Page Text
________________
कप्पातीतगवेमाणियदेवेहिंतो उववज्जति जदि कप्पोवगवेमाणि-यदेवेहिंतो उववज्जति किं सोहम्मेहंतो जाव अच्चुएहिंतो गोयमा सोहम्मीसाणेहिंतो उववज्जंति नो सणंकुमार जाव अच्चुएहिंतो उववज्जति एवं आउक्काइया वि एवं तेउ-वाऊ वि नवरं-देववज्जेहिंतो उववज्जंति वणस्सइकाइया जहा पढुविकाइया ।
[३३९] बेइंदिय-तेइंदिय-चरिंदिया एते जहा- तेउ-वाऊ देववज्जेहिंतो भा० ।
[३४०] पंचेंदियतिरिक्खजोणिया णं भंते कतोहिंतो उववज्जंति किं नेरइएहिंतो उववज्जति जाव देवेहिंतो उववज्जति गोयमा नेरइएहितो वि तिरिक्खजोणिएहितो वि मणूसेहिंतो वि देविहितो वि उववज्जंति, जदि नेरइएहिंतो उववज्जति किं रयणप्पभापुढविनेरइएहिंतो उववज्जंति जाव अहेसत्तमापुढविनेरइएहिंतो उववज्जति गोयमा रयणप्पभापुढविनेरइएहितो वि जाव अहेसत्तमापुढविनेरइएहितो वि उववज्जंति, जदि तिरिक्खजोणिएहिंतो उववज्जति किंएगिदिएहिंतो उववज्जंति जाव पंचेंदिएहिंतो उवज्जंति गोयमा एगिदिएहिंतो वि जाव पंचेंदिएहिंतो वि उववज्जति जदि एगिदिएहिंतो उववज्जति किं पुढविकाइएहिंतो उववज्जंति एवं जहा पुढविकाइयाणं उववाओ भणितो तहेव एएसि पि भाणितव्वो नवरंदेवेहिंतो जाव सहस्सारकप्पोवगवेमाणियदेवेहिंतो वि उववज्जति नो आणयकप्पोवगवेमाणियदेवेहिंतो जाव अच्चुएहिंतो उववज्जंति ।
[३४१] मणुस्सा णं भंते कतोहिंतो उववज्जंति किं नेरइएहिंतो जाव देवेहिंतो उववज्जंति गोयमा नेरइएहितो वि उववज्जंति जाव देवेहिंतो वि उववज्जंति, जदि नेरइएहिंतो उववज्जंति किं रयणप्पभापुढविनेरइएहिंतो जाव अहेसत्तमापुढविनेरइएहिंतो उववज्जति गोयमा रयणप्पभापुढविनेरइएहितो वि जाव तमापुढविनेरइएहितो वि उववज्जति नो अहेसत्तमापुढविनेरइएहिंतो उववज्जंति, जदि तिरिक्खपय-६
जोणइएहिंतो उववज्जंति किं एगिदियतिरिक्खजोणिएहिंतो उववज्जंति एवं जेहिंतो पंचेंदियतिरिक्खजोणियाणं उववाओ भणितो तेहिंतो मणुस्साण वि निरवसेसो भाणितव्वो नवरं-अहेसत्तमापुढविनेरइय-तेउवाउकाइएहिंतो न उववज्जति सव्वदेवेहिंतो वि उववज्जावेयव्वा जाव कप्पातीतगवेमाणियसव्वट्ठसिद्धदेवेहिंतो वि उववज्जावेयव्वा ।
[३४२] वाणमंतरदेवा णं भंते कओहिंतो उववज्जंति किं नेरइएहितो जाव देवेहितो उववज्जति गोयमा जेहिंतो असुरक्मारा तेहिंतो माणियव्वा ।
__[३४३] जोइसियदेवा णं भंते कतोहिंतो उववज्जति गोयमा एवं चेव नवरंसम्मुच्छिमअसंखेज्जवासाउयखहयर-अंतरदीवमणुस्सवज्जेहिंतो उववज्जावेयव्वा ।
[३४४] वेमाणिया णं भंते कओहिंतो उववज्जति किं नेरइएहितो० पंचेंदियतिरिक्खजोणिहिंतो० मणुस्सेहितो० देवेहिंतो० गोयमा नो नेरइएहिंतो उववज्जंति पंचिंदिय-तिरिक्खजोणिएहितो उववज्जंति मणुस्सेहिंतो उववज्जंति नो देवेहिंतो उववज्जंति एवं सोहम्मीसाणगदेवे वि, एवं सणंकुमारगा वि नवरं-असंखेज्जवासाउयअकम्मभूमगवज्जेहिंतो उववज्जंति एवं जाव सहस्सारकप्पोवगवेमाणियदेवा भाणितव्वा, आणयदेवा णं भंते कतोहिंतो उववज्जंति किं नेरइएहितो जाव देवेहिंतो गोयमा नो नेरइएहितो उववज्जति नो तिरिक्खजोणिएहिंतो उववज्जति मणुस्सेहिंतो उववज्जंति नो देवेहितो, जदि मणुस्सेहितो उववज्जति किं सम्मुच्छिम० गब्भवक्कंतिय० गोयमा गब्भवक्कंतियमणुस्सेहिंतो उववज्जंति नो सम्मुच्छिममणुस्सेहितो, जदि गब्भवक्कंतियमणुस्सेहिंतो उववज्जंति किं कम्मभुमरोहितो अकम्मभुमगेहितो अंतरदीवगेहिंतो गोयमा कम्मभूमगगब्भवक्कंतियमणुस्सेहिंतो उववज्जंति नो अकम्मभुमरोहिंतोनो
दीपरत्नसागर संशोधितः]
[86]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |