Page Text
________________
पंचेंदियतिरिक्खजोणिय-मणुस्सेस् य जहा- नेरइयाणं उव्वट्टणा सम्मुच्छिमवज्जा तहा भाणितव्वा एवं जाव थणियकुमारा ।
[३४७] पुढविकाइया णं भंते अनंतरं उव्वट्टित्ता कहिं गच्छन्ति कहिं उववज्जंति किं नेरइएसु जावदेवेसु गोयमा नोनेरइएसु उववज्जति तिरिक्खजोणिय-मणुस्सेसु उववज्जंति नो देवेसु एवं जहा- एतेसिं चेव उववाओ तहा उव्वट्टणा वि देववज्जा भाणितव्वा एवं आउ-वणस्सइ-बेइंदिय-तेइंदियचरिंदिया वि एवं तेऊ वाऊ वि नवरं-मणुस्सवज्जेसु [उववज्जति] |
[३४८] पंचेंदियतिरिक्खजोणिया णं भंते अनंतरं उव्वट्टित्ता कहिं गच्छंति कहिं उववज्जंति किं नेरइएसु जाव देवेसु गोयमा नेरइएसु उववज्जंति जाव देवेसु उववज्जंति, जदि नेरइएसु उववज्जंति किं रयणप्पभापुढविनेरइएसु जाव अहेसत्तमापुढविनेरइएसु० गोयमा रणप्पभापुढविनेरइएसु वि उववज्जंति जाव अहेसत्तमापुढविनेरइएसु वि उववज्जंति, जदि तिरिक्खजोणिएसु उववज्जति किं एगिदिएसु जाव प चिंदिएसु गोयमा एगिदिएसु वि उववज्जंति जाव पंचिदिएसु वि उववज्जंति एवं जहा- एतेसिं चेवउववाओ उव्वट्टणा वि तहेव भाणितव्वा नवरं-असंखेज्जवासाउएस वि एते उववज्जति जति मणुस्सेसु उववज्जंति किं सम्मुच्छिममणुस्सेसु० गब्भवक्कंतियमणुस्सेसु० गोयमा दोसु वि उववज्जंति एवं जहा- उववाओ तहेव उव्वट्टणा वि भाणितव्वा नवरं-अकम्मभूमग-अंतरदीवग-असंखेज्जवासाउएस वि एते उववज्जति त्ति भाणितव्वा नवरं-अकम्मभूमग-अंतरदीवग-असंखेज्जवासाउएसु वि एते उववज्जंति त्ति भाणितव्वं, जदि देवेसु उववज्जति किं भवणवतीसु जाव वेमाणिएसु गोयमा सव्वेसु चेव उववज्जंति जदि भवणवतीसु उववज्जंति किं असुरकुमारेसु० जाव थणियकुमारेसु गोयमा सव्वेसु चेव उववज्जंति एवं वाणमंतर-जोइसिय-वेमाणिएसु निरंतरं उववज्जति जाव सहस्सारो कप्पो त्ति । पय-६
___ [३४९] मणुस्सा णं भंते अनंतरं उव्वट्टित्ता कहिं गच्छंति कहिं उववज्जति किं नेरइएसु जाव देवेसु० गोयमा नेरइएसुवि उव्वज्जति जाव देवेसु वि उववज्जंति एवं निरंतरं सव्वेसुठाणेसु पुच्छा गोयमा सव्वेसुठाणेसु उववज्जति न कहिंचि पडिसेहो कायव्वो जाव सव्वट्ठगसिद्धदेवेसु वि उववज्जति अत्थेगतिया सिझंतिबुज्झंतिमुच्चंतिपरिणिव्वायंति सव्वदुक्खाणं अंतं करेंति ।
[३५०] वाणमंतर-जोइसिय-वेमाणिया सोहम्मीसाणा य जहा- असुरकुमारा नवरं-जोइ-सियाणं वेमाणियाण य चयंतीति अभिलाओ कातव्वो सणंकुमारदेवाणं पुच्छा गोयमा जहा- असुरकुमारा नवरंएगिदिएसु न उववज्जंति एवं जाव सहस्सारगदेवा आणय जाव अनुत्तरोववाइया देवा एवं चेव नवरं-नो तिरिक्खजोणिएसु उववज्जंति मणुस्सेसु पज्जत्तगसंखेज्जवासाउयकम्मभूमगगब्भवक्कंतियमणुस्सेसु [उववज्जति] ।
। सत्तमं परभवियाउय दारं । ___ [३५१] नेरइया णं भंते कतिभागावसेसाउया परभवियाउयं पकरेंति गोयमा नियमा छम्मासावसेसाउया परभवियाउयं पकरेंति एवं असुरकुमारा वि जाव थणियकुमारा, पुढविकाइया णं पुच्छा गोयमा पुढविकाइया दुविहा पन्नत्ता तं जहा- सोवक्कमाउया य निरुवक्कमाउया य तत्थ णं जेते निरुवक्कम्माउया ते नियमा तिभागावसेसाउया परभवियाउयं पकरेंति तत्थ णं जेते सोवक्कमाउया तेसियं तिभागावसेसाउया परभवियाउयं पकरेंति सिय तिभागतिभागवसेसाउया परभवियाउयं पकरेंति सिय
दीपरत्नसागर संशोधितः]
[88]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |