्कोसेणं महत्तपुहत्तस्स एवं जाव थणियकुमाराणं, पुढविकाइया णं भंते पुच्छा गोयमा वेमायाए आणति वा जाव नीससंति वा जाव मणुस्सा, वाणमंतरा जहा- नागकुमारा, जोइसिया णं भंते
दीपरत्नसागर संशोधितः]
[891
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |