Page Text
________________
[३०८] नेरइयाणं भंते केवतिया पज्जवा पन्नत्ता गोयमा अनंता पज्जवा पन्नत्ता, से केणटेणं भंते एवं वच्चति-० गोयमा नेरइए नेरइयस्स दव्वट्ठयाए तुल्ले पदेसट्ठयाएतुल्ले एगाहणट्ठयाए सिएहीणे सियतुल्ले सियअब्भहिए-जादि हीणे असंखेज्जभागहीणे वा संखेज्जभागहीणे वा असंखेज्जगुणहीणे वा, अह अब्भहिएअसंखेज्जभागमब्भहिए वा संखेज्जभागमब्भहिए वा संखेज्जगुण-मब्भहिए वा असंखेज्जगुणमब्भहिए वा ठिईए सियहीणे सियतुल्ले सियअब्भहिए-जइ हीणे असंखेज्जभागहीणे वा संखेज्जभागमब्भहिए वा संखेज्जगणमब्भहिए वा असंखेज्जगणमब्भहिए वा कालवण्णपज्जवेहिं सियहीणे सियतुल्ले सियअब्भहिए-जदि हीणे अनंतभागहीणे वा असंखेज्जभागहीणे वा संखेज्जभाग हीणे वा संखेज्जगुणहीणे वा असंखेज्जगुणहीणे वा अनंतगुणहीणे वा अह अब्भहिए अनंतभागमब्भहिए वा जाव अनंतगुणमब्भहिए वा नीलवण्णपज्जवेहिं लोहियवण्णपज्जवेहिं हालिद्दवण्ण-पज्जवेहिं सुक्किलवण्णपज्जवेहि य छट्ठाणवडिए सुब्भिगंधपज्जवेहिं दुब्भिगंधपज्जवेहि य छट्ठाणवडिए तित्तरसपज्जवेहिं कडुयरसपज्जवेहिं कसायरसपज्जवेहिं अंबिलरसपज्जवेहिं महरसपज्जवेहिं य छट्ठाणवडिए कक्खडफासपज्जवेहिं मउयफासपज्जवेहि गरुयफासपज्जवेहिं लहुयफासपज्जवेहिं सीयफासपज्जवेहिं उसिण
पय-५
फासपज्जवेहिं निद्धफासपज्जवेहि लुक्खफासपज्जवेहि य छठ्ठाणवडए आभिणिबोहियनाण पज्जवेहिं सुयनाण पज्जवेहिं ओहिनाण पज्जवेहिं मतिअन्नाणपज्जवेहिं सुयअन्नाणपज्जवेहिं विभंगनाणपज्जवेहि चक्खुदंसणपज्जवेहिं अचक्खुदंसणपज्जवेहिं ओहिदंसणपज्जवेहि य छट्ठाणवडिते से एएणद्वेणं गोयमा एवं वुच्चति-नेरइयाणं नो संखेज्जा नो असंखेज्जा अनंता पज्जवा पन्नत्ता |
[३०९] असुरकुमारणं भंते केवतिया पज्जवा पन्नत्ता गोयमा अनंता पज्जवा पन्नत्ता से केणटेणं भंते एवं वुच्चइ-० गोयमा असुरकुमारे असुरकुमारस्स दव्वट्ठयाए तुल्ले पदेसट्ठयाएतुल्ले ओगाहणट्ठयाएचउट्ठाणवडिए ठितीएचउट्ठाणवडिए कालवण्णपज्जवेहिं छट्ठाणवडिए एवं नीलवण्ण-पज्जवेहिं जाव सुक्किलवण्णपज्जवेहिं सुब्भिगंधपज्जवेहिं दुब्भिगंधपज्जवेहिं तित्तरसपज्जवेहिं जाव महररसपज्जवेहिं कक्खडफासपज्जवेहिं जाव लुक्खफासपज्जवेहिं आभिणिबोहियनाणपज्जवेहिं जाव ओहिनाणपज्जवेहि मतिअन्नाणपज्जवेहिं जाव विभंगनाणपज्जवेहिं चक्खुदंसणपज्जवेहिं जाव ओहिदंसणपज्जवेहि य छट्ठाणवडिते से तेणटेणं गोयमा एवं वुच्चति-असुरकुमाराणं अनंता पज्जवा पन्नत्ता एवं जहा नेरइया जहा- असुरकुमारा तहा नागकुमारा वि जाव थणियकुमारा |
___[३१०] पुढविकाइयाणं भंते केवतिया पज्जवा पन्नत्ता गोयमा अनंता पज्जवा पन्नत्ता से केणटेणं भंते एवं वुच्चति० गोयमा पुढविकाइया पुढविकाइयस्स दव्वट्ठयाएतुल्ले पदेसट्टयाएतुल्ले ओगाहणट्ठयाए सियहीणे सियतुल्ले सियअब्भहिए-जदि हीणे असंखेज्जभागहीणे वा संखेज्जभागहीणे वा वा संखेज्जभागहीणे वा असंखेज्जगुणहीणे वा अह अब्भहिए असंखेज्जभागअब्भहिए वा जाव असंखेज्जगुणअब्भहिए वा ठितीए सियहीणे सियतुल्ले सियअब्भहिए-जदि हीणे असंखेज्जभागहिणे वा संखेज्जगुणअब्भहिए वा संखेज्जगुणहीणे वा अह अब्भहिए असंखेज्जभागअब्भहिए वा जाव संखेज्जगुण अब्भहिए वा वण्णेहिं गंधेहिं रसेहिफासेहिं मतिअन्नाणपज्जवेहिं सुयअण्णाणपज्जवेहिं अचक्खुदंसण पज्जवेहिं छट्ठाणपडिते, आउकाइयाणं भंते केवतिया पज्जवा पन्नत्ता गोयमा अनंता पज्जवा पन्नत्ता,
दीपरत्नसागर संशोधितः]
[68]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |