Page Text
________________
उड्ढं दूरं उप्पइत्ता एत्थ णं हेट्ठिमगेवेज्जगाणं देवाणं तओ गेवेज्जविमाणपत्थडा पन्नत्ता - पाईण-पडीणायया उदीण-दाहिणविच्छिण्णा पडिपुन्नचंदसंठाणसंठिता अच्चिमाली भास- रासिवण्णाभा सेसं जहा- बंभलोगे जाव
पद - २
पडिरूवा तत्थ णं हेट्ठिमगेवेज्जगाणं देवाणं एक्कारसुत्तरे विमाणावाससते हवतीति मक्खातं ते णं विमाणा सव्वरयणामया जाव पडिरूवा एत्थ णं हेट्ठिमगेवेज्जगाणं देवाणं पज्जत्तापज्जत्ताणं ठाणा पन्नत्ता ति वि लोगस्स असंखेज्जइभागे तत्थ णं बहवे हेट्ठिमगेवेज्जगा देवा परिवसंति-सव्वे समिड्ढया सव्वे समज्जुतीया सव्वे समजसा सव्वे समबला सव्वे समाणुभाव सव्वे समसोक्खा [महासोक्खा ] अणिंदा अप्पेस्सा अपुरोहिया अहमिंदा नामं ते देवगणा पन्नत्ता समणाउसो कहि णं भंते मज्झिमगाणंगेवेज्जगदेवाणं पज्जत्तापज्जत्ताणं ठाणा पन्नत्ता कहि णं भंते मज्झिमगेवेज्जगा, देवा परिवसंति गोयमा हेट्ठिमगेवेज्जगाणंउप्पिं सपक्खिं सपडिदिसिं जाव उप्पइत्ता एत्थ णं मज्झिमगेवेज्जगदेवाणं तओ गेवेज्जगविमाणा-पत्थडा पन्नत्ता - पाईण-पडीणायता जहा - हेट्ठिमगेवेज्जगाणं नवरं सत्तुत्तरे विमाणावाससते हवतीति मक्खातं ते णं विमाणा जाव पडिरूवा एत्थ णं मज्झिमगेवेज्जगाणं देवाणं जाति वि लोगस्स असंखेज्जतिभागे तत्थ णं बहवे मज्झिमगेवेज्जगा देवा परिवसंति जाव अहमिंदा नामं ते देवगणा पत्ता समणाउसो, कहि णं भंते उवरिमगेवेज्जगदेवाणं पज्जत्तापज्जत्ताणं ठाणा पन्नत्ता कहि णं भंते उवरिमगेवेज्जगा देवा परिवसंति गोयमा मज्झिमगेवेज्जगदेवाणं उप्पिं जावउप्पइत्ता एत्थ णं उवरिमगेवेज्जगाणं देवाणं तओ गेवेज्जगवि-माण- पत्थडा पन्नत्ता-पाईण-पडीणायता से जहाहेट्ठिमगेवेज्जगाणं नवरं - एगे विमाणावाससते भवतीति मक्खातं सेसं तहवे भाणियव्वं जाव अहमिंदा नामं ते देवगणाप० समणाउसो ।
[२३३] एक्कारसुत्तरं हेट्ठिमेसु सत्तुत्तरं च मज्झिम । सयमेगं उवरिम पंचेव अनुत्तरविमाणा |
भंते
[२३४] कहि णं भंते अनुत्तरोववाइयाणं देवाणं पज्जत्तापज्जत्ताणं ठाणा पन्नत्ता कहि णं अनुत्तरोववाइया देवा परिवसंति गोयमा इमीसे रयणप्पभाए पुढवीए बहुसमरमणिज्जाओ भूमिभागाओ उड्ढं जाव उप्पइत्ता सोहम्मीसाण-जाव अच्चुयकप्पा तिण्णि य अट्ठारसुत्तरे गेवेज्जविमाणावाससते वीतीवतित्ता तेण परं दूरं गता नीरया निम्मला वितिमिरा विसुद्धा पंचदिसिं पंच अनुत्तरा महतिमहालया विमाणा पन्नत्ता तं जहा - विजए वेजयंते जयंते अपराजिते सव्वट्ठसिद्धे ते णं विमाणा सव्वरयणामया अच्छा सहा जाव पडिरूवा एत्थ णं अनुत्तरोववाइयाणं देवाणं पज्जत्तापज्जात्ताणं ठाणा पन्नत्ता तिसु वि लोगस्स असंखेज्जतिभागे तत्थ णं बहवे अनुत्तरोववाइया देवा परिवसंति-सव्वे समिड्ढया जाव सव्वेसमसोक्खा [ महासोक्खा] अणिंदा अप्पेस्सा पुरोहिता अहमिंदा नामं ते देवगणा पन्नत्ता समणाउसो ।
[२३५] कहि णं भंते सिद्धाणं ठाणा पन्नत्ता कहि णं भंते सिद्धा परिवसंति गोयमा सव्वट्ठसिद्धस्स महाविमाणस्स उवरिल्लाओ थूभियग्गाओ दालस जोयणे उड्ढं अबाहाए एत्थ णं ईसीपब्भारा नामं पुढवी पन्नत्ता-पणयालीसं जोयणसतसहस्साणि आयाम - विक्खंभेणं एगा जोयणकोडी बायालीसं च सतसहस्साइं तीसं च सहस्साइं दोण्णि य अउणापन्ने जोयणसते किंचि विसेसाहिए परिक्खेवेणं पन्नत्ता ईसीपब्भाराए णं पुढवीए बहुमज्झदेसभाए अट्ठजोयणिए खेत्ते अट्ठ जोयणाइं बाहल्लेणं पन्नत्ते ततो अनंतरं च णं माताए माताए- पएसपरिहाणी परिहायमाणी - परिहायमाणी सव्वेसु चरिमंतेसु मच्छियपत्तातो [दीपरत्नसागर संशोधितः ] [१५- पन्नवणा]
[39]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |