Page Text
________________
से केणटेणं भंते एवं वच्चति-० गोयमा आउकाइए आउकाइयस्स दव्वट्ठयाए तुल्ले पदेसट्टयाए तुल्ले ओगाहणट्ठयाए चउट्ठाणवडिते ठितीए तिढाणवडिते वण्ण-गंध-रस-फास-मतिअन्नाणसुतअन्नाण-अचक्खुदंसणपज्जवेहि य छट्ठाणवडिते, तेउकाइयाणं पुच्छा गोयमा अनंता पज्जवा पन्नत्ता, से केणद्वेणं भंते एवं वुच्चति-० गोयमा तेउकाइए तेउकाइयस्स दव्वट्ठयाएतुल्ले पदेसट्ठयाएतुल्ले ओगाहणट्ठयाए चउट्ठाणवडिते ठितीए तिढाणवडिते वण्ण-गंध-रस-फास-मति-अन्नाण-सुयअन्नाण-अचक्खुदंसणपज्जवेहि य छट्ठाणवडिते,
वाउकाइयाणं पुच्छा गोयमा वाउकाइयाणं अनंता पज्जवा पन्नत्ता, से केणटेणं भंते एवं वुच्चति-० गोयमा वाउकाइए वाउकाइयस्स दव्वट्ठयाएतुल्ले पदेसट्टयाएतुल्ले ओगाहणट्ठयाए चउढाणवडिते ठितीए तिहाणवडिते वण्ण-गंध-रस-फास-मतिअन्नाण-सुयअन्नाणअचक्खुदंसणपज्जवेहि य छट्ठाणवडिते वणस्सइकाइयाणं भंते केवतिया पज्जवा पन्नत्ता गोयमा अनंता पज्जवा पन्नत्ता, से केणद्वेणं भंते एवं वुच्चति-० गोयमा वणस्सइकाइए वणस्सइकाइयस्स दव्वट्ठयाएतुल्ले पदेसट्टयाएतुल्ले ओगाहणट्ठयाए चउट्ठाणवडिते ठितीए तिट्ठाणवडिए वण्ण-गंध-रस-फास-मतिअन्नाण-सुयअन्नाण-अचक्खुदंसणपज्जवेहिं य छट्ठाणवडिते से तेणटेणं गोयमा एवं वच्चंति-वणस्सति-काइयाणं अनंता पज्जवा पन्नत्ता । पय-५
__[३११] बेइंदियाणं पुच्छा गोयमा अनंता पज्जवा पन्नत्ता, से केणटेणं भंते एवं वुच्चति-० गोयमा बेइंदिए बेइंदियस्स दव्वट्ठयाएतुल्ले पदेसट्ठयाएतुल्ले ओगाहणट्ठयाए सियहीणे सियतुल्ले सियअब्भहिए-जदि हीणे असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणं वा अह अब्भहिए असंखेज्जभागमब्भहिए वा जाव असंखेज्जगुणमब्भहिए वा ठितीए तिट्ठाणवडिते वण्णगंध-रस-फास-आभिणिबोहियनाण-सुथनाण-मतिअन्नाण-सुतअन्नाणअचक्खुदंसण-पज्जवेहि य छट्ठाणव-डिते, एवं तेइंदिया वि एवं चरिंदिया वि नवरं-दो दंसणा-चक्खुदंसण अचक्खुदंसणं च ।
__ [३१२] पंचेंदियतिरिक्खजोणियाणं पज्जवा नेरइयाणं तहा भाणियव्वा |
[३१३] मणुस्साणं भंते केवतिया पज्जवा पन्नत्ता गोयमा अनंता पज्जवा पन्नत्ता से केणद्वेणं भंते एवं वुच्चति-० गोयमा मणुस्से मणुस्सस्स दव्वट्ठयाएतुल्ले पएसट्टयाए तुल्ले ओगाहणट्ठयाए चउट्ठाणवडिते ठितीए चउट्ठाणवडिते वण्ण-गंध-रस-फास-आभिणिबोहियनाण-सुतनाण-ओहिनाणमणपज्जवनाणपज्जवेहि य छट्ठाणवडिते केवलनाणपज्जवेहिं तुल्ले तिहिं अन्नाणेहितिहिं दंसणेहिं छट्ठाणवडिते केवलदंसणपज्जवेहिं तुल्ले ।
[३१४] वाणमंतरा ओगाहणट्ठयाए ठितीए य चउट्ठाणवडिया वण्णादीहिं छट्ठाणवडिता जोइसिय-वेमाणिया वि एवं चेव नवरं-ठितीए तिट्ठाणवडिता |
[३१५] जहण्णोगाहणगाणं भंते नेरइयाणं केवतिया पज्जवा पन्नत्ता गोयमा अनंता पज्जवा पन्नत्ता, से केणटेणं भंते एवं वुच्चति-० गोयमा जहण्णोगाहणए नेरइए जहण्णोगाहणगस्स नेरइयस्स दव्वट्ठयाएतुल्ले पएसट्ठयाएतुल्ले ओगाहणट्ठयाएतुल्ले ठितीएचउट्ठाणवडिते वण्ण-गंध-रस-फासपज्जवेहिं तिहिं नाणेहिं तिहिं अन्नाणेहिं तिहिं दंसणेहिं य छट्ठाणवडिते, उक्कोसोगाहणयाणं भंते नेरइयाणं केवतिया पज्जवा पन्नत्ता गोयमा अनंता पज्जवा पन्नत्ता से केणटेणं भंते एवं वुच्चति-० गोयमा उक्कोसोगाहणए नेरइए उक्कोसोगाहणगस्स नेरइयस्स दव्वट्ठयाएतुल्ले पदेसवायाएतुल्ले ओगाहणट्ठयाएतुल्ले ठितीए सियहीणे सियतुल्ले सियअब्भहिए-जदि हीणे असंखेज्जभागहीणे वा
[दीपरत्नसागर संशोधितः]
[69]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |