Page Text
________________
पद-२
णामया अच्छा जाव पडिरूवा एत्थ णं सणंकुमारदेवाणं पज्जत्तापज्जत्ताणं ठाणा पन्नत्ता तिसु वि लोगस्स असंखेज्जइभागे तत्थ णं बहवे सणंकमार देवा परिवसंति-महिडढिया जाव पभासेमाणा विहरंति नवरं-अग्गमहिसीओ नत्थि सणंकुमारे यत्थ देविंदे देवराया परिवसति-अरयंबरवत्थधरे सेसं जहा सक्कस्स से णं तत्थ बारसण्हं विमाणावाससतसहस्साणं बावत्तरीए सामाणियसाहस्सीणं सेसं जहा सक्कस्स अग्गमहिसीवज्जं, नवरंचउण्हं बावत्तरीणं आयरक्खदेवसाहस्सीणं जाव विहरइ कहि णं भंते माहिंदाणं देवाणं पज्जत्तापज्जत्ताणं ठाणा पन्नत्ता कहि णं भंते माहिंदगदेवा परिवसंति गोयमा ईसाणस्स कप्पस्स उप्पिं सपक्खिं सपडिदिसिं बहूइं जोयणाई जाव उड्ढं दूरं उप्पइत्ता एत्थ णं माहिंदे नामं कप्पे पायीणपडीणायए एवं जहेव सणंकुमारे नवरं-अट्ठ विमाणावाससत-सहस्सा वडेंसया जहा ईसाणे नवरं-मज्झे यत्थ माहिंदवडेंसए एवं सेसं जहा सणंकुमारदेवाणं जाव विहरति माहिंदे यत्थ देविंदे देवराया परिवसतिअरयं-बरवत्थधरे एवं जहा सणंकुमारे जाव नवरं-अट्ठण्हं विमाणावाससतसहस्साणं सत्तरीए सामाणियसाहस्सीणं चउण्हं सत्तरीणं आयरक्ख-देवसाहस्सीणं जाव विहरइ ।
कहि णं भंते बंभलोगदेवाणं पज्जत्तापज्जत्ताणं ठाणा पन्नत्ता कहि णं भंते बंभलोगदेवा परिवसंति गोयमा सणंकुमारा-माहिदाणं कप्पाणं उप्पिं सपक्खिं सपडिदिसिं बहुइं जोयणाइंजाव उप्पाइत्ता एत्थ णं बंभलोए नाम कप्पे पाईण-पड़ीणायए उदीण दाहिणविच्छिण्णे पडिपन्नचंदसंठाणसंठिते अच्चिमाली-भासरासिप्पभे अवसेसं जहा सणंकुमाराणं नवरं-चत्तारि विमाणावाससतसहस्सा वडिंसगा जहा सोहम्मवडेंसया नवरं-मज्झे यत्थ बंभलोयवडिंसए एत्थ णं बंभलोगाणं देवाणं ठाणा पन्नत्ता सेसं तहेव जाव विहरंति बंभे यत्थ देविंदे देवराया परिवसति-अरयंबरवत्थधरे एवं जहा सणंकमारे जावविहरति नवरंचउण्हं विमाणावाससतसहस्साणं सट्ठीए सामाणियसाहस्सीणं चउण्ह य सट्ठीणं आयरक्खदेवसाहस्सीणं अण्णेसिं चबहूणंजाव विहरति, कहि णं भंते लंतगदेवाणं पज्जत्तापज्जत्ताणं ठाणा पन्नत्ता कहि णं भंते पंतगदेवा परिवति गोयमा बंभलोगस्स कप्पस्स उप्पिं सपक्खिं सपडिदिसिं बहइं जोयणसयाइं जाव उप्पइत्ता एत्थ णं लंतए नामं कप्पे पन्नत्तेपाईण पडीणायए जहा बंभलोए नवरं-पन्नासं विमाणावाससहस्सा भवंतीति मक्खातं वडेंसगा जहा ईसाणवडेंसगा नवरं-मज्झे यत्थ लंतगवडेंसए देवा तहेव जाव विहरंति लंतए यत्थ देविंदे देवराय परिवसति जहा सणंकुमारे नवरं-पन्नासए विमाणावाससहस्साणं पन्नासाए सामाणियसाहस्सीणं चउण्ह य पन्नसाणं आयरक्ख-देवसाहस्सीणं अण्णेसिं च बहूणं जाव विहरति ।
कहि णं भंते महासुक्काणं देवाणं पज्जत्तापज्जात्ताणं ठाणा, प० कहि णं भंते महासुक्का देवा परिवसंति गोयमा लंतयस्स कप्पस्स उप्पिं सपक्खिं सपडिदिसिं जाव उप्पइत्ता एत्थ णं महासुक्के नामं कप्पे-पाईण-पडीणाए उदीणदाहिणवित्थिपणे जहा बंभलोए नवरं-चत्तालीसं विमाणावाससहस्सा भवंतीति मक्खातं वडेंसगा जहा सोहम्मवडेंसगा नवरं-मज्झे यत्थ महासुक्क-वडेंसए जाव विहरति महासुक्के यत्थ देविंदे देवराया जहा सणंकमारे नवरं-चत्तालीसाए विमाणा-वाससहस्साणं चत्तालीसाए सामा-णियसाहस्सीणं चउण्ह य चत्तालीसाणं आयरक्खदेवसाहस्सीणं जाव विहरति कहि णं भंते सहस्सारदेवाणं पज्जत्तापज्जत्तापणं ठाणा प० कहि णं भंते सहस्सारदेवा परिवसंति गोयमा महासुक्कस्स कप्पस्स उप्पिं सपक्खिं सपडिदिसिं जाव उप्पइत्ता एत्थ णं सहस्सारे नामं कप्पे पन्नत्ते-पाईण-पडीणायते जहा- बंभलोए नवरं-छव्विमाणावाससहस्सा भवंतीति मक्खातं देवा तहेव जाव वडेंसगा जहा ईसाणवडेंसगा
दीपरत्नसागर संशोधितः]
[37]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |