Page Text
________________
हवंतीति मक्खातं ते णं विमाणा सव्वरयणामया अच्छा जाव पडिरूवा तेसि णं विमाणाणं बहुमज्झदेसभागे पंच वडेंसया पन्नत्ता तं जहा- असोगवडेंसए सत्तिवण्णवडेंसए चंपगवडेंसए चूयवडेंसए मज्झेयत्थ सोहम्मवडेंसए ते णं वडेंसया सव्वरयणामया अच्छा जाव पडिरूवा एत्थ णं सोहम्मगदेवाणं पज्जत्तापज्जत्ताणं ठाणा पन्नत्ता तिसु वि लोगस्स असंखेज्जइभागे तत्थ णं बहवे सोहम्मगदेवा परहिवसंति-महिड्ढीया जाव पभासेमामा ते णं तत्थ साणं-साणं विमाणावासस-तसहस्साणंसाणं-साणं सामाणियसाहस्सीणं एवं जहेव ओहियाणं तहेव एतेसि पि भाणितव्वं जाव आयरक्खदेवसाहस्सीणं अण्णेसि
सोहम्मगकप्पवासीणं वेमाणियाणं देवाणं य देवीण य आहेवच्चं पोरेवच्चं जव विहरंति, सक्के यत्थ देविंदे देवराया परिवसति वज्जपाणी पुरंदरे सतक्कतू सहस्सक्खे मधवं पागसासणे दाहिणड्ढलोगाधिवती बत्तीसविमाणावाससतसहस्साधिवती एरावणवाहणे सुरिंदे अरयंबरवत्थधरे आलइयमाल-मउडे नवहेमचारुचित्तचंचलकुंडलविविहिज्जमाणगंडे महिड्ढिए जाव पभासेमाणे से णं तत्थ बत्तीसाए विमाणावाससतसहस्साणं चउरासीए सामाणियसाहस्सीणं तायत्तीसाए तावत्तीसगाणं चउण्हं लोगपालाणं अढण्हं अग्गमहिसीणं सपरिवाराणं तिण्हं परिसाणं सत्तण्हं अणियाणं सत्तण्हं अणियाधिवतीणं चउण्हं चउरासीईणं आयरक्खदेवसाहस्सीणं अण्णेसिं च बहूणं सोहम्मकप्पवासीणं वेमाणियाणं देवाणं य देवीण य आहेवच्चं पोरेवच्चं कव्वमाणे जाव विहरइ ।
[२२८] कहि णं भंते ईसाणगदेवाणं पज्जत्तापज्जत्ताणं ठाणा पन्नत्ता कहि णं भते ईसाणगदेवा परिवसंति गोयमा जंबुद्दीवे दीवे मंदरस्स पव्वतस्स उत्तरेणं इमीसे रयणप्पभाए पुढवीए बहुसमरमणिज्जाओ भूमिभागाओ उड्ढं चंदिम-सूरिय-गह-नक्खत्ततारारूवाणं बहूइं जोयणसताई बहूई जोयणसहस्साइं जाव उप्पाइत्ता एत्थणं ईसाणे नामं कप्पे पन्नत्ते-पाईण-पडीणायते उदीणदाहिणविच्छिण्णे एवं जहा सोहम्मे जाव पडिरूवे तत्थ णं ईसाणगदेवाणं अट्ठावीसं विमाणावाससतसहस्सा हवंतीति मक्खातं ते णं विमाणा सव्वरयणामया जाव पडिरूवा तेसि णं बहुमज्झदेसभाए पंच वडेंसगा पन्नत्ता तं जहाअंकवडेंसए फलिहवडेंसए रतणवडेंसए जातरूववडेंसए मज्झे यत्थ ईसाणवडेंसए ते णं वडेंसया सव्वरयणामया जाव पडिरूवा एत्थ णं ईसाणाणं देवाणं पज्जत्तापज्जत्ताणं ठाणा पन्नत्ता तिसु वि लोगस्स असंखेज्जतिभागे सेसं जहा सोहम्मदेवाणंजाव विहरंति, ईसाणे यत्थ देविंदे देवराया परिवसतिसुलपाणी वसभवाहणे उत्तरड़ढलोगाधिवती अट्ठावीसविमाणावाससतसहस्साधिवती अरयंबरवत्थधरे सेसं जहा सक्कस्स जाव पभासेमाणेसे णं तत्थ अट्ठावीसाए विमाणावाससतसहस्साणं असीतीए सामाणियसाहस्सीणं तायत्तीसाए तावत्तीसगाणं चउण्हं लोगपालाणं अट्ठण्हं अग्गमहिसीणं सपरिवाराणं तिण्हं परिसाणं सत्तण्हं अणियाणं सत्तण्हं अणियाधिवतीणं चउण्डं असीतीणं आयरक्खदेवसाहस्सीणं अण्णेसिं च बहूणं ईसाणकप्पवासीणं वेमाणियाणं देवाण य देवीण य आहेवच्चं पोरेवच्चं कुव्वमाणे जाव विहरति ।
कहि णं भंते सणंकुमारदेवाणं पज्जत्तापज्जत्ताणं ठाणा पन्नत्ता कहि णं भंते सणंकमारदेवा परिवसंति गोयमा सोहम्मस्स कप्पस्स उप्पिं सपक्खिं सपडिदिसिं बहुई जोयणाई बहुइं जोयणसताई जाव उड्ढं दूरं उप्पइत्ता एत्थ णं सणंकुमारे नामं कप्पे पाईण-पडीणायते उदीण-दाहिणविच्छिण्णे जहा सोहम्मे जाव पडिरूवे एत्थ णं सणंकमाराणंदेवाणं बारस विमाणावाससतसहस्सा भवंतीति मक्खातं ते णं विमाणा सव्वरयणामया जाव पडिरूवा तेसि णं विमाणाणं बमज्झदेसभागे पंच वडेंसगा पन्नत्ता तं जहा- असोगवडेंसए सत्तिवण्णवडेंसए चंपगवडेंसए चूयवडेंसएमज्झे यत्थ सणंकुमारवडेंसए ते णं वडेंसया सव्वरय
दीपरत्नसागर संशोधितः]
[36]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |