Page Text
________________
संखेज्जभागहीणे वा अह अब्भहिए असंखेज्जभागअब्भहिए वा संखेज्ज-भागअब्भहिए वा वण्ण-गंध-रस फासपज्जवेहिं तिहिं नाणेहिं तिहिं अन्नाणेहिं तिहिं दंसणेहिं छट्ठाणवडिते, अजहण्णुक्कोसोगाहणगाणं भंते नेरइयाणं केवतिया पज्जवा पन्नत्ता गोयमा अनंता पज्जवा पन्नत्ता से केणतुणं भंते एवं वुच्चति-० गोयमा अजहण्णुक्कोसोगाहणए नेरइए अजहण्णुक्कोसोगाहणगस्स नेरइयस्स दव्वट्ठयाएतुल्ले पदेसट्ठयाएतुल्ले ओगाहणट्ठयाए सिएहीणे सियतुल्ले सियअब्भहिए-जदि हीणे असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणे वा अह अब्भहिए असंखेज्जगभागअब्भहिए वा जाव असंखेज्जगुणअब्भहिए वा ठितीए सियहीणे सियतुल्ले सियअब्भहिए-जदि हीणे असंखेज्जभागहीणे वा जाव असंखेज्ज गुण हिणेवा अह अब्भहिए असंखेज्जभाग अब्भहिए जाव असंखेज्ज गुण अब्भहिए वा वण्ण-गंध-रस-फासपज्जवेहिं तिहिं नाणेहिं तिहिं अन्नाणेहिं तिहिं दंसणेहिं छट्ठाणवडिते से तेणटेणं गोयमा एवं वुच्चति-अजहण्णुक्कोसोगाहणगाणं नेरइयाणं अनंता पज्जवा पन्नत्ता, जहण्णद्वितीयाणं भंते नेरइयाणं केवतिया पज्जवा पन्नत्ता गोयमा अनंता पज्जवा पन्नत्ता से केणद्वेणं भंते एवं वुच्चइ-० गोयमा जहण्णद्वितीए नेरइए जहण्णद्वितीयस्स नेरइयस्स दव्वट्ठयाएतुल्ले पदेसट्टयाएतुल्ले ओगाहणट्ठयाए चउट्ठाणवडिते ठितीएतुल्ले वण्ण-गंध-रस-फास-पज्जवेहिं तिहिं नाणेहिं तिहिं अन्नाणेहिं पय-५
तिहिं दंसणेहिं य छट्ठाणवडिते एवं उक्कोसद्वितीए वि अजहण्णमणक्कोसद्वितीए वि एवं चेव नवरं-सट्ठाणे चउट्ठाणवडिते, जहण्णगुणकालयाणं भंते नेरइयाणं केवतिया पज्जवा पन्नत्ता गोयमा अनंता पज्जवा पन्नत्ता से केणटेणं भंते एवं वुच्चति-० गोयमा जहण्णगुणकालए नेरइए जहण्णगुण-कालगस्स नेरइयस्स दव्वट्ठयाएतुल्ले पदेसट्ठयाएतुल्ले ओगाहणट्ठयाए चउट्ठाणवडिते ठितीएचउट्ठाणवडिते कालवण्णपज्जवेहिं तुल्ले अवसेसेहिं वण्ण-गंध-रस-फासपज्जवेहिं तिहिं नाणेहिं तिहिं अन्नाणेहिं तिहिं दंसणेहिं य छट्ठाणवडिते से तेणटेणं गोयमा एवं वुच्चति-जहण्णगुणकालयाणं नेरइयाणं अनंता पज्जवा पन्नत्ता, एवं उक्कोसेणगुणकालए वि अजहण्णमणुक्कोसगुणकालए वि एवं चेव नवरं-कालवण्णपज्जवेहिं छठ्ठाणवडिते, एवं अवसेसा चत्तारि वण्णा दो गंधा पंच रसा अट्ठ फासा भाणियतव्वा, जहण्णाभिणिबोहियनाणीणं भंते नेरइयाणं केवतिया पज्जवा पन्नत्ता गोयमा जहण्णाभिणिबोहियनाणीणं नेरइयाणं अनंता पज्जवा पन्नत्ता से केणतुणं भंते एवं वुच्चति-० गोयमा जहण्णाभिणिबोहियनाणी नेरइए जहण्णाभिणिबोहियनाणिस्स नेरइयस्स दव्वट्ठयाएतुल्ले पदेसट्ठयाएतुल्ले ओगाहणट्ठयाए चउट्ठाणवडिते ठितीए चउट्ठाणवडिते वण्ण-गंध-रस-फासपज्जवेहिं छट्ठाणवडिते आभिणिबोहिय-नाणपज्जवेहिं तुल्ले सतनाण-ओहिनाणपज्जवेहिं छट्ठाणवडिते तिहिं दंसणेहिं छट्ठाणवडिते, एवं उक्कोसाभिणिबोहियणाणी वि अजहप कोसाभिणिबोहिनाणी वि एवं चेव नवरं-आभिणिबोहियनाणपज्जवेहिं सट्ठाणे छट्ठाणवडिते, एवं सुतनाणी वि नवरं-जस्स नाणा तस्स अन्नाणा नत्थि जहा नाणा तहा अन्नाणा वि भाणितव्वा नवरं-जस्स अन्नाणा तस्स नाणा न भवंति, जहण्णचक्खुदंसणीणं भंते नेरइयाणं केवतिया पज्जवा पन्नत्ता गोयमा अनंता पज्जवा पन्नत्ता से केणट्टेणं भंते एवं वुच्चति-० गोयमा जहण्णचक्खुदंसणी णं नेरइए जहण्णचक्खुदंसणिस्स नेरइयस्स दव्वट्ठयाएतुल्ले पदेसट्टयाएतुल्ले ओगाहणट्ठयाएचउट्ठाणवडिते ठितीएचउटड्ठाणवडिते वण्ण-गंध-रस-फासपज्जवेहिं तिहिं नाणेहिं तिहिं अन्नाणेहिं छट्ठाणवडिते चक्खुदंसणपज्जवेहिं तुल्ले अचक्खुदसणपज्जवेहिं ओहिदंसणपज्जवेहिं य छट्ठाणवडिते, एवं
दीपरत्नसागर संशोधितः]
[70]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |