Page Text
________________
अंतरदीवगेहिंतो, जदि कम्मभूमगगब्भवक्कंतियमणुस्सेहिंतो उववज्जति किं संखेज्जवासाउएहितो असंखेज्जवासाउएहिंतो गोयमा संखेज्जवासाउएहिंतो नो असंखेज्जवासाउएहिंतो उववज्जंति, जदि संखेज्जवासाउयकम्मभूमगगब्भवक्कंतियमणुस्सेहिंतो उववज्जति किं पज्जत्तएहितो अपज्जत्तएहितो गोयमा पज्जत्तगसंखेज्जवासाउयकम्मभूमगगब्भवक्कंतियमणुस्सेहिंतो उववज्जंति नो अपज्जत्तेहितो, जदि पज्जत्तगं संखेज्जवासाउयकम्मभूमगगब्भवक्कंतियमणुस्सेहिंतो उववज्जंति किं सम्मद्दिट्ठि० मिच्छद्दिढि० सम्मामिच्छद्दिट्ठी०
गोयमा सम्मद्दिट्ठिपज्जत्तगसंखेज्जवासाउयकम्मभूमगगब्भवक्कंतियमणुस्सेहितो
उववज्जंति मिच्छद्दिहिपज्जत्तरोहिंतो उववज्जंति नो सम्ममामिच्छाद्दिट्ठिपज्जत्तगेहिंतो उववज्जंति, जदि सम्मदिद्विपज्जत्तगसंखेज्जवासाउयकम्मभूमगगब्भवक्कंतियमणुस्सेहिंतो उववज्जति किं संजतसम्मद्दिट्ठीहिंतो असंजतसम्मद्दिट्ठीहिंतो संजयासंजयसम्मद्दिट्ठिपज्जत्तगसंखेज्झवासाउएहिंतो उववज्जति गोयमा तीहिंतो वि उववज्जंति एवं जाव अच्चुओ कप्पो एवं गेवेज्जगदेवा वि नवरं-असंजतसंजतासंजतेहिंत वि एते पडिसेहेयव्वा एवं जहेव गेवेज्जगदेवा तहेव अनुत्तरोववाइया वि नवरं-इमं नाणत्तं-संजया चेव जदि संजतसम्मद्दिट्ठिपज्जत्तसंखेज्जवासाउयकम्मभूमगगब्भवक्कंतियमणुस्सेहिंतो उववज्जंति किं पमत्तसंजतएहिंतो अपमत्तसंजतेहिंतो उववज्जति गोयमा अपमत्तसंजएहिंतो उववज्जति नो पमत्तसंजएहितो उववज्जंति, जदि अपमत्तसंजएहिंतो उववज्जंति किं इढिपत्तअपमत्तसंजतेहिंतो अणिढिपत्तअपमत्तसंजतेहिंतो गोयमा दोहिंतो वि उववज्जंति ।
[] छ8 उववट्टणा दारं ॥
पय-६
[३४५] नेरइया णं भंते अनंतरं उव्वट्टित्ता कहिं गच्छंति कहिं उववज्जंति किं नेरइएस जाव देवेस् उववज्जति गोयमा नो नेरइएस् उववज्जति तिरिक्खजोणिएस् उववज्जंति मणस्सेस् उववज्जंति नो देवेसु उववज्जंति, जदि तिरिक्खजोणिएसु उववज्जंति किं एगिंदियतिरिक्खजोणिएसु जाव पंचेदियतिरिक्खजोणिएस० गोयमा नो एगिदिएस् जाव नोचउरिदिएस् उववज्जति पंचेदिएस उववज्जंतिएवंजेहिंतो उववाओ भणितो तेसु उव्वदृणा वि भाणितव्वा नवरं-सम्मुच्छिमेसु न उववज्जति एवं सव्वपुढवीसु भाणितव्वं नवरं-अहेसत्तमाओ मणुस्सेसु न उववज्जंति ।
[३४६] असुरकुमारा णं भंते अनंतरं उव्वट्टित्ता कहिं गच्छंति कहिं उववज्जंति किं नेरइएस जाव देवेसु उववज्जति गोयमा नो नेरइएसु उववज्जंति तिरिक्खजोणिएसुउववज्जंति मणुस्सेसु उववज्जति नो देवेसु उववज्जति जदि तिरिक्खजोणिएसु उववज्जंति किं एगिदियतिरिक्ख-जोणिएसु जाव पंचेदियतिरिक्खजोणिएसु० गोयमा एगिंदियतिरिक्खजोणिएसु उववज्जति नोबेइंदियएसु जाव नो चउरिदिएसु उववज्जति पंचेदियतिरिक्खजोणिएसु उववज्जंति, जदि एगिदिएसु उववज्जंति किं पुढविकाइएगिदिएसु जाववणस्सइकाइएगिदिएसु० गोयमा पुढविकाइएगिदिएसु वि आउकाइयएगिदिएसु वि उववज्जंति नो तेउकाइएसु नो वाउकाइएसु उववज्जंति वणस्सइकाइएसु उववज्जति जदि पुढविकाइएसु उववज्जति किं सुहुमपुढविकाइएसु बादरपुढविकाइएसु०गोयमा बादरपुढविकाइएसु उववज्जंति नो सुहुमपुढविकाइएसु, जदि बादरपुढविकाइएसु उववज्जंति किं पज्जत्तगबादरपुढविकाइएसु अपज्जत्तगबायरपुढवीकाइएसु० गोयमा पज्जत्तएसु उववज्जति नो अपज्जत्तएसु एवं आउवणस्सतीसु वि भाणितव्वं [दीपरत्नसागर संशोधितः]
[87]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |