Page Text
________________
नवरं-मज्झे यत्थ सहस्सावडेंसए जाव विहरंति सहस्सारे यत्थ देविंदे देवराया परिवसति जहा सणंकुमारे
नवरं-छण्हं पद-२
विमाणावाससहस्साणं तीसाए सामाणियसाहस्सीणं चउण्ह य तीसाए आयरक्खदेवसाहस्सीणं जाव आहेवच्चं कारेमाणे विहरति ।
कहि णं भंते आणय-पाणयाणं देवाणं पज्जत्तापज्जत्ताणं ठाण पन्नत्ता कहि णं भंते आणयपाणया देवा परिवति गोयमा सहस्सारस्स कप्पस्स उप्पिं सपक्खिं सपडिदिसिं जाव उप्पइत्ता एत्थ णं आणय-पाणयनामेणं दुवे कप्पा पन्नत्ता पाईणं-पडीणायता उदीण-दाहिणवित्थिण्णा अद्धचंदसंठाणसंठिता अच्चिमाली-भासरासिप्पभा सेसं जहा सणंकुमारे जाव पडिरूवा तत्थणं आणयपाणयदेवाणं चत्तारि विमाणावाससता भवंतीति मक्खायं जाव पडिरूवा वडिंसगाजहा सोहम्मे नवरंमज्झे पाणयवडेंसए ते णं वडेंसगा सव्वरयणामया अच्छा जाव पडिरूवा एत्थ णं आणवपाणयदेवाणं पज्जत्तापज्जत्ताणं ठाणा पन्नत्ता तिस वि लोगस्स असंखेज्जइभागे तत्थ णं बहवे आणयपाणयदेवा परिवसंति-महिड्ढीया जाव पभासेमाणा ते णं तत्थ साणं-साणं विमाणावाससयाणं जाव विहरंति पाणए यत्थ देविंदे देवराया परिवसति जहा सणंकुमारे नवरं-चउण्हं विमाणावाससयाणं वीसाए सामाणियासहस्सीणं असीतीए आरयरक्खदेवसाहस्सीणं अण्णेसिं च बहणं जाव विहरति ।
____कहि णं भंते आरणच्चुताणं देवाणं पज्जत्तापज्जत्ताणं ठाणा पन्नत्ता कहि णं भंते आरणच्चुता देवा परिवसंति गोयमा आणय-पाणयाणं कप्पाणं उप्पिं सपक्खिं सपडिदिसिं एत्थ णं आरणच्चया नाम दुवे कप्पा पन्नत्ता-पाईण-पडीणायया उदीण-दाहिणविच्छिण्णा अद्धचंदसंठाणसंठिता अच्चिमाली-भासरासिवण्णभा असंखेज्जाओ जोयणकोडाकोडीओ आयाम-विक्खंभेणं असंखेज्जाओ जोयणकोडाकोडीओ परिक्खेवेणं सव्वरयणामया अच्छा सण्हा जाव अभिरूवा पडिरूवा एत्थ णं आरणच्चताणं देवाणं तिण्णि विमाणावाससता हवंतीति मक्खायं ते णं विमाणा सव्वरयणामया अच्छा सण्हा जाव पडिरूवा, तेसि णं विमाणाणं बहुमज्झदेसभाए पंच वडेंसगा पन्नत्ता तं जहा- अंकवडेंसए फलिहवडेंसए रयणवडेंसए जायरूव-वडेंसए मज्झे यत्थ अच्चुतवडेंसए ते णं वडेंसया सव्वरयणामया जाव पडिरूवा एत्थ णं आरणच्चयाणं देवाणं पज्जत्तापज्जत्ताणं ठाणा पन्नत्ता तिसु वि लोगस्स असंखेज्जइभागे तत्थ णं बहवे आरणच्चुता देवा जाव विहरंति, अच्चुते यत्थ देविंदे देवराया परिवसति जहा पाणए जाव विहरति नवरं-तिण्हं विमाणावाससताणं दसण्हं सामाणियसाहस्सीणं चत्तालीसाए आयरक्खदेवसाहस्सीणं आहेवच्चं कव्वमाणे जाव विहरति ।
[२२९] बत्तीस अट्ठावीसा बारस अटठ चउको सतसहस्सा ।
पन्ना चत्तालीसा छ च्च सहस्सा सहस्सारे । [२३०] आणय-पाणयकप्पे चत्तारि सयारणच्चुए तिण्णि ।
सत्त विमाणसयाइं चउसु वि एएसु कप्पेसु । [२३१] चउरासीइ असीई बावत्तरि सत्तरी य सट्ठी य ।
पण्णा चत्तालीसा तीसा वीसा दस सहस्सा । [२३२] एते चेव आयरक्खा चउगुणा, कहि णं भंते हेहिमगेवेज्जगदेवाणं पज्जत्तापज्जत्ताणं ठाणा पन्नत्ता कहि णं भंते हेडिमगेवेज्जा देवा परिवसंति गोयमा आरणच्चुत्ताणं कप्पाणं उप्पिं जाव
दीपरत्नसागर संशोधितः]
[38]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |